Օվկիանոսներն արտադրում են մոլորակի թթվածնի կեսից ավելին, ապահովում են մեր մոլորակի կենսունակությունը և, դյուրին դարձնելով տրասնպորտային միջոցների շարժը, անփոխարինելի են համաշխարհային տնտեսության համար։ Երկրագնդում բնակվող տեսակների գրեթե կեսի գոյատևումը կախված է օվկիանոսից։
«Օվկիանոսը պահպանում է կյանքը Երկրի վրա։ Այն ապահովում է միլիոնավոր մարդկանց ապրուստի միջոցը։ Մենք օվկիանոսից ձուկ ենք ստանում։ Այն մեզ համար հաղորդակցության միջոց է, սնում է մեզ, կառավարում է մեր կլիման։ Եվ այն իսկապես շատ մշակույթների անբաժանելի մասն է։ Բազմաթիվ երկրների ինքնությունը կապված է ծովի հետ»։
Սակայն առանց չափազանցության կարելի է պնդել, որ այսօր օվկիանոսները լրջագույնս վտանգված են՝ աղտոտվածության, անխնա ձկնորսության և ափամերձ բնական միջավայրերի կորստի պատճառով, որոնք մարդու գործունեության հետևանք են։
Օվկիանոսները պաշտպանելու և պահպանելու համար անցած տարի Միացյալ Նահանգները Օվկիանոսի պահպանման պարտավորություն ստանձնեց։ Ըստ Տնտեսական աճի, էներգետիկայի և շրջակա միջավայրի հարցերով փոխնախարար Խոսե Ֆերնանդեսի, այն շատ պարզ պարտավորություն է։
«Մենք պարտավորվել ենք պահպանել ԱՄՆ-ում մեր իրավասության տակ գտնվող օվկիանոսների 30 տոկոսը։ Եվ քանի որ այդ նպատակին նախատեսում ենք հասնել մինչև 2030 թվականը, մենք այն անվանել են 30-ը մինչև 30 խոստում»։
Նաև աշխատում ենք գործընկեր երկրների և կազմակերպությունների հետ՝ պաշտպանելու և պահպանելու օվկիանոսը, այդ թվում՝ նվազեցնելով ապօրինի և չկարգավորվող ձկնորսությունը՝ ասել է փոխպետքարտուղար Ֆերնանդեսը։
«Օվկիանոսների համաշխարհային օրը հնարավորություն է համախմբվելու և ակտիվացնելու օվկիանոսի պահպանմանն ուղղված ջանքերը՝ օվկիանոսն անարատ պահելու և օվկիանոսի աղտոտվածությունը դադարեցնելու ուղիներ գտնելու համար։ Օվկիանոսը մաքրելու ժամանակը չափազանց սուղ է։ Մենք ճգնաժամի առջև ենք կանգնած օվկիանոսների պահպանման հարցում և շատ աշխատանք ունենք անելու»:
Միացյալ Նահանգները հանձնառու է մեր օվկիանոսի պաշտպանությանը և մոլորակի համար ավելի լավ ապագայի ապահովմանը։
Սույն խմբագրականն արտացոլում է Միացյալ Նահանգների կառավարության տեսակետը։
Օվկիանոսների համաշխարհային օրը՝ 2023
Հունիսի 8-ին նշվող օվկիանոսների համաշխարհային օրը առիթ է վերստին անդրադառնալու, թե օվկիանոսն ինչպես է ազդում մեր կյանքի գրեթե բոլոր ոլորտների վրա։