Accessibility links

Breaking News

აშშ-ის მთავრობის პოზიცია

Sunday 16 January 2022

Calendar
January 2022
Sun Mon Tue Wed Thu Fri Sat
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
მალავის არმიის ერთ-ერთი მეთაური კოვიდ-19-ის ვაქცინას იკეთებს

„ბოლო ორმა წელმა დაგვარწმუნა იმაში, რომ როცა საქმე ეხება კოვიდ-19-ს, თუ რისკი ერთ ადამიანს ექმნება, მაშინ ყველა რისკის ქვეშ ვიმყოფებით“ - განაცხადა ენტონი ბლინკენმა, ამერიკის სახელმწიფო მდივანმა.

ბლინკენის თქმით, შეერთებული შტატების მიზანია „პანდემიის დასრულება და მსოფლიოს უკეთ მომზადება მომავალი პანდემიისთვის“. დემოკრატიის სამიტზე გამოსვლისას, მან აღნიშნა, რომ შეერთებულმა შტატებმა მსოფლიოს 110 ქვეყანას უკვე მიაწოდა 330 მილიონი დოზა უსაფრთხო და ეფექტიანი ვაქცინა. ეს მხოლოდ ერთი ნაწილია გეგმის, რომელიც მომავალ შემოდგომამდე ვაქცინის 1.2 მილიარდი დოზის გაზიარებას ითვალისწინებს.

„ჩვენ მიზნად დავისახეთ, რომ სექტემბრამდე მსოფლიოს 70 პროცენტი ავცრათ ხარისხიანი, უსაფრთხო და ეფექტიანი ვაქცინებით“ - განაცხადა აშშ-ის სახელმწიფო მდივანმა.

„ამის შესასრულებლად სხვა ქვეყნებიც უნდა შემოგვიერთდნენ, რომ გაიზარდოს წარმოება, ვაქცინებით ქველმოქმედება და შესრულდეს „კოვაქსისთვის“ მიცემული დანაპირები, რათა გადაიჭრას ბოლო გამოწვევები, რაც ვაქცინებს გადააქცევს ვაქცინაციის პროცესად“.

ეს კი, ბლინკენის განცხადებით, ნიშნავს „ლოჯისტიკის მოგვარებას მილიონობით ვაქცინის უსაფრთხოდ მიწოდების და შენახვის მიზნით; ქვეყნების დახმარებას მასობრივი ვაქცინაციის კამპანიის დაგეგმვის და დანერგვისთვის; ასევე - ჯანდაცვის მუშაკთა მხარდაჭერას“.

მან დასძინა, რომ დემოკრატიულ ქვეყნებს ამ გლობალური ინციატივის გაძღოლის უნიკალური შესაძლებლობა გააჩნიათ.

„დემოკრატიული ქვეყნები საუკეთესონი არიან სიმტკიცის, შემოქმედებითი მიდგომის მხრივ, შეუძლიათ მრავალმხრივი გამოწვევების დაძლევა და სწრაფად ადაპტაცია, როცა ეს საჭიროა. ყველაზე მეტად კი, ისინი ერთგულნი არიან ადამიანთა საჭიროებების დაკმაყოფილების მიმართ, განსაკუთრებით მაშინ, როცა კრიზისია“ - განაცხადა ბლინკენმა.

კოვიდ-19-ის შესაჩერებლად, ქვეყნებს საკუთარ მოქალაქეებთან გამჭვირვალობა და პირდაპირობა მოეთხოვებათ. ეს საჭიროებს მონაცემთა გაზიარებას, საჯარო რესურსების პასუხისმგებლობით გამოყენებას და თუ შეცდომაა დაშვებული, ამის გააზრებას. სახელმწიფო მდივნის თქმით, ვინაიდან პანდემიას ვერ შევაჩერებთ, ვიდრე ყველა დაცული არ არის, უნდა დარწმუნებული ვიყოთ იმაში, რომ ყველას, ყველას აქვს წვდომა უსაფრთხო და ეფექტიან ვაქცინებზე.

საბოლოოდ, ბლინკენმა აღნიშნა, რომ კოვიდ-19-თან ბრძოლა ერთმანეთში იდეების და გამოსავლის თავისუფალ გაზიარებას მოითხოვს.

„მთავრობის ოფიციალურმა პირებმა, ჯანდაცვის ექსპერტებმა, მეცნიერებმა, სამოქალაქო საზოგადოების წევრებმა, მოქალაქეებმა, ყველამ ერთობლივად უნდა იმუშაოს პანდემიის დაძლევაზე, ერთიანი რეაგირების მიზნით, დაწყებული [ინფიცირებულთა] კონტაქტების აღრიცხვით და დამთავრებული ვაქცინების დისტრიბუციით, თუ [ვაქცინაციისკენ მიმართული] ჯანდაცვის კამპანიებით. ეს ყოველივე კოვიდთან ბრძოლის საქმეში სასიცოცხლო მნიშვნელობის მქონე იარაღია, და ისე მოხდა, რომ ეს ფუნდამენტური დემოკრატიული ფასეულობებიც არის“ - აცხადებს აშშ-ის სახელმწიფო მდივანი.

ენტონი ბლინკენის თქმით, „მომავალი თვეების მანძილზეც მათი ერთგულნი უნდა დავრჩეთ, რათა მათ ირგვლივ მთელი მსოფლიო გავაერთიანოთ და პანდემიის დასასრულებლად მაქსიმალური ძალისხმევა გავწიოთ“.

რუსეთის პრეზიდენტი ვლადიმირ პუტინი

შეერთებული შტატები, საერთაშორისო მოკავშირეებთან და პარტნიორებთან ერთად, განაგრძობს მალის მხარდაჭერას დემოკრატიული მმართველობის აღსადგენად. ბოლო 16 თვის განმავლობაში, მალიში ორჯერ ჰქონდა ადგილი სამხედრო გადატრიალებას. ძალადობრივ ექსტრემისტულ დაჯგუფებებთან ბრძოლაში, მთავრობამ ტერიტორიის ნაწილი დაკარგა.

მალის გარდამავალი მთავრობა ახლა განიხილავს ე.წ. დახმარებას რუსეთის მხარდაჭერით მოქმედი “ვაგნერის” კერძო სამხედრო დაჯგუფების მხრიდან. გავრცელებული ინფორმაციით, ეს შეთანხმება მალის თვეში $10 მილიონი დაუჯდება. წერილობით განცხადებაში აშშ-ის სახელმწიფო დეპარტამენტის პრესსპიკერმა ნედ პრაისმა თქვა, რომ შეერთებული შტატები „შეშფოთებულია“ ამ გეგმით, რადგან ის „მიმართულებას უცვლის თანხებს, რომელიც შეიძლებოდა მოხმარებოდა მალის შეიარაღებულ ძალებს და მის საჯარო სამსახურებს“.

"ვაგნერის" ჯგუფს, როგორც ცნობილია, რუსეთის პრეზიდენტის, ვლადიმირ პუტინის მოკავშირე, ევგენი პრიგოჟინი აფინანსებს და მართავს. შეერთებულ შტატებს, ბრიტანეთის გაერთიანებულ სამეფოს და ევროპის კავშირს მისთვის სანქციები აქვს დაწესებული. „ვაგნერის ძალები“, რომლებიც ნედ პრაისის თქმით, „ცნობილია თავისი დესტაბილიზაციის მომტანი აქტივობით და ადამიანის უფლებების დარღვევებით, მალიში მშვიდობას კი არ მოიტანს, არამედ კიდევ უფრო გააღრმავებს ქვეყანაში დესტაბილიზაციის პროცესს“.

აშშ-ის სახელმწიფო დეპარტამენტის პრესსპიკერი აცხადებს, რომ მალის ფინანსური რესურსი „მალელი ხალხის კეთილდღეობას უნდა მოხმარდეს და არა უცხოეთის დაქირავებულ ძალებს, რომლებიც ადგილობრივ მოსახლეობაზე ძალადობით არიან ცნობილი და მასპინძელი ქვეყნების მიერ, საკუთარი ფინანსების კონტროლს უთხრიან ძირს“.

13 დეკემბერს, ევროკავშირმა "ვაგნერის" ჯგუფს სანქციები დაუწესა, ახლო აღმოსავლეთში, უკრაინასა და აფრიკაში, ძალადობის წაქეზების და ადამიანის უფლებების უხეშ დარღვევებში მონაწილეობის გამო. ამ ნაბიჯს შეერთებული შტატებიც მიესალმა. როგორც ნედ პრაისმა აღნიშნა, „იმ ქვეყნებმა, რომელთაც "ვაგნერის" ჯგუფები საკუთარ საზღვრებს შიგნით დაუშვეს, მალევე აღმოაჩინეს, რომ ისინი უფრო ღარიბები, სუსტები და ნაკლებად დაცულები გახდნენ“.

მან ხაზი გაუსვა იმას, რომ გავრცელებული ინფორმაცია მალის მხრიდან ვაგნერის ჯგუფის მიწვევის თაობაზე, რისკის ქვეშ აყენებს 20 000-ზე მეტი საერთაშორისო სამშვიდობო ძალების წარმომადგენლის და სამხედრო მოსამსახურის წვლილს, რომლებიც მალიში იმყოფებიან ისე, რომ ეს მალელ ხალხს, ან მის მთავრობას საერთოდ არაფერი არ უჯდება.

შეერთებული შტატების სახელმწიფო მდივანი ენტონი ბლინკენი მალის უწოდებს „საჰელის რეგიონის მომავალი სტაბილურობის გასაღებს“ და მალის მოუწოდებს, დაუბრუნდეს კონსტიტუციურ წესს და დემოკრატიულ მმართველობას. ვაგნერის ჯგუფის მსგავსი, მტაცებლური ხასიათის მქონე უცხო ძალების ქვეყანაში დაშვება კი, ამგვარ შედეგს მხოლოდ შეაყოვნებს და ძირს გამოუთხრის.

Load more

XS
SM
MD
LG