Accessibility links

Breaking News

Искористување на природата за да се олеснат климатските промени


GABON-ENVIRONMENT-CONSERVATION-BIODIVERSITY. (File)

Природата често се занемарува кога станува збор за климатски решенија, рече Моника Медина, помошник-секретар за океани и меѓународни еколошки и научни прашања.

„Ние веруваме дека решенијата засновани на природата нудат најефикасен, ефективен и флексибилен начин за справување со двојните кризи на климатските промени и се разбира, губењето на биолошката разновидност“.

„Екосистемите, и на копно и во океанот, во моментов се и ќе останат најдобриот систем за складирање на јаглерод што го имаме. Нема ништо поефикасно или поефективно“.

„Знаеме дека решенијата засновани на природата, само оние на копно, се способни да обезбедат најмалку една третина од намалувањата на емисиите што ни се потребни за да го одржиме намалувањето на темературата на 1,5 Целзиусови степени. Сега е време да почнеме да ја користиме моќта на природата за да ни помогне да апсорбираме повеќе јаглерод, да ги стабилизираме климатските циклуси, да се прилагодиме на климатските влијанија и да бидеме домаќини на видовите од кои зависиме“, вели Медина.

Има многу повеќе да се направи за искористување на природата, со цел да се помогне во ублажувањето на климатските промени, отколку само да се засадат повеќе дрвја.

„Бидејќи зачувувањето, реставрацијата и адаптацијата на шумите генерираат широки придобивки поврзани со климатските промени и други области, други решенија засновани на природата можат да придонесат повеќекратни придобивки“, рече помошник-секретарот Медина.

„Многу од овие решенија се занемаруваат. Мангровите, луѓето не ги сметаат за дрвја или за прочистувачи на јаглерод, но тие се огромни прочистувачи на јаглерод и обезбедуваат важно живеалиште за загрозени видови, обезбедуваат заштита од поплави и заштита на храната, безбедност на храната, преку создавање на потребните услови крајбрежните екосистеми да бидат живи. Можеме да ги заштитиме бреговите. Критичните морски екосистеми, намалување на поплавите преку градење мочуришта, умерена екстремна топлина и надополнување на подземните водни ресурси, зафаќање и складирање на јаглерод диоксид и сето горенаведено, и зачувување на биолошката разновидност и подобрување на нашите земјоделски и шумски површини ако се фокусираме само на природата“.

И, се разбира, „ние сме исто толку посветени на климатските решенија засновани на океанот“, рече помошник-секретарот Медина.

„САД се задоволни што поттикнуваат поамбициозни активности за заштита на морските ресурси преку нашето ветување за зачувување на океаните, кое ги обврзува земјите кои се дел од тоа ветување да заштитат најмалку 30 проценти од сопствените океански води до 2030 година“.

„Природата е навистина нашата најважна алатка за зачувување на јаглеродот и за зачувување на природната средина на која сите треба да се одржиме“, рече помошник-секретарот Медина. „Тоа е нашата најдобра крајна линија. Тоа треба да биде втора природа“.

XS
SM
MD
LG