Kounyea, yon editoryal ki reflete opinyon Gouvènman Etazini an:
Sekretè deta ameriken an, Marco Rubio, anonse ranfòsman yon pwogram ki gen rapò ak politik restriksyon visa Cuba ki te deja la e ki vize travo fòse ki lye ak program ekspotasyon travayè kiben yo.
Pwogram sa a, tankou Depatman Deta te note nan yon nòt enfòmasyon byen bonè ane sa a, voye plizyè dizèn milye travayè kiben atravè mond la anba yon akò kowoperasyon li negosye pou plizyè lane avek peyi kap resevwa yo.
Majorite travayè yo se profesyonèl lasante, e pwogram ekspòtasyon mendèv sa a rapòte gouvenman kiben an ant 6 a 8 milia dola chak ane.
Gouvenman peyi Kiba fè promosyon pou pwogram sa a kòm yon pwogram pou ede lòt peyi, men Depatman Deta note ke obsevatè entènasyonal ak ansyen patisipan di se yon eksplwatasyon, se yon travay fòse.
Nan lane 2021, plis pase 1100 patisipan te depoze plent devan Lakou Penal Entènasyonal ak Nasyonzini. Majorite nan yo rapote yo pat pote yo volontè pou travay sa a. Men yo te fòse yo separe ak fanmi yo. Pi fò nan yo te anba siveyans. Yo te anpeche yo pran kontak ak moun nan zon kote yo te ye a. Yo te jennen mouvman yo. Yo te sèlman ba yo yon ti lajan pou yo siviv. E yo te promèt pou yo ta ba yo pinisyon, tankou fè yo pedi kay yo, propriete yo, sizoka yo pa ta retounen Kiba.
Sekretè Deta Rubio note nan yon deklarasyon, non sèlman pwogram ekspotasyon mendèv Kiba a anrichi rejim kiben an, nan ka misyon medikal aletranje li yo, li prive Kiben yo de swen medical yo bezwen seryezman lakay yo.
Sete yon editoryal ki reflete opinyon Gouvènman Etazini an.