Kounyea, yon editoryal ki reflete opinyon Gouvènman Etazini an:
Nan premye jou li nan pouvwa a, Prezidan Donald Trump deklare yon jou ijans nasyonal sou fwontyè sid Etazini.
«Souverènte, kidonk dwa granmoun Etazini anba atak, » se avètisman Prezidan Trump. «Fwontyè sid nou an anba kontwòl katèl dwòg, gang kriminèl, moun ki gen repitasyon kòm teworis, sa ki ap fè trafik moun, kontrebandye, gason ki gen laj pou yo nan lame, ki soti nan peyi ki advèsè nou, e ke nou kite antre san tcheke istwa yo, ak moun dwòg ki ap fè Ameriken soufri, ansanm ak peyi a. »
Envazyon sa a mennen nan asasinay terib ki san eskiz sou anpil sitwayen ameriken inosan, pami yo fanm ak timoun, anba men imigran illegal. Gang kriminèl etranje ak katèl koumanse sezi kontwòl kèk pati nan vil yo, kote yo atake sitwayen ki pi fèb nou yo, epi teworize Ameriken, kote fòs lòd lokal yo paka kontwole yo. Gen katèl ki kontwole kèk gwo moso teritwa pa lòt bò fwontyè sid nou an, kote yo vrèman kontwole kilès ki kapab ak kilès ki pa kapab soti Meksik pou antre Etazini. Dè santèn milye Ameriken pran lanmò trajik akoz dòz dwòg ki twòp pou yo, ki travèse fwontyè sid la.
Ofansiv sa a sou pèp ameriken an ak sou teritwa ki fè nou yon pèp souvren, reprezante yon menas grav pou nasyon nou an, se deklarasyon Prezidan Trump.
Akoz gravite menas sa a, li nesesè pou Fòs Ame yo ede Depatman Sekirite Enteryè pran tout kontwòl fwontyè sid la pou li ka fonksyone kòmsadwa, dapre eksplikasyon Prezidan Trump ki te fè yon diskou nan Enstiti Palmantè a:
« Mwen deplwaye twoup tou sou fwontyè a, e, pou premye fwa nan listwa, nou jwenn epi anbake imigran ilegal abò avyon militè, epi pimpe yo tounen kote yo dwe ye, kote yo te soti a. »
« Pou pwoteje sekirite sitwayen ameriken e pou fè yo viv san danje, pou pwoteje chak Eta kont envazyon, e pou fè travay mwen ki se fè moun respekte jan yo konprann sa ki nan lwa peyi a, se responsablite pa m, » se Prezidan Trump ki ap pale konsa, « pou asire ke kesyon moun ki ap antre Etazini ilegalman nan janbe fwontyè sid la, sa sispann touswit e fini nèt. »
« Nou fè li klè pou tout peyi ke yo pwal repran moun pa yo ke nou ap voye ba yo, kriminèl ak imigran ilegal ki ap soti nan peyi pa yo, ke nou ap pote pote tounen ba yo, e ke yo pwal repran tou byen vit. E si yo pa fè sa, yo pwal peye yon gwo pri ekonomik pou sa. »
« Kòm kòmandan an chef, » mwen pa gen responsablite pi solanèl pase pwoteje pèp ameriken an. »
Sete yon editoryal ki reflete opinyon Gouvènman Etazini an.