Во изјавата објавена на 3-ти јануари, претседателот Бајден рече: „Силната челична индустрија управувана во домашна сопственост, претставува суштински приоритет на националната безбедност и е клучна за еластичните синџири на снабдување“.
Претседателот Бајден ја објави својата одлука да ја одбие понудата на Нипон Стил откако Комитетот за странски инвестиции (CFIUS) во САД составен од експерти за национална безбедност и трговија низ извршната власт, го подигна потенцијалот на ризици за националната безбедност на САД и на критичните синџири на снабдување.
„Потребни ни се големите американски компании кои го претставуваат најголемиот дел од американскиот капацитет за производство на челик за да продолжат да ја водат борбата во име на националните интереси на Америка“, рече претседателот Бајден.
Прес секретарката на Белата куќа, Карин Жан-Пјер, укажа на нефер трговските практики на Народна Република Кина како клучен елемент во одлуката на претседателот Бајден да ја задржи американската индустрија за челик како „горда американска компанија“.
„Бидејќи странските конкуренти како Кина ги нарушуваат глобалните пазари на челик преку нефер трговски практики, како што се дампинг и хиперпродукција, од клучно значење е да имаме силна домашна челична индустрија која ја штити нашата национална безбедност и нашите синџири на снабдување. Денес, претседателот покажа уште еднаш дека секогаш ќе дејствува за да ја заштити безбедноста на нашата земја, како и издржливоста на нашето снабдување“, рече Жан-Пјер.
Советникот за комуникации за национална безбедност на САД, Џон Кирби, нагласи дека одлуката на претседателот да ја блокира продажбата на американскиот челик на Нипон Стил „не се однесува на Јапонија. Станува збор за американско производство на челик и задржување на еден од најголемите производители на челик во САД како компанија во американска сопственост. Не станува збор за извонредните, блиски односи и сојуз што ги имаме со Јапонија. И, претседателот го кажа тоа и јасно им го кажа на лидерите во Јапонија во неколку наврати“.
Во својата изјава, претседателот Бајден изјави: „Моја одговорност како претседател е да осигурам дека, сега и долго во иднината, Америка има силна домашнo управувана челична индустрија која може да продолжи да ги напојува нашите национални ресурси на сила дома и во странство. Денешната акција ја одразува мојата непоколеблива посветеност да ги искористам сите овластувања што ми се достапни како претседател за да ја бранам националната безбедност на САД“.
Американската индустрија за челик мора да остане компанија во американска сопственост
Претседателот Џо Бајден, повикувајќи се на загриженост за националната безбедност, ја блокираше продажбата на американскиот челик со седиште во Питсбург на јапонскиот Нипон Стил.