Соединетите Држави следат повеќе патишта до правдата за одговорните за овие злоупотреби. Првиот ги вклучува меѓународните судови и институции, рече амбасадорката Шаак:
„ Работиме на формирање и ќе продолжиме со напори за обновување на мандатот на Истражната комисија на Обединетите нации посветена на Украина. Повеќекратни повикувања на Московскиот механизам на Организацијата за безбедност и соработка во Европа. Ние, исто така, се обидовме да интервенираме во случајот на Украина против Русија според Конвенцијата за геноцид пред Меѓународниот суд на правдата. И конечно...обвинителот на Меѓународниот кривичен суд...издаде две потерници.
Вториот пат до правдата има за цел да го зајакне и зголеми капацитетот на украинските институции за документирање, истрага и гонење на злосторствата во украинските судови, објасни амбасадорката Ван Шаак:
„Украинската канцеларија на јавниот обвинител...сега има евидентирано речиси 90.000 злосторства кои можат да се гонат. Преку советодавната група за злосторства...ние обезбедуваме стручна помош и совети, градење капацитети, стручна обука за цела низа обвинителски и истражни потреби на јавниот обвинител...Ова вклучува многу фокусирано внимание на кривичното дело на сексуалното насилство поврзано со конфликти.
„Третиот пат до правдата е поддршка на стратешки судски спорови што може да се случат во трети држави“, вклучително и во Европа, објасни амбасадорката Шак.
Гонењето за кривично дело агресија е уште едно средство за правда, рече амбасадорката Шаак:
„Дозволувањето неказнивост за илегалната агресивна војна на Русија ќе ги охрабри другите актери кои ќе се вклучат во слични очигледни прекршувања на државниот суверенитет, територијалниот интегритет и политичката независност. Поради оваа причина, ние го поддржуваме формирањето на специјален трибунал посветен на гонење на најодговорните за кривичното дело агресија .
„Не може да има сигурен или траен мир без правда“, изјави амбасадорката Шаак. „Да се бара одговорност од Русија за нејзините воени злосторства, злосторства против човештвото и други злосторства во Украина и против украинскиот народ е основа за одбрана на американските вредности, а исто така и за одржување на мирен, праведен и безбеден свет.”
Не може да има мир без правда во Украина
Мора да има правда за милиони Украинци чии животи се нарушени и уништени од неиспровоцираната агресивна војна што ја започна рускиот претседател Владимир Путин, изјави американската амбасадорка за глобална кривична правда, Бет Ван Шаак во неодамнешното сведочење во Конгресот.