د متحده ایالاتو د بهرنیو چارو وزارت ویاند نیډ پرایس وویل: "متحده ایالات د چین د خلکو په جمهوریت کې د متحده ایالاتو او نورو بهرنیو ژورنالیستانو د مخ په ډیریدونکي سختې څارنې، ځورونې او ډار په اړه ژوره اندیښنه لري."
ښاغلي پرایس په یوه بیان کې ددې ډول ځورونې وروستۍ بیلګه په ګوته کړه: هغو بهرنیو ژورنالیستانو ته خطرناک ګواښ چې په مرکزي هینان ولایت کې د ویجاړونکي سیلابونو او ژوند ضایع کیدو راپور ورکوي. ډیر شمیر خبریالان د آنلاین تاوتریخوالي د ګواښونو سره مخ شوي او نور د قهرجنو خلکو له خوا په فزیکي ډول اذیت شوي.
لکه څنګه چې ویاند پرایس لیکلي، د چین د خلکو جمهوریت "سختې لفاظۍ چې د رسمي دولتي رسنیو له لارې هڅول شوي، د هر هغه خبر په اړه چې د چین د خلکو جمهوریت په پالیسیو انتقاد کوي، منفي عامه احساسات راپاروي او هغو ژورنالستانو ته چې صرف خپله دنده ترسره کوي د آنلاین لفظي ناوړه چلند او د مرګوني ګواښونو په ګډون د شخصي شخړو او ځورونې لامل کیږي."
په وروستي خبري کنفرانس کې د چین د خلکو جمهوریت د بهرنیو چارو وزارت ویاند ژاؤ لیجیان ادعا وکړه چې "په چین کې د بهرنیو خبریالانو لپاره د راپور ورکولو چاپیریال خلاص او وړیا دی." دا قضیه دومره ساده نه ده. د رسنیو د آزادۍ په اړه د چین د بهرني خبریالانو کلني راپور وموندله چې د سروې شویو ۸۲ سلنه خبریالانو ویلي چې دوی د راپور ورکولو پرمهال مداخلې، ځورونې یا تاوتریخوالی تجربه کړی دی.
د چین د خلکو د جمهوریت په هکله د متحده ایالاتو د بهرنیو چارو وزارت دبشري حقونو وروستي راپور یادونه کړې چې "د حکومت له خوا د بهرنیو ژورنالیستانو ځورونه په ځانګړي ډول په سنکیانګ کې سخته وه،" چې پرله پسې څارنه، نمایشي ترافیکي پیښې، د سړک بندول او سایبري بریدونه پکې شامل وو. همداشان په ۲۰۲۰ کې د وال سټریټ ژورنال د دریو خبریالانو اخراج او د حکومت لخوا د واشنګټن پوسټ، وال سټریټ ژورنال او امریکاغږ د خبریالانو د بهرنیو ماموریتونو په توګه نومول هم په رپوټ کې په ګوته شوي، "درې واړه یې دې ته اړ کړل چې حکومت ته د دوی د کارمندانو د مالي چارو او په هیواد کې د عملیاتو په اړه توضیحات ورکړي."
سربیره پردې، د بهرنیو چارو وزارت راپور ورکړ چې د ویزې نوي کولو پروسه د چین د خلکو د جمهوریت چارواکو لخوا د ژورنالیستانو د ننګولو او د هیواد څخه د اضافي بهرنيو خبریالانو د ایستلو لپاره کارول شوي، پداسې حال کې چې بهرنيو رسنیو ته ځایي کارکوونکي د ځورونې او ډار سره مخ شوي دي.
د بهرنیو رسنیو په وړاندې د بیجینګ سخت کمپاین یوازې څو میاشتې مخکې له هغه رامنځته شو چې دا هیواد د ۲۰۲۲ د ژمي د المپیک کوربتوب کوي. ویاند پرایس د چین د خلکو جمهوریت څخه وغوښتل چې "راتلونکی لوبو ته د بهرنیو رسنیو او د نړۍ د هرکلي په هیله" د یو مسؤل ملت په توګه عمل وکړي.
هغه یادونه وکړه چې د متحده ایالاتو د بهرنیو چارو وزارت مرستیالې وینډي شرمین په تیانجین کې د چین د خلکو جمهوریت له چارواکو سره په وروستۍ غونډه کې رسنیو ته د لاسرسي په اهمیت، له ځورونې څخه د خلاصون او د مطبوعاتو د آزادۍ د اهمیت مسله راپورته کړه. ښاغلي پریس وویل "موږ د چین د خلکو جمهوریت په چارواکو غږ کوو، ډاډ ورکړي چې ژورنالیستان خوندي پاتې کیږي او په آزاده توګه د راپور ورکولو وړتیا لري."