„Сето ова е“, рече државниот секретар Антони Блинкен, „бидејќи претседателот Путин беше решен да освои друга земја“.
Путин сепак не успеа во својата цел. Украина ќе остане суверена и независна, рече секретарот Блинкен, поради храброста и силата на војската на Украина и нејзиниот народ, како и одлучноста на Соединетите Држави и нивните сојузници да застанат со нив и да помогнат да се обезбеди она што е неопходно за Украинците да ја одбранат својата слобода.
Она што го гледаме за време на војната, рече секретарот Блинкен, е серија руски оправдувања и постојано менување на целите.
Последната е најавата на Кремљ дека сака да повеќе украинска територија, дури и надвор од таканаречените „народни републики“ во Донбас.
Кога војната првпат започна, Русија тврдеше дека мора да ја „денацизира“ Украина; после рече, поради наводна закана од НАТО.
„Потоа тие рекоа дека војната е да ги заштити етничките Руси кои живеат во Донбас од геноцид, пред немилосрдно да го таргетираат најголемиот руски град во Украина, Харков.
Она за што се работи и отсекогаш било е убедувањето на претседателот Путин дека Украина не е независна држава и дека и припаѓа на Русија“.
Секретарот Блинкен истакна дека Русија сега ја следи својата скрипта од 2014-та година: инсталирање на нелегитимни полномошници во областите што ги контролира; принудување на жителите да аплицираат за руско државјанство; саботирање на надворешниот пристап.
„Еве што очекуваме да видиме следно“, рече тој: „Лидерите инсталирани од Русија ќе одржат лажни референдуми за да создадат фикција дека луѓето од тие места сакаат да се приклучат на Русија. Мораме и ќе дејствуваме брзо за да и ставиме до знаење на Русија дека овие тактики нема да профункционираат“.
„Анексијата со сила на територијата на суверена и независна земја е грубо кршење на Повелбата на Обединетите нации“, изјави секретарот Блинкен.
„Членовите на меѓународната заедница кои се обврзаа да ја поддржат повелбата и меѓународното право имаат одговорност да ги осудат овие планови на руската влада и јасно да кажат дека никогаш нема да ги признаат овие незаконски акти. Во спротивно, никој не може да тврди дека е изненаден кога Русија ќе ги следи нејзините планови - или ако други земји го следат нејзиниот пример во иднина.
Ова е коментар што ги одразува ставовите на Владата на Соединетите Американски Држави.
Русија ги менува оправдувањата и целите во Украина
Цената за неиспровоцираната војна на Русија против Украина продолжува да расте со илјадници убиени или ранети цивили; повеќе милиони раселени лица; историски градови претворени во урнатини; вртоглаво зголемен недостиг на нешта и високи цени на храната ширум светот.