Prezident Jo Bayden AQSh va Xitoy o'rtasidagi munosabatlarni mas'uliyat bilan boshqarish lozimligiga ishonadi. Qolaversa, bu munosabatlarni mas’uliyat bilan boshqarish butun dunyo bizdan kutayotgan narsa, dedi Davlat kotibi Entoni Blinken.
"Buni qilishning eng yaxshi yo'li – muloqot qilish, aloqada bo'lish", - dedi u.
“Prezident Bayden va Prezident Si Zinpin o'tgan yil oxirida San-Fransisko yaqinidagi APEC sammiti doirasida uchrashdi. Ular munosabatlarni mas'uliyat bilan boshqarishimiz, imkon qadar barqarorlikni saqlashimiz, kelishmovchiliklarimiz bilan bevosita shug'ullanishimiz, shuningdek, hamkorlik qilishimiz mumkin bo'lgan sohalar bor-yo'qligini ko'rish uchun harakat qilishimiz yuzasidan kelishib oldi”, -dedi Blinken.
Ikki davlat hamkorlikning bir qancha yo‘nalishlari bo‘yicha kelishib olgan.
"Birinchidan, bizda mavjud bo'lgan, ammo uzilib qolgan harbiy aloqani haqiqatan ham tiklaganimizga ishonch hosil qilish." - dedi Blinken.
“Bu qayta tiklandi, bu bizda nizoga olib kelishi mumkin bo'lgan noto'g'ri aloqa va tushunmovchilik bo'lmasligini ta'minlaydi”, - deya qo’shimcha qildi u.
Your browser doesn’t support HTML5
AQSh: Xitoy iqtisodiyotdan jazo quroli sifatida foydalanmoqda
Yetakchilar hamkorlik qilish mantiqiy bo'lgan sohalar ustida ishlamoqda. Ulardan biri sintetik opioidlar balosi haqida. 18 yoshdan 45 yoshgacha bo'lgan amerikaliklarning birinchi raqamli qotili fentanil deb ataluvchi sintetik opioid hisoblanadi.
“Bu muammoning tabiati shundaki, mutlaqo qonuniy maqsadlarda ishlab chiqarilgan kimyoviy moddalar dunyoning bir tomonida ishlab chiqarilishi va keyin uni opioidga aylantiradigan jinoiy korxonalarga yo'naltirilishi mumkin”, - dedi AQSh davlat kotibi.
“Oʻz bozorimiz toʻyingan sari, biz bu jinoiy korxonalar Yevropa, Osiyo va Lotin Amerikasida bozorlarni rivojlantirayotganini koʻramiz. Shuning uchun biz bu borada ishlash uchun 140 dan ortiq davlatdan iborat koalitsiyani birlashtirdik, - dedi Blinken. – Bunda Xitoy muhim rol o'ynashi kerak, chunki u yirik kimyoviy ishlab chiqaruvchidir".
Your browser doesn’t support HTML5
Blinken AQSh-Xitoy munosabatlari haqida
“Fentanilni sintez qilish uchun ishlatiladigan ko'plab kimyoviy moddalar Xitoyda boshlanadi, bizga yaqinlashadi, odatda Meksikaga yuboriladi, fentanilga aylanadi; keyin Qo'shma Shtatlarga keladi va ko'p odamlarni o'ldiradi. Biz Xitoyning bu jinoyatda ishtirok etgan ba'zi kompaniyalarni yopish, yangi qoidalarni joriy etish bo'yicha ijobiy qadamlarni tashlayotganini ko'rdik”, - deya qo’shimcha qildi Blinken.
"Buni yanada yaxshiroq amalga oshirish uchun ko'proq ish qilish kerak, - dedi Entoni Blinken. - Lekin shuning o’zi muvaffaqiyat va u o'zaro manfaatli ishlarda, biz birgalikda ishlashimiz mumkinligini namoyish etadi".