Accessibility links

Breaking News

აშშ-ის მთავრობის პოზიცია

Sunday 1 August 2021

Calendar
August 2021
Sun Mon Tue Wed Thu Fri Sat
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
"რაინეარის" თვითმფრინავი, რომელშიც ბელარუსი ოპოზიციონერი რამან პრატასევიჩი იჯდა.

ეს იყო აღმაშფოთებელი ფაქტი, რაც ლუკაშენკოს რეჟიმმა ბელარუსში ჩაიდინა: 23 მაისს კომერციულ თვითმფრინავს, რომელიც ევროპის კავშირის წევრ ქვეყნებს შორის მიფრინავდა, კურსის შეცვლა აიძულეს. ამ ქმედების აშკარა მიზანი იყო ბორტზე მყოფი ბელარუსი ჟურნალისტის რამან პრატასევიჩის და სტუდენტის სოფია საპეგას დაკავება და დაპატიმრება.

პასუხად, შეერთებულმა შტატებმა, ევროპის კავშირთან, კანადასთან და გაერთიანებულ სამეფოსთან კოორდინაციით, ზომები მიიღო ათეულობით ბელარუსი ინდივიდის და იურიდიული პირის წინააღმდეგ. საერთაშორისო საზოგადოებამ ლუკაშენკოს რეჟიმს გარკვევით დაანახა, რომ ეს იყო პასუხი ბელარუსი ხალხის მიმდინარე რეპრესიებზეც. სახელმწიფო მდივანმა ენტონი ბლინკენმა 21 ივნისს კიდევ ერთხელ დაადასტურა, რომ ამერიკის შეერთებული შტატების ქმედება არის პასუხი „ბელარუსში გაგრძელებულ რეპრესიებზე, ადამიანის უფლებებზე, დემოკრატიულ პროცესებზე და ფუნდამენტურ თავისუფლებებზე მიტანილი იერიშების ჩათვლით“.

სახელმწიფო დეპარტამენტის უახლესი ანგარიში, ბელარუსში ადამიანის უფლებების მხრივ შექმნილ ვითარებაზე ამბობს, რომ ლუკაშენკოს რეჟიმი ბელარუსი ხალხის წინააღმდეგ ძალადობის მძიმე ფორმებს და სხვა სახის რეპრესიებს მიმართავს. მათ შორის სახელდება ლუკაშენკოს უსაფრთხოების ძალების მიერ ჩადენილი უკანონო ან სადავო მკვლელობები; წამება და სასტიკი ძალადობა პენიტენციალურ დაწესებულებებში; სერიოზული შეზღუდვა გამოხატვის თავისუფლების, პრესის და ინტერნეტის; მოქალაქეებისთვის მთავრობის შეცვლის უნარის ჩამორთმევა მშვიდობიანი გზით, თავისუფალი და სამართლიანი არჩევნების საშუალებით; ასევე - კორუფციის სერიოზული შემთხვევები.

21 ივნისს სახელმწიფო მდივანმა ენტონი ბლინკენმა გამოაცხადა, რომ შეერთებული შტატების სახელმწიფო დეპარტამენტმა მიიღო ზომები, რათა 46 ბელარუს ოფიციალურ პირს სავიზო შეზღუდვები დაუწესდეს. მათ მთავრობაში წამყვანი პოზიციები უკავიათ, დაწყებული პრეზიდენტის ადმინისტრაციიდან, სამხედრო უწყების და იუსტიციის სამმართველოს ჩათვლით.

შეერთებული შტატების ხაზინის დეპარტამენტმა სანქციები დამატებით 16 ინდივიდს და 5 იურიდიულ პირს დაუწესა. „ამ ადამიანებმა თავიანთი ქმედებით ზიანი მიაყენეს ბელარუს ხალხს. 2020 წლის 9 აგვისტოს გაყალბებული საპრეზიდენტო არჩევნებიდან მოყოლებული, დემონსტრანტების, ჟურნალისტების და პოლიტიკური ოპოზიციის სასტიკი დევნით, ან სხვა გზით, ისინი ეხმარებოდნენ ალექსანდრე ლუკაშენკოს რეპრესიულ პოლიტიკას ბელარუსში და მის ფარგლებს გარეთ“ - განაცხადა სახელმწიფო მდივანმა ენტონი ბლინკენმა.

სახელმწიფო დეპარტამენტის პრესსპიკერმა ნედ პრაისმა კი თქვა: „ჩვენ გავაგრძელებთ ლუკაშენკოს რეჟიმისთვის პასუხისმგებლობის დაკისრებას, ვიდრე რეპრესიები არ შეწყდება... ჩვენ მოვითხოვთ, რომ დასრულდეს დევნა; დაუყოვნებლივ გათავისუფლდეს ყველა პოლიტპატიმარი; გაიმართოს გულწრფელი დიალოგი ოპოზიციასთან და სამოქალაქო საზოგადოებასთან, როგორც ამას ეუთოს ექსპერტთა მისიის ანგარიში ითხოვს; და ჩატარდეს თავისუფალი და სამართლიანი არჩევნები საერთაშორისო დამკვირვებლების ჩართვით. ჩვენ ბელარუსი ხალხის გვერდში ვდგავართ დემოკრატიული, აყვავებული მომავლისკენ მიმავალ გზაზე და მხარს ვუჭერთ რეჟიმისადმი მათ მოწოდებას, პატივი სცენ ადამიანის უფლებებს და ფუნდამენტურ თავისუფლებებს“.

ჯო ბაიდენი (მარჯვნივ) და ვლადიმირ პუტინი (მარცხნივ) ჟენევაში, შვეიცარია. 16 ივნისი, 2021.

შეერთებული შტატების პრეზიდენტის ჯო ბაიდენის თქმით, მან რუსეთის პრეზიდენტ ვლადიმირ პუტინთან შეხვედრის დროს ბევრი საკითხი განიხილა, რათა ამერიკა-რუსეთს შორის „სტაბილური და პროგნოზირებადი“ ურთიერთობა ჩამოყალიბდეს.

მათ შორის ერთ-ერთია სტრატეგიული სტაბილურობის საკითხი, რაშიც განიარაღებაც შედის. პრეს-ბრიფინგზე პრეზიდენტი ბაიდენი მიესალმა რუსეთის გადაწყვეტილებას, შეუერთდეს შეერთებულ შტატებს სტრატეგიული სტაბილურობის დიალოგის წამოწყებაში. ამ დიალოგის მეშვეობით, შეერთებული შტატები და რუსეთი შეეცდებიან გზა გაუკვალონ განიარაღების მომავალს და რისკების შემცირების ზომებს.

კიდევ ერთი საკითხი, რაზეც პრეზიდენტებმა ხანგრძლივად იმსჯელეს, კიბერუსაფრთხოება იყო. ეს გამოიწვია რუსეთის უცხოეთის დაზვერვის მიერ განხორციელებულმა „სოლაუინდის“ იერიშმა, რომელმაც მსოფლიო მასშტაბით ასობით კომპიუტერული სისტემა დააზიანა და ასევე გამოსასყიდის მიღების მიზნით მომხდარმა თავდასხმების მთელმა სერიამ, რომელთა წყაროც რუსეთი იყო. პრეზიდენტ ბაიდენის განცხადებით, „ჩვენ შევთანხმდით, რომ დავავალებთ ორივე ქვეყნის ექსპერტებს, იმუშაონ [კიბერ-შეჭრის] ლიმიტებზე და იმ კონკრეტულ შემთხვევებზე რეაგირებაზე, რომელიც... ნებისმიერი ქვეყნიდან შეიძლება მოდიოდეს“.

ასევე განხილულ იქნა სირიაში მილიონობით ადამიანისთვის შეერთებული შტატების და რუსეთის მხრიდან ჰუმანიტარული დახმარების მიწოდების გაგრძელების აუცილებლობა. საუბარი შეეხო ავღანეთიდან ტერორიზმის წარმოშობის აღკვეთაში შესაძლო კონტრიბუციას ორივე ქვეყნის მხრიდან. ყურადღება გამახვილდა იმაზეც, რომ ირანის რეჟიმმა ვერასდროს ვერ შეძლოს ბირთვული იარაღის შექმნა.

პრეზიდენტმა ბაიდენმა პრეზიდენტ პუტინთან ისეთი მწვავე საკითხებიც წამოწია წინ, როგორიცაა „შეერთებული შტატების მხრიდან უკრაინის სუვერენიტეტის და ტერიტორიული მთლიანობისადმი მტკიცე ერთგულების“ გამოხატვა. მან ასევე უთხრა პრეზიდენტ პუტინს, რომ „ადამიანის ულებები ყოველთვის იქნება განსახილველ საკითხებს შორის... ეს იმას ეხება, თუ რანი ვართ ჩვენ“ - განაცხადა პრეზიდენტმა ჯო ბაიდენმა.

ბაიდენმა საუბარი წამოიწყო რუსეთის ოპოზიციის დაჭერილ ლიდერ ალექსეი ნავალნიზე. ჟურნალისტებთან გაკეთებული განცხადების მიხედვით, მან გარკვევით უთხრა პრეზიდენტ პუტინს, რომ თუ ნავალნი ციხეში მოკვდება, „ეს რუსეთს კატასტროფულ შედეგებს მოუტანს“. პრეზიდენტ ბაიდენის მიერ აღძრულ საკითხებს შორის იყო შეერთებული შტატების სამაუწყებლო ქსელის „რადიო თავისუფლებლება/რადიო თავისუფალი ევროპის“ შევიწროების ფაქტი. ის რუსეთის პრეზიდენტს ხაზგასმით ესაუბრა „მედიის თავისუფლების და სიტყვის თავისუფლების მნიშვნელობაზე“.

ბაიდენის შეფასებით, საათობით გაგრძელებული სამიტის ტონი „პოზიტიური“ იყო. პრეზიდენტის განცხადებითვე, მან გააკეთა ის, რისთვისაც შეხვედრაზე მივიდა: გამოეკვეთა ის სფეროები, სადაც ორ ქვეყანას შორის შესაძლებელია მსოფლიოსთვის სასარგებლო, ერთობლივი ინტერესების დაწინაურება; პირდაპირ ეთქვა, რომ შეერთებული შტატები არ დააყოვნებს პასუხს, როცა მისი სასიცოცხლო ინტერესები საფრთხის ქვეშ დგება; და გარკვევით განემარტა ქვეყნის ფასეულობები.

„წინ უფრო მეტი სამუშაოა“ - თქვა პრეზიდენტმა ბაიდენმა. თუმცა, „ახლა ჩვენ საფუძველი ჩავუყარეთ ფუნდამენტს, თუ როგორ ვაპირებთ რუსეთთან მოქცევას და ამერიკა-რუსეთის ურთიერთობის განვითარებას“.

Load more

XS
SM
MD
LG