حضرت عیسی چې میلیونونه عیسویانو يې د "مسیح" په نوم پیژني، دوه زره کاله وړاندې، په هغه نړۍ کې چې د شخړو، بې وزلۍ او د کرکې له امله ټوټه ټوټه شوې وه، د بیت لحم په یوې غوجلې کې وزیږید.
د هغه وخت په قوي رومي امپراتورۍ کې، لږ شمېرخلکو دا تصور کولی شو چې دا پیښه به په نړۍ باندې څه اغیزه ولري.
له هغه کوچني آخور څخه چې د نوي زیږیدلي ماشوم د زانګو په توګه استفاده کیدله، د انسانانو لپاره د خدای د مینې او په پای کې د بدۍ په وړاندې د نیکۍ د بریا پیغام راغی.
د عیسی پیغام د ټول انسانیت لپاره د ذاتي وقار او ورورولي و: هر سړی د خدای په شکل کې رامینځته شوی دی. دې پیغام حتی د روم امپراتورۍ ترټولو ټیټ پوړ، غلامانو ته بې ساری ارزښت ورکړ.
دا مفکوره چې هیڅوک حق نلري د یوه فرد له وقار څخه سرغړونه وکړي خپره شوه او بالاخره د دولت پر واک د محدودیت لامل شو. د عیسی مسیح څخه څو پیړۍ وروسته، د انفرادي معافیت مثال د عصري ډیموکراسۍ بنسټ شو.
دا اصل د امریکا د خپلواکۍ په اعلامیه کې څرګند شو، چې وایي: "ټول انسانان مساوي پیدا شوي دي [چې] دوی ته د خالق لخوا ځینې نه جلا کیدونکي حقونه ورکړل شوي دي."
متحده ایالتونه د خپل تاسیس پر مهال، که څه هم امریکایانو په مختلفو لارو دا عقیده تعقیبوله، اکثریت عیسوي وو. سربېره پر دې، د امریکایانو د حقونو په منشور کې - د اساسي قانون په لومړیو لسو تعدیلاتو کې - دا په ګوته کړه چې د مذهب ازادۍ ته باید درناوی وشي.
په تیرو لسیزو کې، د ډیرو نورو مذاهبو خلک امریکا ته راغلي دي. په حقیقت کې، متحده ایالتونه اوس د نړۍ یو له هغو هیوادونو څخه دی چې په مذهبي لحاظ متنوع دي. د ټولو مذهبونو عیسویان، یهودیان، مسلمانان، هندوان، بودایان او نور خلک، امریکا خپل کور بولي. او ټول آزاد دي چې خپل مذهب په خپله خوښه عملي کړي.
دې آزادۍ امریکا پیاوړې کړې ده. خو دا د امریکا د آزادۍ د دښمنانو له خوا د کرکې وړ او د ترهګرۍ هدف ګرځولې ده.
متحده ایالتونه اوس د ترهګرۍ او د [ترهګرو] د ملاتړو پر وړاندې بې رحمه جګړه پرمخ وړي. خو متحده ایالتونه، لکه څنګه چې ولسمشر ټرمپ په وروستیو میاشتو کې ښودلې، سولې ته په جدي توګه ژمن دي.
ولسمشر ډونالډ ټرمپ د ۲۰۱۷ کال د کرسمس په پیغام کې ویلي و: "هر کال د کرسمس په وخت کې، موږ پوهیږو چې د کرسمس ریښتینې روحیه د هغه څه په اړه نه ده چې موږ یې لرو، بلکې د دې په اړه ده چې موږ څوک یو، موږ هر یو د خدای اولاد یو. دا د کال په دې وخت کې د خوښۍ ریښتینې سرچینه ده. دا هغه څه دي چې هر کرسمس مبارک کوي. موږ دعا کوو چې زموږ هیواد داسې ځای وي چې هر ماشوم د مینې ډک کور، د هېلو ډکه ټولنه، او د ایمان څخه ډک ملت وپیژني."