Kounyea, yon editoryal ki reflete opinion Gouvènman Etazini an:
Kriz ensekirite a kontinye ann Ayiti. Otorite Federal pou Avyasyon (FAA) entèdi vòl avyon ki soti Etazini ale Ayiti, pou yon mwa, apre kèk avyon djèt sot pran bal pandan yo t ap ateri lòt jou la a nan Potoprens. Akoz tire yo, aewopò a fèmen jiska 18 Novanm, sa ki te retade arive èd imanitè ak anplwaye.
Pandanstan, sityasyon politik la rete toumante. 10 Novanm, Konsèy Prezidansyèl Tranzisyon an, KPT, siyen yon dekrè ki revoke Premye Minis pwovizwa Garry Conille nan pouvwa a. KPT a te pran plas li ann Avril pou gide Ayiti nan direksyon gouvènans demokratik ak nouvo eleksyon. KPT a ranplase Conille, ki te pase 6 mwa nan pouvwa a, e moun ki ranplase li se Alix Didier Fils-Aimé, ki se ansyen prezidan Chanm Komès ak Endistri Ayiti a.
Nan yon deklarasyon, Pòtpawòl Depatman Deta Matthew Miller te remèsi ansyen Premye Minis la « pou bon jan sèvis ke li rann peyi li. » Msye Miller di, « Etazini rekonèt ke Konsèy Prezidansyèl Tranzisyon an ann Ayiti ansanm ak Premye Minis Garry Conille pa te ka vanse yon jan pou bati yon bagay, e nou wè ke KPT a te deside chwazi moun ki pou pran plas li. Etazini espère travay ak nouvo Premye-Minis Alix Didier Fils-Aimé e ak KPT a pou ede yo fè pwogrè devan priyorite ijan ki pwal sou chimen yo nan mwa ki ap vini yo. »
Msye Miller byen akeyi angajman ke KPT a pran ansanm ak nouvo premye-minis la « pou yon plan daksyon an komen ki prezante gran liy vizyon pa yo pou amelyore sekirite ak gouvènans, e pou trase yon wout ki ap mennen nan eleksyon lib ak onèt. »
Ayiti kolibe anba vyolans gang ki ogmante depi kèk lane. An Septanm 2024, Konsèy Sekirite l-ONU an te renouvle misyon Sipò Miltinasyonal pou Sekirite ke Kenya ap dirije (MSS) pou Ayiti a pou 12 mwa pou ede polis nasyonal la mete kontwòl nan sityasyon kote lalwa pa ekziste a.
Prensipal Asistan Pòtpawòl Depatman Deta Vedant Patel deklare Etazini « santre fèm » sou efò pou takle kriz Ayiti a :
« Misyon MSS la kontinye fè wout pou rafine estrateji misyon an, nan santre sou jan li ap travay ansanm ak Polis Nasyonal Ayiti a. Nou gen entansyon bay preske 628 milyon dola nan sipò finansye ak nan lòt kalite don ak sèvis. Ladann gen machin blende, radio mobil, linèt pou lannwit, ak dronn. »
« Nou ap tann pou nou travay ak premye-minis ki fèk moute a, » se Asistan Pòtpawòl Patel ki ap pale. « E bezwen ijan pèp ayisyen an … sa mande pou gouvènman tranzisyon an mete kòm priyorite li gouvènans ak enterè politik yo, e nou pwal kontinye angaje byen fon sou kesyon sa a. »
Sete yon editoryal ki reflete opinion Gouvènman Etazini an.