متحده ایالتونه ژمن دي چې د اګست په ۱۰مه د کولمبیا د بېلابېلو سیمو له ویجاړونکې ۷.۴ درجې زلزلې وروسته د دغه هېواد له خلکو سره مرسته وکړي.
د زلزلې مرکز د چوکو په سیمه کې د سان هوزې دیل پالمر ته نږدې و، او ټکانونه یې تر بوګوټا او د وینزویلا او اکوادور تر ځینو برخو پورې احساس شوي دي.
د امریکا د جیولوجیکي سروې ادارې اټکل کړی چې زلزله د ځمکې په شاوخوا ۹۶ کیلومتره ژوروالي کې رامنځته شوې، چې له امله یې دا په وروستیو څو لسیزو کې له تر ټولو زوره ورو زلزلو څخه یوه ګڼل کېږي.
د زلزلې له رامنځته کېدو نه یوازې څو ساعته وروسته، د امریکا د بهرنیو چارو وزارت د زلزلې وروسته د ودانیو د جوړښتي ارزونو سربېره د ژوند ژغورنې لپاره د بیړنیو سرپناه و، خوړو او خوندیتوب په برخه کې د ۱۵.۵ میلیونو ډالرو مرستې اعلان وکړ.
د بهرنیو چارو وزارت همدارنګه د ناورین د مرستې د غبرګون ډله (DART) هم فعاله کړه، چې د بهرنیو چارو وزارت له بېلابېلو برخو څخه بشري مرستندوی متخصصین پکې شامل دي. د DART په نوم د ځانګړې ډلې غړو د دې ویجاړونکې زلزلې په ورځ کولمبیا ته تګ پیل کړ.
دا کار د طبیعي ناورینونو د رامنځته کېدو نه سمدستي وروسته په مهمو لومړنیو ساعتونو کې د عاجلو او ژوند ژغورونکو اقدام لپاره د وزارت ژمنتیا څرګندوي.
د بهرنیو چارو وزارت د کولمبیا له ولسمشر ابلاردو دې لا اسپریېلا او د کولمبیا له حکومت سره په دوامداره توګه اړیکې لري څو د دې زلزلې اغېزې وارزوي او مناسب غبرګون وښيي.
د امریکا د بهرنیو چارو وزارت د DART یوه بله ډله استوي، څو د ناورینونو د غبرګون په برخه کې د نړۍ په کچه د تخصص، تخنیک او پروګرامونو ملاتړ، عملیاتي مشرتابه او په ساحه کې همغږي برابره کړي.
دا ډله د وضعیت د ارزونې، د بشري اړتیاوو د تشخیص او د امریکا د حکومت د ناورین د غبرګون په برخه کې د رهبرۍ مسؤلیت لري .د بهرنیو چارو وزارت له موجود مرستندوی پرسونل او په بوګوټا کې د امریکا د سفارت له دیپلوماتانو سره نږدې کار کوي څو له سیمهییزو چارواکو او شریکو سازمانونو سره همغږي وکړي.
لومړنۍ ۱۵.۵ میلیونه ډالره به د باوري شریکانو له لارې ولګول شي چې د کاتولیکانو د مرستندویو خدمتونو په نوم د بنسټ، د کډوالۍ نړیوال سازمان، میاموتو انټرنېشنل، د ملګرو ملتونو د خوړو نړیوال پروګرام او ورلډ ویژن خدماتي بنسټونه پکې شامل دي.
له مجموعي مرستې څخه درې میلیونه ډالر چې لا له وړاندې د CRS د بنسټ له خوا د نړیوالې مرستې له بودجې څخه اخیستل کېږي کولی شي سمدستي مرستې ورسوي.
سربېره پر دې، د بشري چارو د همغږۍ لپاره د ملګرو ملتونو دفتر (OCHA) ته د امریکا د بهرنیو چارو وزارت د ۳ میلیارد ډالرو د ونډې د یوې برخې په توګه، متحده ایالتونه د کولمبیا ګډ صندوق ته ۲۰۰ میلیون ډالر برابر کړي دي. OCHA کولی شي له دې بودیجې څخه په کولمبیا کې د زلزلې اړوند اړتیاوو او همدارنګه د موجودو بشري اړتیاوو د پوره کولو لپاره کار واخلي.
د امریکا د بهرنیو چارو وزیر مارکو روبیو وویل چې د ولسمشر ډونالډ ټرمپ اداره دا ناورین له نږدې څاري او «چمتو ده چې د کولمبیا له خلکو او د ولسمشر ابلاردو دې لا اسپریېلا له ادارې سره مرسته وکړي.»