Accessibility links

Breaking News

Деминирањето е клучно за обновата на Украина


(FILE) A poster reading 'Stop! Mines!' in Ukraine.

Откако ќе заврши руската агресивна војна против Украина, Украина ќе треба да се обнови.

Но, ниту една реконструкција не може таму да успее додека Украина не се ослободи од илјадниците нагазни мини и неексплодирани убиствени направи посеани на околу 160.000 квадратни километри, или една четвртина од украинската територија од страна на руските сили.

Во текот на годината, Украина, до неодамна главен производител на леб во регионот и еден од светските извозници на жито и сончоглед, забележа пад на земјоделското производство додека Русија ги минираше некогаш плодните полиња и земјоделски инсталации.

Слично на тоа, експлозиви, исто така намерно биле поставени за да се убијат и осакатуваат цивили. Според зборовите на Мајкл Тир, програмски менаџер од Канцеларијата за отстранување и намалување на оружјето во Бирото за политичко-воени прашања на Стејт департментот:

„Знаеме дека руските сили намерно поставиле експлозивни направи во домовите на луѓето, вклучително и во детски играчки, па дури и во тела на луѓе, убиени од инвазијата. Ужасната употреба на импровизирани експлозивни направи од страна на руските сили потсетува на тактиката на ИСИС во Ирак и Сирија, каде што терористите на ИСИС се обидоа да погодат што е можно повеќе цивилни жртви и да ги натераат луѓето да се плашат да се вратат дома“.

Затоа, не е изненадување што деминирањето е еден од главните приоритети на украинската влада. Огромното мнозинство од оваа опасна работа веќе ја вршат оперативците на голем број државни служби на Украина.

САД ги поддржуваат напорите за деминирање на Украина од 2016 година. Американските експерти ги советуваат украинските власти, ги обучуваат и опремуваат владините тимови за деминирање, а исто така финансираат меѓународни невладини организации за чистење на мините долж линијата во областите Луганск и Доњецк.

Неодамна, Стејт департментот одвои 91,5 милиони долари на Украина за натамошните напори за деминирање.

„Колку и да се интензивни напорите на Владата на Украина, контаминација од експлозивни средства е огромна“, рече г-дин Тир.

„Помошта од 91,5 милиони долари што ги даваме во текот на наредната година е дизајнирана да го зајакне и дополни националниот капацитет на Украина дека овој напор бил и секогаш ќе биде предводен од Украина“.

Чистењето на руските мини и неексплодираните убиствени направи ќе трае многу години и ќе треба добро координиран меѓународен одговор. САД се посветени на поддршката на напорите да му помогнат на народот на Украина да го обнови и да го продолжи животот.

XS
SM
MD
LG