Kounyea, yon editoryal ki reflete opinyon Gouvènman Etazini an:
Etazini ap angaje li ak patnè li yo pou yo ede takle yon mas migrasyon istorik nan emisfè Wès la, se pawòl Konseye pou Sekirite Nasyonal Jake Sullivan nan Konferans sou Amerik yo ki te fèt nan Washington lòt jou la a.
Sa gen 2 zan, Prezidan Joe Biden te lanse Deklarasyon Los Angeles sou Migrasyon ak Pwoteksyon, ansanm ak 20 patnè ki sou lòt bò emisfè a. E ansanm, se Msye Sullivan ki ap pale, “Nou ap travay sou 3 prensipal pilye ki nan deklarasyon sa a:” jwenn koz ki nan rasin migrasyon an; mete plis mwayen legal pou ede ranplase migrasyon ilegal; e pouse mwayen pi solid ak pi imen pou fè respekte lwa pou kontwòl fwontyè yo nan tout rejyon an.
“ Pou kounye a, nou wè patnè nou yo ki ap leve pye yo nan nivo ke nou pa te janm wè anvan, e ke nou pa te espere” se pawòl Msye Sullivan.
« Pa ekzanp, peyi yo nan Amerik Latin nan ak nan Karayib la, resevwa plis pase 80 pousan nan prèske 8 milyon migran ki soti Venezyela, ki kouri kite rejim Maduro a. ... Etazini ap leve pye li tou pou fè respekte lwa nou yo ak sekirite e yon fason imen. Nou ap aplike yon nouvo Regleman pou ankouraje migran yo sèvi ak mwayen òdone pou antre nan peyi nou an, antwòt nou mete restriksyon ki anpeche moun ki pa fè sa jwenn kalifikasyon pou azil. »
Etazini ogmante mezi pou etidye ka migran ki rive sou fwontyè sid peyi a e li pimpe tounen byen vit sa yo ki paka pwouve ke yo merite pwoteksyon.
Apre yon pale ke yo te fè, sa pa gen lontan, Prezidan Joe Biden ak Prezidan meksiken Lopez Obrador te antann yo pou yo fè aksyon klè pou amelyore sityasyon migrasyon an, antwòt nan reponn vag migran yo depi anvan yo rive sou fwontyè a, se Msye Sullivan ki pale konsa:
“Yo antann yo sou mezi ki ankouraje migran yo rete nan kominote kote yo moun nan, epi dekouraje yo chwazi mòd transpò danjere kote migran yo riske jwenn ak vyolans sou wout yo nan direksyon nò a. Efò tèt ansanm nou, ak Meksik e ak lòt patnè nan Deklarasyon Los Angeles la, te kontribye pou rive nan yon rediksyon 30 pousan nan goumen ak migran ilegal sou fwontyè sidwès peyi a mwa pase, konpare ak menm peryòd la ane pase.”
Malgre defi ki nan Emisfè Wès la yo, pami yo migrasyon, Konseye pou Sekirite Nasyonal Sullivan te eksprime espwa pou lavni. “Si w gade tout matyè premyè ke nou gen ansanm kòm yon emisfè, pa gen rezon pou Amerik yo pa yon rejyon ki gen plis pwosperite, plis demokrasi, plis sekirite nan mond la.”
“Nou gen kapital lajan an ak kapasite a,” se Msye Sullivan ki pale konsa. Li di « Nou gen volonte a. E plis pase tout bagay, nou len genyen lòt. »
Sete yon editoryal ki reflete opinyon Gouvènman Etazini an.