Accessibility links

Breaking News

Konfwonte E Fè Fas Ak Lachin


Sekretè Deta Antony Blinken.

Men yon editoryal k ap prezante opinyon gouvenman ameriken an.

Prezidan Joe Biden deklare Lachin se “konkiran Lezetazini ki pi tèrib la”, e li pale klè pou l di li pare pou l fè fas ak defi ke Lachin poze yo:

“Nou pral konfwonte abi ekonomik Lachin yo, fè fas ak seri aksyon agresif l ap poze yo pou n repouse atak Lachin ap lanse sou dwamoun, pwopriyete entelektyèl ak gouvènans mondyal la.”

Prezidan Biden fè konnen tou Lèzetazini pare pou l konfwontre Lachin “apati de yon pozisyon de fòs.”

Nan yon entèvyou Sekretè Deta Antony Blinken t ap bay chèn televizyon CNN sa pa gen lontan, li te di yon pozizyon de fòs vle di alyans nou yo solid. Li te deklare: “Lè nou pa denigre alyans nou yo, sa reprezante yon sous avantaj pou nou. Sa vle di nou montre ankò ke nou gen kontak aktif avèk lemond. Paske si n pa fè sa, Lachin pral ranpli vid la.”

Sekretè Deta Blinken mete aksan tou sou le fet ke, lè ou angaje aksyon a pati de yon pozisyon de fòs, sa vle di ou leve kanpe pou w defann prensip ak valè w yo. Sekretè Deta Blinken deklare: “Sa ve di nou pa renonse ak prensip nou yo lè n wè abi dwamoun k ap fèt kont Uygour yo nan Xinjiang ou kont demokrasi nan Hong Kong. Sa vle di nou chache gen asirans ke nou dispoze sèvi ak fòs militè pou n dekouraje zak agresyon, epi sa vle di nou envesti nan pwòp pèp nou an dekwa pou l ka fè konkirans ak efikasite.”

Nan yon apèl telefonik ki te dewoule ant Misye Blinken avèk Minis Afè Etranjè chinwa a, Yang Jiechi, Sekretè Deta a te ensiste sou le fèt ke Lèzetazini pral kontinye kanpe pou l defann dwamoun ak prensip demokratik yo nan Honk Kong, Tibè ak Xinjiang. Li fè remake Lezetazini pral travay ak alye e patnè li yo pou yo defann prensip ak enterè nou pataje yo yon fason pou n fè Pati Kominis Chinwa a rann kont pou efò l ap fè pou l menase stabilite nan rejyon Endo-Pasifik la –san bliye atravè Detwa Taywann nan. Li mete presyon tou sou Lachin pou l pataje desizyon kominote entènasyonal la pran pou l kondane koudeta militè a nan Bimani.

Sekretè Deta Blinken di CNN: “Prezidan an pale byen klè pou l di li vle remete, li pral remete, e an fèt l ap remete dwamoun ak demokrasi nan mitan politik etranjè nou. E konsa, kit se Lachin, kit se nenpòt ki lòt peyi ki ban nou gwo kesote, kèsote ki grav, se yon bagay ki pral okipe premye plas la nan politik etranje nou.”

Sete yon editoryal ki t ap prezante opinyon gouvènman ameriken an.

XS
SM
MD
LG