د ولسمشر مرستیالې کاملا هاریس وویل، "جنسي تاوتریخوالی په نړیواله کچه د عصري شخړو یوه وحشتناکه برخه ده،"
یو له ناوړه جرمونو څخه چې د وسله والې جګړې سره مل وي جنسي تاوتریخوالی دی، چې په جګړه کې د ولجې او د دښمن د سپکاوي او ډارولو لپاره کارول کیږي.
د ولسمشر مرستیالې کملا هاریس وویل: "جنسي تاوتریخوالی له لرغونې زمانې راهیسې د جګړې تکتیک دی." هغې زیاته کړه، "د تاریخ په اوږدو کې، هغوی چې جګړه کوي، په ځانګړې توګه ښځې او نجونې په نښه کړي او سرغړونې یې کړي، چې د هغوی په بدنونو باندې تسلط او برلاسي توب ولري او د ټول نفوس سپکاوی وکړي ویې ډاروي او تابع یې کړي. او جنسي تاوتریخوالی د نړۍ په کچه د عصري شخړو یوه وحشتناکه برخه ده".
"په اوکراین کې، روسي ځواکونو په اشغال شویو سیمو کې پر ښځو جنسي تیری کړی دی. په عراق کې، کله چې داعش یوه لسیزه مخکې سیمه ونیوله، دوی ښځې او نجونې پداسې حال کې په زوره جنسي غلامۍ ته مجبورې کړې چې په زرګونو کسان یې قتل عام کړل. په سوډان کې په روانه شخړه کې نیمه پوځي ځواکونه د جنسي تاوتریخوالي له لارې ښځې او نجونې ډاروي. په هایټي کې، جنایتکارو ډلو د جنسي تیریو په بریدونو سره جنسي تیري کړي او ټولنې یې په زور تسلیمیدو ته اړ کړي. او موږ په جنوبي سوډان، ایتوپیا، د مرکزي افریقا جمهوریت، او د کانګو په دموکراتیک جمهوریت کې ورته وحشتونه لیدلي دي. ... او د تیر کال د اکتوبر په اوومه حماس د جنسي تیري وحشتناک عملونه وکړل."
د ولسمشر مرستیالې هاریس وویل: "په وروستیو کلونو کې نړیوالې ټولنې د دې په منلو سره چې دا کار په سوله، ثبات او بشري حقونو برید دی، لوی پرمختګ کړی." هغې وويل: "متحده ايالات وياړ لري چې په ملګرو ملتونو او په ټوله نړۍ کې د جنسي تيري پر وړاندې د لوازمو او د ژوندي پاتې شويو لپاره د روغتيايي خدمتونو په برابرولو، د پوځيانو او سوله ساتونکو په روزنې سره د لارو چارو مشري کوي." هغې زیاته کړه، "خو دا کافي نه ده، ځکه چې په نړیواله کچه زموږ د حساب ورکولو سیستم نیمګړی پاتې دی."
هغې وویل: "په شخړه پورې اړوند جنسي تاوتریخوالی باید وغندل شي، په واضح ډول، هرچیرې او هرکله چې پیښیږي. او موږ باید سیسټمونه پیاوړي کړو ترڅو عمل ته لومړیتوب ورکړي - هغه سیسټمونه چې د ژوندي پاتې کیدو ملاتړ کوي، په مؤثره توګه شواهد راټولوي، او تحقیقاتو ته وده ورکوي،" دا یو له هغه دلیلونو څخه دی چې ولې د بایډن ادارې د جون په ۱۷ د اسنادو د وقار نوښت پیل کړ، یو داسې پروګرام چې د نورو په مینځ کې به د ملګرو ملتونو د هڅو ملاتړ وکړي چې د شخړې پورې اړوند جنسي تاوتریخوالی پای ته ورسوي.
د ولسمشر مرستیالې هاریس وویل: "له ډیرې مودې راهیسې، سیسټمونو، که د قانون پلي کول دي او یا قضا، په کافي اندازه د شخړو پورې اړوند جنسي تاوتریخوالی نه دی حل کړی." هغې زیاته یې کړه، "او د ډیرې مودې لپاره، ددې پر ځای چې حساب کتاب وشي، پایلې، بیا، یوازې [د پیښو] په غندنې تمامې شوي."
"وروستۍ خبره داده: د جګړې د تکتیک په توګه د جنسي تاوتریخوالي کارول غیر معقول دي،" د ولسمشر مرستیالې هاریس زیاته کړه، "او حساب کتاب ته د مجرمینو په راکش کولو کې هره ناکامي زموږ د ټولو او زموږ د ګډ بشریت ناکامي ده."
د شخړې اړوند جنسي تاوتریخوالي د حلولو وخت دی
![د جنسي تاوتریخوالي لپاره د اوکراین د جنګي جرمونو د څانګې مرستیاله انا سوسنکا، او ارواپوه واسیل هومینیوک پر اوکراین د روسیې له برید څخه په خرسون کې د یوې ژوندي پاتې شوي سره خبرې کوي](https://gdb.voanews.com/30efc7f0-f0ba-4b12-9310-d164d96ba41e_w250_r1_s.jpg)