Kounyea, yon editoryal ki reflete opinion Gouvènman Etazini an:
Etazini fè defans dwa moun vinn tounen yon priyorite politik. Tout moun, tout kote gen dwa daprè deklarasyon sekretè deta Antony Blinken nan Seremoni pou Defansè Dwa Moun nan.
"Epi se paske nou konnen ke yon mond kote
dwa moun yo respekte se yon mond ki pwofondman nan enterè nou.
Kòm yo te souliye nan kat dènye ane ki pase yo, peyi ki
respèkte dwa moun yo - an jeneral – se peyi ki pi estab, yo gen plis sekirite, e yo gen plis lapè. Yo se patnè ki pi serye ki te kapab egziste.
Yo se pi bon jeran planèt nou pataje a.”
Moun ki resevwa trofe pou Dwa Moun yo ane sa a se yon seri moun ki gen anpil kouraj moun ki te gen volonte pou yo pran risk ekstraòdinè pou defann dwa fondamantal yo.
Youn pami moun sa yo se Juana Alicia Ruiz. Aprè
Lagè sivil Kolonbi a, li te mete ansanm ak kèk lòt fanm nan
Kominote a pou kreye yon pwojè tankou krochè pa egzanp pou ede sivivan yo rakonte abi yo te konn sibi epi trete chòk yo te subi yo avèk kouraj yo.
Nan Gana, Ebenezer Peegah ak òganizasyon li a te kòmanse
devlope ak distribye chak jou mizajou vityèl ki
bay plizyè milye LGBTQI+ enfòmasyon yo bezwen pou yo
evite gwoup vijilans yo.
Mary Ann Abunda kite lakay li nan Filipin pou l ale Kowet
epi li te vinn tounen yon travayè domestik, kote li te sibi
eksplwatasyon ak abi. Li te mete tèt ansanm ak lòt travayè yo
pou yo kreye yon òganizasyon ki defann dwa yo nan
travay domestik ak lòt travayè migran yo nan Kowet.
Nan Azerbaydjan, Rufat Safarov yo te mete yon fo akizasyon sou dol pou fè konnen komkwa li te konn peye kout lajan anba tab
epi yo te kondane l pou l pase nevan nan prizon nan yon similak jijman.
Lè li lage, li te fonde yon òganizasyon pou ede moun
ki gen objektif pou defann dwa moun. Gouvènman an
te arete l ankò paske li t ap chèche yon viza pou l te ka antre
Ozetazini, daprè sa sekretè Blinken te di.
“Gouvènman Azerbaidjan ta dwe lage
Rufat - e lage l 'tou swit – menm jan ak tout
lòt jounalis, defansè dwa moun yo, opozan politik yo
, ak tout lòt moun yo kenbe enjisteman yo.”
Thulani Rudolph Maseko te dedye tout lavi li pou
ameliore dwa moun nan Eswatini. Nan dat 21 janvye 2023,
yo te tire -l e yo te touye l lakay li. Yo pa jwenn yon moun ki pran responsabilite pou krim nan .
Pami Lòt ganyan trofe yo genyen Aida Dzhumanazarova nan
Kyrgyzstan, Mang Hre Lian nan Burmani, ak Amparo Carvajal nan Bolivi
Sekretè Blinken te di: “[A] onore nou yo jodi a,” ak
tout moun k ap goumen pou dwa moun atravè mond lan:
Mwen ankouraje w pou w kontinye bay egzanp lan. Kontinye leve defi ki devan nou yo nou yo pou pwouve ke nou merite kouraj sa a. Kontinye mande nou rann kont.”
Sete yon editoryal ki reflete opinion Gouvènman Etazini an.