Madaxweynaha Venezuela Nicolas Maduro ayaa ku dhawaaqay in uu mar saddexaad u tartami doono xilka madaxtinimo ee dalkaasi muddo 6 sano ah. Laakin ilaa hadda ma jirto wax calaamad ah oo muujinaya in doorashada la qorsheeyay inay dhacdo bisha July ay noqon doonto mid xor iyo xalaal ah.
Dhab ahaantii, Madaxweyne Maduro iyo wakiiladiisa ayaa xidhay laba xubnood oo ka tirsan ololaha musharraxa mucaaradka, waxayna soo saareen amar lagu soo xirayo 7 kale.
Hoggaamiyaha mucaaradka Maria Corina Machado, oo 56 jir ah, ayaa si aqlabiyad ah ugu guuleysatay doorashada horudhaca ah ee mucaaradka sannadkii hore. Laakiin waxaa lagu dhawaaqay in aysan u qalmin waxaana laga mamnuucay in ay qabato xafiis dowladeed muddo 15 sano ah maxkamadaha daacadda u ah Maduro oo lagu eedeeyay musuqmaasuq been abuur ah. Si kastaba ha ahaatee, Machado ayaa sii waday ololaheeda, iyadoo dhawaan u magacawday 80 jir borofisar jaamacadeed Corinna Llores beddelkeeda. Balse isbaheysiga mucaaradka ayaa sheegay in isku daygii ay ku doonayeen in ay ku diwaan geliyaan Joris ay ku guuldareysteen.
Tani "waxay ka dhigan tahay kor u kaca cadaadiska ee ka dhanka ah xisbiyada mucaaradka Venezuela," ayuu afhayeen u hadlay wasaaradda arrimaha dibadda Matthew Miller ku yiri bayaan.
Ilaa hadda, 10 musharrax ayaa isu diiwaangeliyay inay u tartamaan doorashooyinka Luulyo, midkoodna kuma xiriirin isbahaysiga mucaaradka ugu weyn iyo dhowr ayaa loo arkay inay khatar yar u yihiin saldhigga awoodda Maduro.
Tallaabooyinkan oo ay weheliso xadhigga tiro badan oo ka mid ah mucaaradka iyo bulshada rayidka ah sanadkan, iyo sidoo kale sii wadida musharaxiinta, waxay wiiqayaan suurtagalnimada doorashooyin tartan ah. "Waxaan ku biirnay saaxiibadayada caalamiga ah iyo dadka reer Venezuela ee ku baaqaya in la joojiyo ololaha dhibaataynta ee lagu beegsanayo dadka reer Venezuela ee ku hawlan dhaqdhaqaaqyo siyaasadeed oo nabdoon," ayuu yidhi afhayeenka Miller.
Si loo dammaanad qaado doorasho dimuqraadi ah oo buuxinaysa rajada dadka reer Venezuela, Maduro iyo wakiilladiisu waa inay raacaan ballanqaadyadii ay ku sameeyeen Barbados bishii Oktoobar 2023, ayuu ku nuuxnuuxsaday Mr. Miller. "Waxaan sii wadeynaa inaan ku baaqno in si degdeg ah loo sii daayo dhammaan maxaabiista siyaasadeed iyo ku soo celinta Xafiiska Xuquuqda Aadanaha ee Qaramada Midoobay ee Caracas," ayuu yidhi.
"Waan sii wadi doonaa taageerada rabitaanka Venezuelan ee ah dimuqraadiyad, xasilloon, iyo barwaaqo Venezuela ah," ayuu yiri afhayeenka Miller. "Waxaan sidoo kale la shaqeyn doonnaa asxaabteena si aan u taageerno geeddi-socodka dimoqraadiyadda maadaama ay bixiso rajada ugu wanaagsan ee wax looga qabanayo qalalaasaha siyaasadeed, dhaqaale, iyo bini'aadantinimo ee joogtada ah ee Venezuela."
Tani waxay aheyd faallo ka turjumeysay aragtida dowladda Mareykanka.