د امریکا د بهرنیو چارو وزارت مرستیالې عذرا ضیا وایي، "مونږ مهم پرمختګونه او نوښتونه وړاندې کړل چې په ټوله نړۍ کې به پر بشري حقونو دوامداره اغیز ولري، چې په کې د نړیوالو بنسټونو څخه داسې ګټه پورته کول شامل دي چې د متحده ایاالتو د بشري حقونو لومړیتوبونو ته ځواب ووایي."
د متحده ایالاتو د بهرنیو چارو وزارت مرستیالې عذرا ضیا د بشري حقونو د مدافعینو د جایزو په مراسمو کې وویل، ولسمشر جو بایډن د امریکا په بهرنۍ پالیسۍ کې بشري حقونو ته د لومړیتوب ورکولو ژمنه کړې ده.
"مونږ مهم پرمختګونه او نوښتونه وړاندې کړل چې په ټوله نړۍ کې به پر بشري حقونو دوامداره اغیز ولري، چې په کې د نړیوالو بنسټونو څخه داسې ګټه پورته کول شامل دي چې د متحده ایاالتو د بشري حقونو لومړیتوبونو ته ځواب ووایي؛ چیرته چې موږ د متحده ایاالتو د څو اړخیز مشرتابه د بیا فعالولو کلکه ژمنه کړې ده چې د ملګرو ملتونو سازمانونونو لکه د بشري حقونو شورا ته بیرته ورشو او له نویو او نویو راټوکیدونکو شریکانو سره نوې اړیکې جوړې کړو."
د لاسته راوړنو په مهم پړاو کې د اوکراین د اشغال له امله د ملګرو ملتونو د بشري حقونو شورا څخه د روسیې د غړیتوب ځنډول، او د دوامداره پراختیا لپاره د خوندي، امن او باوري مصنوعي استخباراتو د پرمختګ په هکله د ملګرو ملتونو د عمومي اسامبلې د لومړني پریکړه لیک په اړه د نړیوالې اجماع رامینځته کول شامل دي.
د بهرنیو چارو وزارت مرستیالې وویل، "موږ همداشان د اروپا په شورا کې د مصنوعي استخباراتو په اړه د نړۍ لومړی تړون هم ترلاسه کړ؛ کوم چې پدې هکله یو ګډ لیدلوری تعریفوي چې څنګه د حقونو درناوی کوونکي حکومتونه د مصنوعي استخباراتو څخه کار واخلي چې د بشري حقونو، ډیموکراسۍ او د قانون حاکمیت ته د درناوي سره مطابقت ولري."
د بهرنیو چارو وزارت مرستیالې وویل: "موږ د بشري حقونو سرغړونکو سره د حساب کولو لپاره د حساب ورکونې نوي او متنوع وسیلې هم کاروو."
"موږ د چلند بدلولو او د سرغړونکو د مخنیوي لپاره په ستراتیژیک هدف د خپلو سامان الاتو ګیډۍ پراخه کړه. د سوداګرۍ او مالیې له وزارتونو سره په نږدې همکارۍ موږ د صادراتو د کنټرول او بندیزونو څخه کار اخلو چې د تجارتي جاسوسي کمپیوتري پروګرامونو پلورونکي لکه NSO ګروپ، Intellexa، Cytrox، او نور مسول وګڼل شي چې پر هغو کسانو باندې ناوړه سایبري نفوذ کوونکي وسایل پلوري چې بشري حقونه ځپي او د بشري حقونو مدافعین ګواښي."
د بهرنیو چارو وزارت دا هڅې پر هغو اشخاصو او همدارنګه د هغوی د کورنۍ په غړو باندې د ویزو د محدودیتونو په پلي کولو سره ګړندۍ کړي چې د تجارتي جاسوسۍ کمپیوتري پروګرامونو څخه ناوړه ګټه پورته کوي یا د دې ټیکنالوژۍ څخه په ناوړه ګټه اخیستنې مالي ګټه ترلاسه کوي.
د بهرنیو چارو وزارت مرستیالې په ډاګه کړه چې، بالاخره، متحده ایالاتو د نويو او راټوکیدونکو ګواښونو پر وړاندې مبارزه وکړه.
"موږ نړیوال جبر، یا TNR، د ملګرو ملتونو په اجنډا کې شامل کړ او په هیواد کې مو یوه نوې پالیسي رامنځته کړه چې د مرتکبینو لپاره ویزې محدودې کړو. موږ د هغو مدافعینو لپاره چې د فساد په وړاندې د مبارزې په کمپاین کې کار کوي د ژورنالستانو په ګډون چې [د نړیوال جبر] د بربنډولو لپاره کار کوي، د فعاله پروګرامونو له لارې څه دپاسه ۱۶ میلیونه ډالر ځانګړي کړي دي."
متحده ایالات به په ټوله نړۍ کې د بشري حقونو دفاع او ودې ته دوام ورکړي.
