Accessibility links

Breaking News

აშშ-ის მთავრობის პოზიცია

Monday 3 October 2022

Calendar
October 2022
Sun Mon Tue Wed Thu Fri Sat
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
ისრაელის პრემიერ-მინისტრი ბენიამინ ნეთანიაჰუ, არაბთა გაერთიანებული საამიროების საგარეო საქმეთა მინისტრი აბდულა ბინ ზაედ ალ-ნაჰიანი და ბაჰრეინის საგარეო საქმეთა მინისტრი ხალიდ ბინ აჰმედ ალ ხალიფა (მარცხნიდან მარჯვნივ), თეთრ სახლში აბრაამის შეთანხმების ხელმოწერის შემდეგ.

სექტემბერში აღინიშნება მეორე წლისთავი აბრაამის შეთანხმებიდან, რომლითაც ისრაელმა არაბთა გაერთიანებულ საამიროებთან და ბაჰრეინთან ურთიერთობის ნორმალიზების შეთანხმებას მოაწერა ხელი. ცოტა ხნის შემდეგ ამ შეთანხმებას მაროკოც შეუერთდა.

ეს ისტორიული შეთანხმებები „ისრაელისთვის, არაბთა გაერთიანებული საამიროებისთვის, ბაჰრეინისთვის და მაროკოსთვის გარდამქმნელი იყო,“ განაცხადა შეერთებული შტატების სახელმწიფო მდივანმა ენტონი ბლინკენმა. „ისინი ახლო აღმოსავლეთში და მის მიღმა, თანამშრომლობის და რეგიონული ინტეგრაციის ახალ ფორმებს ჩაუდგნენ სათავეში. ამაში შედის ისტორიული ნეგევის ფორუმი, რომელმაც ისრაელთან და მის მეზობლებთან დაგვაახლოვა“.

„იერუსალიმ-პოსტის“ ბოლოდროინდელ სარედაქციო წერილში, არაბთა გაერთიანებული საამიროების საგარეო ვაჭრობის მინისტრმა თანი ალ-ზაიუდიმ დაწერა, რომ აბრაამის შეთანხმება იყო „არა მხოლოდ 48-წლიანი მტრობის და უნდობლობის დასრულების, არამედ ჩვენი რეგიონისთვის ახალი პოლიტიკური და ეკონომიკური ეპოქის დასაწყისის სიგნალი“.

საგარეო ვაჭრობის მინისტრ ზაიუდის თქმით, შეთანხმების ხელმოწერიდან, არაბთა გაერთიანებულ საამიროებსა და ისრაელს შორის ორმხრივი ვაჭრობის მოცულობამ 3 მილიარდ დოლარს გადააჭარბა. 2022 წლის პირველ ნახევარში ვაჭრობის მოცულობა კი 1.3 მილიარდ დოლარს აღემატებოდა, რომელიც მთელი 2021 წლის განმავლობაში აღირიცხა.

შეთანხმებამ ასევე წარმოშვა უნიკალური ერთობლივი შეთანხმებები, რომლებიც გამიზნულია ახლო აღმოსავლეთის წინაშე მდგარი ისეთი გამოწვევების გადასაწყვეტად, როგორიცაა წყლის ნაკლებობა და განახლებადი ენერგია. ამასთან არის დაკავშირებული ცოტა ხნის წინ დადებული სამმხრივი შეთანხმება ისრაელს, არაბთა გაერთიანებულ საამიროებსა და იორდანიას შორის, რომელიც მზის ენერგიასთან დაკავშირებულ ძალისხმევას დააფინანსებს.

ავი ჰესონმა, სტარტაპ „ნეიშენ ცენტრალის“მთავარმა აღმასრულებელმა დირექტორმა, იმ არაკომერციული ორგანიზაციის, რომელიც ისრაელის ინოვაციების რეკლამირებას ეწევა მთელი მსოფლიოს მასშტაბით, თქვა, რომ აბრაამის შეთანხმებამ „ჩვენი რეგიონისთვის დიდი შესაძლებლობები და პოტენციალი გააჩინა.“ მან დაამატა: „ჩვენ დიალოგი თავდაცვისა და უსაფრთხოების თემიდან ინოვაციისა და თანამშრომლობის თემაზე გადავრთეთ“.

ჰესონი აღნიშნავს, რომ 2023 წელს, ისრაელსა და აბრაამის შეთანხმების ხელმომწერ ქვეყნებს შორის გაორმაგდება ვაჭრობა და ინვესტიციები და მათი საკვანძო შემადგენელი ნაწილი ინოვაცია და ტექნოლოგია იქნება.

"ჩვენ ისრაელსა და არაბ და მუსლიმი უმრავლესობის ქვეყნებს შორის ამ შეთანხმების გაძლიერების და გაფართოების ერთგული ვართ, რათა რეგიონული უსაფრთხოება, კეთილდღეობა და მშვიდობა გაძლიერდეს,“ განაცხადა ამერიკის სახელმწიფო მდივანმა. ენტონი ბლინკენის თქმით, „შეერთებული შტატები გეგმავს, რომ მომავალში ამ პარტნიორობების გაძლიერებას და გაღრმავებას დაეხმაროს“.

სომეხი ჯარისკაცები მთიანი ყარაბაღის მიდამოებში. 2020 წლის ნოემბერი

შეერთებული შტატები ღრმადაა შეშფოთებული ბოლოდროინდელი ცნობების გამო, სომხეთის და აზერბაიჯანის საზღვარზე მიმდინარე თავდასხმების თაობაზე. „როგორც დიდი ხანია ნათლად გამოვხატავთ,“ თქვა სახელმწიფო მდივანმა ენტონი ბლინკენმა, „კონფლიქტს სამხედრო გადაწყვეტა ვერ ექნება.“ 15 სექტემბერს ცეცხლის შეწყვეტის შეთანხმების გამოცხადებასთან დაკავშირებით, მან თქვა: „აზერბაიჯანსა და სომხეთს შორის საომარი მოქმედებების შეწყვეტას მივესალმებით და მის გასამყარებლად მხარეებთან მუშაობას გავაგრძელებთ. შეერთებული შტატები სამხრეთ კავკასიის რეგიონში მშვიდობიანი და წარმატებული მომავლის ხელშეწყობის ერთგული რჩება.“

სამხრეთ კავკასიაში რეგიონული მშვიდობის და თანამშრომლობის ხელშეწყობის ძალისხმევისთვის, შეერთებულმა შტატებმა ცოტა ხნის წინ $2 მილიონი გამოყო, რომელიც სომხეთსა და აზერბაიჯანს შორის 2020 წლის შემოდგომაზე ბრძოლების ადგილებში ჰუმანიტარულ განნაღმვას მოხმარდება. კონფლიქტის ზონაში, მიწაში დაფლული ნაღმები და აუფეთქებელი საბრძოლო მასალები იქ სამოქალაქო პირებს კვლავ კლავს და ასახიჩრებს, ბლოკავს ეკონომიკურ განვითარებას და აფერხებს ადგილნაცვალი თემების უსაფრთხო დაბრუნებას.

აზერბაიჯანს და სომხეთს შორის ბრძოლის ბოლო სერიოზული რაუნდი 2020 წლის სექტემბერში დაიწყო და 6 კვირა გაგრძელდა. თუმცა, ორ ქვეყანას შორის კონფლიქტი ათწლეულებს ითვლის. მის ეპიცენტრშია მეტწილად სომხებით დასახლებული მთიანი ყარაბაღის რეგიონი და მიმდებარე ტერიტორია, რომელიც საერთაშორისოდ აზერბაიჯანის ნაწილადაა აღიარებული. 2020 წლის ომის შედეგად აზერბაიჯანმა დაიბრუნა იმ ტერიტორიების მეტ ნაწილზე კონტროლი, რომელიც 1990-იან წლებში, სომხეთის და მთიანი ყარაბაღის ძალებთან წინა ბრძოლებში დაკარგა.

2020 წლის ომმა 6 000-ზე მეტი ჯარისკაცი და 150-ზე მეტი მშვიდობიანი მოქალაქე იმსხვერპლა. მან ასევე ათობით ათას ადამიანს გადაადგილება აიძულა, თუმცა ბევრი შემდეგ ისევ დაბრუნდა. აზერბაიჯანის მთავრობა აგრძელებს მცდელობებს, გადაჭრას ასობით ათასი ადამიანის შინ დაბრუნების საკითხი, რომლებიც 1990-იანებში კონფლიქტის ზონიდან იძულებით წავიდნენ.

აშშ-ის კონგრესის კვლევის სამსახურის 2021 წლის იანვრის ანგარიშის თანახმად, 2020 წლის ომმა მთიანი ყარაბაღის სადავო პოლიტიკური სტატუსის საკითხი არ გადაჭრა და თავდაყირა დააყენა კონფლიქტის მოგვარების ხანგრძლივი საერთაშორისო სტრუქტურა, რომელიც 1990-იანების ომის შემდეგ წარმოიშვა.

არის იმედი, რომ განნაღმვის დამატებითი ფონდი, თავდაპირველ $500 000-თან ერთად, რომლის შესახებაც 2021 წლის ნოემბერში გამოცხადდა, დაეხმარება გამნაღმველი ორგანიზაციების ტექნიკურ შესაძლებლობებს, იმას, რომ გააუვნებელყონ სიცოცხლისთვის საშიში მიწაში დაფლული ნაღმები და აუფეთქებელი საბრძოლო მასალები, რათა ადამიანებმა ცხოვრება უსაფრთხოდ განაახლონ. სამხრეთ კავკასიაში განახლებულმა საბრძოლო მოქმედებებმა ეს ყველაფერი რისკის ქვეშ დააყენა.

შეერთებული შტატები ჩვეულებრივი შეიარაღების განადგურების საქმის უდიდესი ფინანსური მხარდამჭერია. ვაშინგტონმა 1993 წლიდან 100-ზე მეტ ქვეყანაში $4,7 მილიარდზე მეტი ჩადო, რათა ხელი შეუწყოს საერთაშორისო მშვიდობას და უსაფრთხოებას იმ საშიშროებებზე რეაგირებით, რასაც მიწაში ჩამარხული ნაღმები და აუფეთქებელი საბრძოლო მასალები უქმნის მშვიდობიან მოსახლეობას.

Load more

XS
SM
MD
LG