Faalladan waxay ka turjumaysaa aragtida dowladda Mareykanka
Benin iyo Niger ayaa saxiixday heshiis heer gobol ah intii lagu jiray shirkii hoggaamiyeyaasha Mareykanka iyo Afrika ee dhawaan lagu qabtay Washington. Isafgaradkan waxaa loogu talagalay in lagu dhimo kharashka gaadiidka ee marinka u dhexeeya Dekedda Cotonou ee Benin iyo magaalada caasimadda ah ee Niger ee Niamey.
Iskaashiga loogu magacdarey, Millennium Challenge Corporation, waxay ku maalgelin doontaa Benin $202 milyan iyo $302 milyan Niger. Maalgelintan waxaa lagu sii taageeri doonaa $15 milyan oo wax ku biirin ah oo ay bixinayaan Benin iyo Niger labadaba waxaana la filayaa inay ka faa'iidaystaan dad lagu qiyaasay 1.6 milyan oo qof.
Benin iyo Niger waa laba ka mid ah dalalka ugu kobaca dhaqaalaha badan Afrikada Saxaraha ka hooseeya. Wadashaqeyntoodu waxay taageeri doontaa kobaca, xoojinta ganacsiga iyo kaabayaasha gaadiidka, waxayna isku xiri doontaa dalalkooda, warshadahooda, iyo dadkooda, ayuu yiri Xoghayaha Arrimaha Dibadda Antony Blinken:
"Dekedda Benin waxay muhiim u tahay dhaqaalaha Galbeedka Afrika, dekedda Cotonou. Benin, waa isha ugu weyn ee dakhliga, fududaynta ganacsiga caalamiga ah, u oggolaanaya dhoofinta alaabteeda. Waddamada deriska ah sida Niger, dekeddani waa marinka ugu weyn ee badeecadaha looga dhoofiyo suuqyada adduunka, iyo sidoo kale soo dejinta badeecadaha muhiimka ah, oo ay ku jiraan cuntada iyo saliidda cuntada.”
"Is-afgaradka MCC wuxuu ku maalgelin doonaa in ka badan nus bilyan doollar kaabayaashaas, waxayna ku sameyn doonaan deeqo, taas oo macnaheedu yahay inaysan ku korin doonin dawladaha deynta," ayuu yiri Xoghaye Blinken.
"Mashruucyadu waxay yeelan doonaan calaamadaha iskaashiga Maraykanka. Waxay noqon doonaan kuwo hufan, tayo sare leh oo waxay la xisaabtami doonaan dadka ay ula jeedaan inay u adeegaan, waxay sidoo kale taageeri doonaan maamul wanaag. Marka la dhammeeyo, mashaariicdani waxay ka dhigi doonaan mid degdeg ah oo ammaan ah in alaabta lagu geeyo waddooyinka iyo xuduudaha, waxayna ku xiri doonaan Benin iyo Niger suuqyo waaweyn iyo fursado waaweyn. Waana horumar iyaguna ka caawin kara in dhaqaaluhu u koraan si joogto ah oo sinnaan ah oo gaadhsiiya dariiqyo macno leh oo barwaaqo lagu gaadho boqollaal kun, haddii aanay ka badnayn, dadka.”
Shirka Hogaamiyeyaasha Maraykanka iyo Afrika, "waxaanu mudnaanta siinnay in la abaabulo maal-gashiyada noocaan ah sababtoo ah waxaan ognahay in tani ay tahay sida aad u abuurto faa'iidooyin dhab ah oo la taaban karo oo loogu talagalay dadka labada dhinac ee Atlantic," ayuu yiri Xoghaye Blinken.
Heshiiskii Benin-Niger “waa guul muhiim ah; tani waa hal-abuur,” ayuu yiri Xoghaye Blinken. "Waxaan u maleynayaa inay tilmaamayso waddada hore loo maro. . Afrika iyo saaxiibadayada Benin iyo Niger."