د اسرائیل بریا، د ایران سپکاوی

د متحده ایالاتو د بهرنیو چارو وزیر انتوني بلینکن وویل، پر اسرائیل باندې د اپریل په ۱۳مه د ایران برید "په خپل حد او اندازه کې بې ساری و."

کله چې ایران د اپریل په ۱۳ په اسرائیل خپل هوایی برید پیل کړ، د بهرنیو چارو د وزیر انتوني بلینکن په وینا، دا برید "په خپل حد او اندازه کې بې ساری و."

"په خپل حد کې، دا ځکه [بیساری و] چې دا په اسرائیل باندې د ایران لخوا لومړی مستقیم برید و؛ او د کچې له اړخه دا ځکه [بیساری و] چې ... د بالیسټیک توغندیو او همدارنګه د ځمکني برید کروز توغنديو او ډرون په ګډون له ۳۰۰ څخه ډیر تجهیزات په کې وکارول شول. د اسرائیل د هوايي دفاع او همدارنګه د متحده ایالاتو د نظامي شتمنیو په ګډون د نورو هیوادونو د ملاتړ څخه مننه، چې په حقیقت کې ټول راتلونکي توغندي له منځه یوړل شول او وپرزول شول."

د بهرنیو چارو وزیر بلینکن وویل، هغه څه چې د اونۍ په پای کې څرګند شول، "دا دي، کله چې اسرائیل د تجاوز سره مخ کیږي، نه ښایي او ضرور هم ندي چې په یواځې توګه د خپل ځان دفاع وکړي."

د متحده ایالاتو د ملي امنیت د شورا د ارتباطاتو سلاکار جان کربي هم ټینګار وکړ چې د برید پر وړاندې غبرګون وښودله چې "د ایران برعکس، چې په نړۍ کې مخ په زیاتیدونکې توګه منزوي کیږي، اسرائیل ملګري لري."

"اسرائیل لوی مهارت، عالي مسلکيتوب، عالي نظامي وړتیا لري، او دا ناڅاپي خبره نده. دا ټول د هغه ملاتړ زیږنده ده چې دوی یې په ځانګړې توګه د متحده ایالاتو څخه، خو د نورو هیوادونو څخه هم ترلاسه کوي."

ښاغلي کربي په ډاګه کړه چې پر اسرائیل برید د ایران لپاره یوه "حیرانونکې او شرموونکې ناکامي" وه.
"د دې برید کچې ته په پام سره، په څرګنده د ایران نیت دا و چې د پام وړ ویجاړۍ او تلفات رامنځته کړي...دا کار ونشو. دا برید زموږ د چمتووالي، د ژمنو شریکانو د ایتلاف او د اسرائیل د پام وړ دفاعي سیسټمونو په پایله کې مات شو...نننی اسرائیل د څو ورځو مخکني اسرائیل په پرتله په خورا پیاوړي ستراتیژیک موقعیت کې دی. د ایران د لاپو وهلو د توغندیو پروګرام، هغه څه چې د اسرائیل او سیمې د ګواښلو لپاره یې کاروي، خورا لږ اغېزمن ثابت شو."

د متحده ایالاتو د ملي امنیت د ارتباطاتو سلاکار جان کربي په ډاګه کړه چې "نن ورځ د نړۍ ډیره برخه د اسرائیل سره ولاړه ده،" او هغه د جي-۷ هیوادونو د مشرانو لخوا "د اسرائیل په وړاندې د ایران مستقیم او بې ساري برید" غندنې ته اشاره وکړه، هغه وویل، د متحده ایالاتو ټیمونه اوس د جي-۷ هیوادونو د پلازمینو سره د نويو څو اړخیزو بندیزونو په اړه غور کوي ترڅو د ایران توغندي او نور ناوړه پروګرامونه په نښه کړي.

د ښاغلي کربي په وینا "نو دلته نتیجه داده،" چې "یو قوي اسرائیل. یو کمزوری ایران. د شریکانو یو ډیر متحد اتحاد. د شنبې د شپې د برید په کولو سره دا د ایران اراده نه وه، حتی نږدې هم نه شول. او دوی یو ځل بیا ناکام شول. هغوی په بشپړه توګه ناکام شول."