ບົດບັນນາທິການ ທີ່ສະທ້ອນເຖິງນະໂຍບາຍ ຂອງລັດຖະບານສະຫະລັດ
ທ່າມກາງການຂາດສະຖຽນລະພາບທາງດ້ານການເມືອງ ແລະສະຖານະການດ້ານຄວາມໝັ້ນຄົງຢູ່ໃນປະເທດມາລີ ກຳລັງປະຕິບັດງານເພື່ອສ້າງສະຖຽນ
ແບບຫຼາຍມິຕິຂອງອົງການສະຫະປະຊາຊາດໃນປະເທດມາລີ ຫຼື MINUSMA
ໄດ້ເຮັດວຽກມາໄດ້ເກືອບນຶ່ງທົດສະວັດແລ້ວ ເພື່ອຮັກສາສັນຕິພາບຢູ່ທີ່ນັ້ນ.
ໃນປີ 2012 ການລຸກຂຶ້ນຂອງພວກແບ່ງແຍກດິນແດນເຜົ່າຕູອາເຣ ໄດ້ຖືກແຕ່ງຕັ້ງໂດຍກຸ່ມຫົວຮຸນແຮງຈັດ ຜູ້ຊຶ່ງຫຼັງຈາກນັ້ນ ກໍໄດ້ທຳການປົກຄອງແບບໂຫດຮ້າຍຕໍ່ຫຼາຍຫົວເມືອງໃນພາກເໜືອຂອງປະເທດມາລີ. ດ້ວຍການຊ່ວຍເຫຼືອຂອງກຳລັງທະຫານຝຣັ່ງ ມາລີຈຶ່ງສາມາດຢຶດຄືນຫົວເມືອງເຫຼົ່ານັ້ນໃນປີ 2013.
ເພື່ອຊ່ວຍສ້າງສະຖຽນລະພາບໃຫ້ແກ່ປະເທດມາລີ ອົງການສະຫະປະຊາຊາດຈຶ່ງໄດ້ສ້າງຕັ້ງກອງກຳລັງຮັກສາສັນຕິພາບ MINUSMA ຂຶ້ນ ໃນເດືອນເມສາ ປີ 2013 ແລະໄດ້ຕໍ່ອາຍຸທຸກໆປີ ນັບແຕ່ນັ້ນມາ. ເລີ້ມແຕ່ປີ 2015 ມານີ້ການ
ປະຕິບັດງານດັ່ງກ່າວໄດ້ຖືກມອບໝາ ຍເພື່ອໃຫ້ການສະໜັບສະໜຸນຕໍ່ການຈັດຕັ້ງປະຕິບັດໂດຍເຕັມຕໍ່ຂໍ້ຕົກລົງອາລເຈຍ ຊຶ່ງເປັນຂໍ້ຕົກລົງສັນຕິພາບສະບັບປີ 2015 ລະຫວ່າງລັດຖະບານມາລີ ແລະກຸ່ມກຳລັງປະກອບອາວຸດຕູອາເຣ.
ໃນວັນທີ 29 ມິຖຸນາຜ່ານມານີ້ ສະພາຄວາມໝັ້ນຄົງອົງການສະຫະປະຊາຊາດ ໄດ້ຕໍ່ອາຍຸອີກເທື່ອນຶ່ງ ເພື່ອມອບໝາຍໃຫ້ກຳລັງຮັກສາສັນຕິພາບ MINUSMA
ແລະຮຽກຮ້ອງໃຫ້ເຈົ້າໜ້າທີ່ມາລີ ຈັດຕັ້ງປະຕິບັດຂໍ້ຕົກລົງອາລເຈຍ. ແຕ່ບໍ່ເປັນຈັ່ງໂຊກ ຈີນແລະຣັດເຊຍ ພາກັນບໍ່ຍອມອອກສຽງ ໂດຍຈົ່ມວ່າພາສາກ່ຽວກັບ
ການເຄົາລົບນັບຖືສິດທິມະນຸດຢູ່ໃນຂໍ້ຕົກລົງດັ່ງກ່າວ ໄດ້ລ່ວງລ້ຳຕໍ່ອະທິປະໄຕຂອງມາລີ.
ຮອງຜູ້ຕາງໜ້າຂອງສະຫະລັດ ປະຈຳອົງການສະຫະປະຊາຊາດ ທ່ານຣິເຈີດ ມິລສ໌ ກ່າວວ່າ “ພວກເຮົາເສຍໃຈທີ່ສະມາຊິກ 2 ປະເທດ ຂອງສະພາຄວາມໝັ້ນຄົງ ບໍ່ຍອມອອກສຽງ ແລະຢືນຕັນທາງບໍ່ຍອມໃຫ້ສະພາຄວາມໝັ້ນຄົງຮັບຮອງເອົາຂໍ້ຕົກລົງດັ່ງກ່າວຢ່າງເປັນເອກກະສັນ” ໂດຍໃຫ້ຂໍ້ສັງເກດວ່າ ການຕໍ່ອາຍຸກຳລັງຮັກສາສັນຕິພາບ MINUSMA ແມ່ນມີຄວາມສຳຄັນ ໃນເມື່ອວ່າ ມັນໃຫ້ໂອກາດແກ່ເຈົ້າໜ້າທີ່ມາລີ ເຮັດວຽກຮ່ວມກັບພາຄີຫຼາຍຝ່າຍໄປສູ່ການໂອນອຳນາດທາງດ້ານການເມືອງ.
“ພວກເຮົາເຊື່ອວ່າມັນມີຄວາມສຳຄັນ ສຳລັບການລົງຄະແນນສຽງໃນການຕໍ່ອາຍຸ ເພື່ອໃຫ້ລັດຖະບານໄລຍະຂ້າມຜ່ານຂອງມາລີ ມີໂອກາດໄດ້ເຮັດວຽກຄືນໃໝ່ກັບ ກຳລັງຮັກສາສັນຕິພາບ MINUSMA ໃນການຈັດຕັ້ງປະຕິບັດຂໍ້ຕົກລົງອາລເຈຍໂດຍເຕັມ ຈັດໃຫ້ມີການເລືອກຕັ້ງທີ່ເສລີ ແລະຍຸຕິທຳ ແລະໃຫ້ການປົກປ້ອງຄຸ້ມຄອງພົນລະເຮືອນ.”
ນອກນັ້ນແລ້ວ ສິ່ງທີ່ຍັງເປັນບັນຫາກໍຄື ການຕັດສິນໃຈຂອງລັດຖະບານມາລີທີ່ຈະຈຳກັດ ອິດສະຫຼະພາບໃນການເຄື່ອນໄຫວໄປມາ ຂອງກຳລັງ MINUSMA.
“ໂດຍຜ່ານການລົງຄະແນນສຽງທີ່ສຳຄັນນີ້ ທາງສະພາໄດ້ຕໍ່ອາຍຸການປະຕິບັດງານຂອງກຳລັງຮັກສາສັນຕິພາບ MINUSMA ເພື່ອສັງເກດການ ສືບສວນ ແລະລາຍງານກ່ຽວກັບສະຖານະການດ້ານສິດທິມະນຸດໃນມາລີ ແລະໃຫ້ການປົກປ້ອງຄຸ້ມຄອງພົນລະເຮືອນຈາກການໂຈມຕີ. ຍັດຕິໄດ້ສົ່ງຂ່າວຢ່າງຈະແຈ້ງວ່າ ອິດສະຫຼະພາບໃນການເຄື່ອນໄຫວໄປມາ ຂອງ MINUSMA ຕ້ອງໄດ້ຮັບການເຄົາລົບເພື່ອວ່າກຳລັງດັ່ງກ່າວຈຶ່ງຈະສາມາດປະຕິບັດໜ້າທີ່ໄດ້.”
ເອກອັກຄະລັດຖະທູດສະຫະລັດປະຈຳອົງການສະຫະປະຊາຊາດ ທ່ານນາງລິນດາ ທໍມັສ ກຣີນຟິລ ຍັງໃຫ້ຂໍ້ສັງເກດຕື່ມວ່າ “ນັບແຕ່ສະພາຄວາມໝັ້ນຄົງໄດ້ໃຫ້ການອະນຸມັດສ້າງຕັ້ງກອງກຳລັງ MINUSMA ຄັ້ງທຳອິດໃນປີ 2013, ມັນໄດ້ໃຫ້ສິດອຳນາດໃນການປະຕິບັດງານພາຍໃຕ້ວັກທີ 7 ຂອງກົດບັດສະຫະປະຊາຊາດ ເພື່ອທຳການສືບສວນ ແລະລາຍງານກ່ຽວກັບການກ່າວຫາໃນການລະເມີດສິດທິມະນຸດແລະການປະຕິບັດໃນທາງທີ່ບໍ່ດີອື່ນໆ.”