Kounyea, yon editoryal ki reflete ideyal ak enstitisyon ameriken yo:
Nan okazyon Jounen Entènasyonal Dwa Moun, ke yo selebre 10 Desanm, Biwo Kontwòl Byen Etranje Depatman Trezò Etazini, oswa OFAC, te anonse nouvo mezi epi li mete aksan sou aksyon sanksyon ki gen rapò ak dwa moun li te pran pandan ane 2024 la.
Yo te enpoze nouvo sanksyon sa yo sou Komite Nasyonal Houthi pou Afè Prizonye yo, HNCPA, ak lidè li Abdulqader Al-Murtadha. HNCPA opere Prizon Houthi yo nan Yemèn. Daprè Nasyonzini, Depatman Trezò a te di nan yon deklarasyon, prizonye nan kay Chanjman an nan Sana'a yo sibi sistematikman tòti sikolojik ak fizik, ki gen ladan similak ekzekisyon, yo bat yo, e yo ba yo kouran, san konte lòt abi.
Pami prizonye yo, genyen ansyen anplwaye lokal Anbasad Etazini ak Nasyonzini, travayè imanitè, ak jounalis. Yo te chwazi Al-Murtadha kòm yon lidè nan yon antite gouvènman an oswa ki gen manm li yo ki te angaje nan komèt abi grav dwa moun ki gen rapò ak manda lidè a.
Dezyèm moun ki te tonbe anba sanksyon se Fawaz al-Akhras paske li te ede materyèlman ansyen prezidan siryen an, Bashar al-Assad, nan zafè finansye, evazyon sanksyon, ak tantativ pou reyalize angajman politik entènasyonal. Assad li mènm te deziyen tèt li an 2011 ak 2020 akòz gwo abi dwa moun ke gouvènman li an te komèt nan peyi Siri, tankou disparisyon fòse, arestasyon abitrè disidan politik, zak kraze zo ak vyolans seksyèl nan sant detansyon yo.
Depatman Trezò a remake depi janvye 2024, OFAC te chwazi plis pase 100 moun ak antite ki asosye ak abi dwa moun nan plis pase 20 jiridiksyon. "Aksyon sa yo," Depatman Trezò a te ekri, " yo te vize yon seri aktivite, pami yo represyon nasyonal ak transnasyonal, disparisyon fòse ak priz otaj, vyolans ki baze sou sèks, trafik moun, ki gen ladann travo fòse, ak abi dwa moun ke teworis ak òganizasyon kriminèl yo konn fè.”
Sekretè Trezò a, Janet Yellen, te di nan deklarasyon sa a, "Etazini angaje anpil pou pwomouvwa respè dwa moun, e Trezò a fyè dèske li sèvi ak zouti nou yo depi lontan pou objektif sa a." Li te fè remake ke "Biwo Kontwòl Fon Etranje a, OFAC jan yo te konnen’n anvan an, te tabli pandan Dezyèm Gè Mondyal la pou anpeche rejim Nazi a pwofite byen peyi okipe yo pou elaji lagè a ak pou kontinye mennen kanpay sistematik atwosite li yo.
Sekretè Yellen te deklare: " Nou fyè, pou nou bati sou eritaj enpòtan sa a ki klere yon limyè sou ka abi grav sou dwa kretyen vivan."
Sete yon editoryal ki reflete ideyal ak enstitisyon ameriken yo.