„Почна најголемата копнена војна во Европа од Втората светска војна. Принципите кои беа камен-темелник на мирот, просперитетот и стабилноста на оваа планета повеќе од 75 години беа изложени на ризик да бидат уништени“, рече претседателот Бајден за време на неговата неодамнешна посета на Полска.
„Кога Русија изврши инвазија, не се тестираше само Украина. Целиот свет се соочи со тест на векови. А прашањата со кои се соочивме беа толку едноставни колку и длабоки. Дали би одговориле или би гледале од другата страна?“
„Кога претседателот Путин нареди неговите тенкови да влезат во Украина, тој мислеше дека ќе се повлечеме. Тој згреши“, рече претседателот Бајден. „Украинскиот народ е премногу храбар. Америка, Европа, коалиција на нации од Атлантикот до Пацификот - бевме премногу обединети. Демократијата беше премногу силна“.
„Наместо лесна победа што ја предвиде, Путин остана со изгорени тенкови и руските сили во неред. Мислеше дека ќе добие финизација на НАТО. Наместо тоа, тој ја доби НАТОизацијата на Финска и Шведска. Мислеше дека НАТО ќе се распадне и ќе се подели. Наместо тоа, НАТО е пообединета од кога било досега“.
„Диктатор склон кон обнова на империја никогаш нема да може да ја избрише љубовта кон слободата кај луѓето“, рече претседателот Бајден. „Бруталноста никогаш нема да ја уништи волјата на слободните. И Украина - Украина никогаш нема да биде победа за Русија. Никогаш.”
„Една година откако почнаа да паѓаат бомбите и руските тенкови влегоа во Украина, Украина е сè уште независна и слободна. Од Херсон до Харков, украинските борци ја вратија својата земја. На повеќе од 50 отсто од територијата што ја држеше Русија минатата година, синото и жолто знаме на Украина повторно гордо се вее. Претседателот Зеленски сè уште води демократски избрана влада која ја претставува волјата на украинскиот народ“.
„Додека Украина продолжува да се брани од рускиот напад и да започнува сопствени контраофанзиви, ќе продолжат да има тешки и многу горчливи денови, победи и трагедии“, рече претседателот Бајден.
„Но, Украина е подготвена за борбата што претстои. И САД, заедно со нашите сојузници и партнери, ќе продолжат да ја имаат поддршката на Украина додека таа се брани“.
Пред една година, по неколкумесечни напади и негирање на предупредувањата на меѓународната заедница дека рускиот напад на Украина е неминовен, Владимир Путин започна целосна воена инвазија врз својот суверен сосед.