د شمالي اتلانتیک د تړون (ناټو) لپاره د متحده ایالاتو سفیرې جولیان سمیت په یوه وروستۍ مرکه کې اعلان وکړ چې: "نن د ناتو د تړون حالت په پام وړ کچه غښتلی دی، ښایي د بل هر وخت په پرتله تر ټولو پیاوړی وي."
أغلې سیمت وویل، "موږ د اتحاد په تاریخ کې یوه داسې شیبه لرو چې تړون د ناټو له خاورې څخه دومره لرې نه د جګړې په وجه ننګول کیږي. خو په هغه ډول چې متحدین په تیر کال کې سره راټول شوي له پامه نشي غورځیدای."
سفیرې سمیت وویل، متحدینو په مختلفو لارو خپله دفاع فعاله کړې ده:
"متحدین لومړی او په لوړه کچه سره راټول شول چې د ناټو ختیځ اړخ پیاوړی کړي ترڅو ډاډ ترلاسه کړي چې په ختیځه اروپا کې د دوی غړي هغه څه لري چې دوی ورته په دې شیبه کې د خونديتوب او امنیت د احساس کولو لپاره اړتیا لري. دوهم، متحدین په انفرادي توګه د اوکراین د خلکو او د اوکراین د پوځي ځواکونو د ملاتړ لپاره سره راټول شوي دي. او دریم، د اتلانتیک تړون متحدین پر مسکو د اعظمي فشار د پلي کولو لپاره په خپلو هڅو کې متحد دي."
سفیرې سمیت وویل "د اوکراین لپاره د ناټو ملاتړ پیاوړی دی او دا د هغې ورځې په څیر پیاوړی دی چې روسیې دا جګړه پیل کړه":
"زه فکر کوم چې هلته ځینې خلک، په ځانګړې توګه ولسمشر پوتین، تمه درلوده چې د اوکراین لپاره د لویدیځ ملاتړ یا د اوکراین لپاره د ناټو ملاتړ په یو ډول ودریږي. خو دا بالکل داسې نه ده. متحدینو یوازې په دې وروستیو ورځو کې یو ځل بیا د اوکراین لپاره خپل قوي ملاتړ تکرار او تایید کړ. متحدین اساسا پوهیږي چې څه په خطر کې دي. دوی پوهېږي چې د اوکراین پوځي ځواکونه نه یوازې د خپلې خاورې د دفاع لپاره جنګېږي، بلکې د اوکراین پوځي ځواکونه د هغو ارزښتونو د ساتنې لپاره جنګېږي چې د ناټو متحدینو ارزښتناک دي او دوی یې هم ساتنه غواړي.»
سفیرې سمیت په ډاګه کړه چې: "زه د اتحاد د یووالي د کچې د راټیټیدو هیڅ نښه نه وینم. هغې زیاته کړه، "زه د ناټو هیڅ یو غړی نه وینم چې د وتلو هڅه وکړي. بالکل برعکس. هغه څه چې زه ګورم هغه متحدین دي چې هر څومره وخت چې ونیسي دوی به د اوکراین د خلکو او په اوکراین کې د هغو پوځي ځواکونو ملاتړ ته دوام ورکړي چې د اوکراین د ځمکنۍ حاکمیت دفاع کوي."