د نومبر په ۱۰، د سوریې ولسمشر احمد الشرع د دې هېواد لمړنۍ ولسمشر ؤ چې سپینې ماڼۍ ته راغۍ. په ملګرو ملتونو کې د متحدو ایالتونو د استازولۍ مشاورې مورګان اورټاګس وویل: "دا سفر د ولسمشر ټرمپ هغه لېوالتیا په ډاګه کوي چې غواړي د سوریې خلکو ته د سولې او سوکالۍ فرصت ورکړي."
له دې تاریخي سفر څخه لږ دمخه، متحدو ایالتونو په ولسمشر الشرع او د کورنیو چارو وزیر، انس خطاب، لږېدلي بندیزونه لرې کړل. اورټاګس وایي واشنګټن دا کار وروسته له هغې وکړ چې د (ملګرو ملتونو) امنیت شورا د یو پریکړه لیک په تصویبولو سره یې دوی (شرع او خطاب) د ملګرو ملتونو د ۱۲۶۷ بندیزونو له رژیم څخه حذف کړل.
"د متحدو ایالتونو د حکومت او د دې شورا لخوا دا اقدامات به د سوریې د اقتصاد د بیارغونې لپاره د سوریې د هڅو ملاتړ پداسې حال کې وکړي چې دا ډاډ ترلاسه شي چې بد-نیت لرونکي لوبغاړي ورڅخه ګټه پورته نکړي. او دوی یو قوي پیغام لیږي: د ۲۰۲۴ کال په دسمبر کې د اسد د رژیم له ړنګیدو وروسته سوریه په نوي عصر کې ده."
دغه راز متحدو ایالتونو د ګټورو پانګونو له لارې د سوریې د پراختیا لپاره د امریکایی او نړیوالو سوداګرۍ او بانکونو هڅولو لپاره یو نوی تنظیمي دریځ هم غوره کړی دی. اورټاګس نور غړي هیوادونه هم وهڅول چې ورته کار وکړي.
"د سوریې د رغوولو د هڅو لپاره، نړیوال مشارکت به خورا مهم وي. د بهرنیو چارو وزیر، مارکو روبیو، په دې وروستیو کې د سزار قانون وځنډاو. بهرني شریکان اوس کولای شي چې په ډاډ سره د سوریې په راتلونکي کې پانګونه وکړي."
د سفر په لړ کې سوریه د داعش ډلې د ماټولو په نړیوال ایتلاف کې یوځای شو. په دې ایتلاف کې له یوځای کېدو سره سوریې یوه نوې پاڼه پرانیسته او د هغو ۸۹ هېوادونو سره یو ځای شوه چې ژمن دي دا ډاډ ترلاسه کړي چې داعش بیا هېڅکله په یو نړیوال عذاب بدل نشي.
متحد ایالتونه د مذهبي او نژادي لږکیو په ګډون د سوریې د ټولو خلکو د سوله ایز ادغام ملاتړ کوي.
سربیره پردې، متحد ایالتونه ټول اړخونه هڅوي چې د سوریې د بیارغونې او ملي پخلاینې ملاتړ لپاره د سویدا عملي لار نقشه تعقیب کړي.
متحد ایالتونه په سویدا کې د دروز، عیسویانو او بدوي ټولنو سره د بشري مرستو اعلان کړی. دا کار د یوې باثباته سوریې څخه چې د خپل ځان او ګاونډیانو سره په سوله کې وي، د متحدو ایالتونو د روانو هڅو یوه برخه ده. دا مرسته به شاوخوا ۶۰۰۰۰ خلکو ته خواړه، اوبه او د حفظ الصحې توکي برابرې کړي، او همدارنګه د کورونو او اوبو د سیسټمونو په بیارغونه کې به مرسته وکړي څو د سوریې خلک په خوندي ډول خپلو کورونو ته راستانه شي.
په داسې حال کې چې د سوریې خلک د بیارغونې لپاره هلې ځلې کوي، اورټاګس په نورو هیوادونو غږ وکړ چې د سوریې د خلکو لپاره د اړینو بشري مرستو په برابرولو کې برخه واخلي. هغې ټینګار وکړ: "دا ډول مرستې په منځني ختیځ کې د تلپاتې سولې او ثبات د خوندي کولو او د دې لپاره چې د سوریې کډوال وشي کولای بیرته راستنا شي، اړینې دي."
مشاورې اورټاګس وویل: "موږ د سوریې له حکومت څخه غوښتنه کوو چې د دې شیبې ژمنه پوره کړي."
اورټاګس زیاته کړه: "سوریه یوازې یو چانس لري چې په سمه لار تعقیب کړي. موږ د سوریې له حکومت سره چې خپل هیواد د هغه څه په لور رهبري کوي چې موږ یې هیله لرو چې ښه راتلونکې به وي، نه یوازې د سوریې لپاره، بلکې د ټولې سیمې لپاره، د کار دوام ته سترګې په لار یو."