Accessibility links

Breaking News

აშშ-ის მთავრობის პოზიცია

Tuesday 16 April 2024

Calendar
April 2024
Sun Mon Tue Wed Thu Fri Sat
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

სამხრეთ კორეაში, სეულში, დემოკრატიისთვის სამიტზე შეხვედრის დროს, ამერიკის სახელმწიფო მდივანმა ენტონი ბლინკენმა თქვა, რომ შეერთებული შტატები მზად არის მედგარი წინააღმდეგობა გაუწიოს ავტორიტარულ მთავრობათა მიერ ტექნოლოგიის მზარდ გამოყენებას, რაც ადამიანის უფლებების დასარღვევად და დემოკრატიისთვის ძირის გამოსათხრელად ხდება.

„ეს იწყება ჩვენი გამძლეობის განმტკიცებით, ავტოკრატიული მთავრობების მცდელობათა წინააღმდეგ, დემოკრატიის მიმართ უნდობლობა დათესონ, დაასუსტონ ჩვენი ინსტიტუტები, საზღვრებს მიღმა გადმოგვწვდნენ, ჩვენს ქვეყნებში ადამიანები სამიზნეში ამოიღონ. ამის საკვანძო ნაწილია პასუხის გაცემა დეზინფორმაციაზე და არასწორ ინფორმაციაზე, რომელსაც ავტორიტარული მთავრობები ჩვენი საზოგადოებების პოლარიზაციისთვის ავრცელებენ“.

შეერთებული შტატები მუშაობს, რათა დაეხმაროს ისეთ რეპრესიულ რეჟიმებში მცხოვრებ ადამიანებს, როგორიც ირანია, მიიღონ წვდომა ციფრულ საშუალებებზე, მათ შორის ცენზურის გარეშე ინტერნეტზე, თქვა სახელმწიფო მდივანმა.

ბლინკენის თქმით, 2022 წლის „სექტემბერში, როდესაც ირანის უშიშროების ძალების მიერ მაჰსა ამინის მოკვლამ მასიური საპროტესტო აქციები გამოიწვია, რეჟიმმა სასტიკი რეპრესიები მოაწყო, ასობით ადამიანი მოკლა, ათობით ათასი ციხეში დაამწყვდია და ინტერნეტს გამუდმებით რთავდა. ამის პასუხად, ჩვენ გავერთიანდით კომპანიებთან და სამოქალაქო საზოგადოების ჯგუფებთან, რათა ირანელ ხალხს დავეხმაროთ იმაში, რომ მათ ინტერნეტზე და სხვა სასიცოცხლოდ მნიშვნელოვან კომუნიკაციის საშუალებებზე წვდომა ჰქონოდათ, რათა მათ ერთმანეთთან კომუნიკაცია და გარე სამყაროსთან ურთიერთობა და წვდომა შეძლებოდათ, რომ რეჟიმის მხრიდან დარღვევებისთვის ნათელი მოეფინათ“.

ეს არ არის მხოლოდ ირანი, რომლის შემთხვევაშიც, კერძო სექტორი და სამოქალაქო საზოგადოება დემოკრატიულ მთავრობებთან ერთად მუშაობს, რათა ციფრულ ავტორიტარიზმს წინააღმდეგობა გაუწიოს. 2023 წლის თებერვალში, რუსეთის უკრაინაში სრულმასშტაბიანი შეჭრის შემდეგ, ბიზნესები და მოქალაქეები შეერთებული შტატებიდან და სხვა დემოკრატიული ქვეყნებიდან, წინა ხაზზე იყვნენ, რათა უკრაინას მისი დამოუკიდებლობის დაცვაში დახმარებოდნენ, აღნიშნა ამერიკის სახელმწიფო მდივანმა.

ბლინკენის თქმით, „ეს მოხალისეები, უწყვეტი თავდასხმების მიუხედავად, დაეხმარნენ უკრაინის სამთავრობო ინსტიტუტებს და მოქალაქეებს კავშირგაბმულობა შეენარჩუნებინათ. უკრაინის მთავრობას მათ მისცეს უსასყიდლო წვდომა დაცულ ინტერნეტ-რესურსზე, რათა მგრძნობიარე ეროვნულ მონაცემთა ბაზები შეენახათ, სოციალურ მედიაში მოსკოვის დეზინფორმაციის კამპანიასთან წინააღმდეგობის გაწევაში დახმარებოდნენ“.

„საბოლოოდ, ოპტიმისტურად ვართ განწყობილი დემოკრატიის უნართან დაკავშირებით, იმუშაოს იმ პერიოდში, როდესაც ტექნოლოგია კვლავაც... მსოფლიოს ცხოვრების რეორგანიზაციას ახდენს,“ თქვა ბლინკენმა. შეერთებული შტატების სახელმწიფო მდივანმა ასევე აღნიშნა, რომ „ყველა იმ გამოწვევასთან ერთად, რასაც ეს მოწინავე ტექნოლოგიები ქმნის, მთავრობის არცერთი სისტემა არ არის უფრო უკეთ აღჭურვილი, ვიდრე დემოკრატია, რომ ის ძალები რასაც ისინი წარმოადგენენ, ჩვენი ხალხების ცხოვრების გაუმჯობესებისკენ მიმართოს“.

ჰუმანიტარული დახმარების საჰაერო ჩაწოდება ღაზის სექტორში. 25 მარტი, 2024 წ.
ჰუმანიტარული დახმარების საჰაერო ჩაწოდება ღაზის სექტორში. 25 მარტი, 2024 წ.

გაერთიანებული ერების ორგანიზაციის ცნობით, ღაზის სექტორში საომარი მოქმედებების შედეგად, კატასტროფული ჰუმანიტარული ვითარება შეიქმნა და ის დღითიდღე უარესდება. ”ვარაუდობენ, რომ მაისის ბოლოსთვის, ღაზაში მილიონზე მეტი ადამიანი საკვების უსაფრთხოების მხრივ კატასტროფულ დონეზე იქნება, ღაზის ჩრდილოეთ ნაწილში კი შიმშილი გარდაუვალია”, - განაცხადა ტორ ვენესლენდმა, გაეროს სპეციალურმა კოორდინატორმა ახლო აღმოსავლეთის სამშვიდობო პროცესში. მისი თქმით, იქ უკვე დაფიქსირდა შიმშილის შედეგად დაღუპვის ფაქტები.

შეერთებული შტატები აგრძელებს მუშაობას ღაზის სექტორში ჰუმანიტარული დახმარების გაზრდის მიზნით, - ამბობს რობერტ ვუდი, საგანგებო პოლიტიკურ საქმეებში, შეერთებული შტატების საგანგებო წარმომადგენელი გაეროში.

„რეალობა ისაა, რომ ბავშვები შიმშილით იხოცებიან ღაზაში, რადგან ჰუმანიტარული დახმარება მათამდე ვერ აღწევს. ბავშვები არ უნდა კვდებოდნენ არასრულფასოვანი კვების გამო ღაზაში ან ნებისმიერ სხვა ადგილზე. ღაზის მოსახლეობის ასი პროცენტი სურსათის უსაფრთხოების მხრივ, მწვავე დაუცველობის ფაზაშია“, - ამბობს ის.

„მიუხედავად იმისა, რომ ცეცხლის შეწყვეტაზე შეთანხმება, რომელზეც ჩვენ ვმუშაობთ, ჰუმანიტარული დახმარების გაზრდისთვის საუკეთესო, ყველაზე სწრაფი გზა იქნება, ეს არ არის ერთადერთი გზა“, აღნიშნავს ვუდი.

„ჩვენ ვაგრძელებთ საერთაშორისო ძალისხმევის კოორდინაციას საზღვაო დერეფნის შესაქმნელად და ეს მოიცავს შეერთებული შტატების სამხედრო მისიის მხარდაჭერას, დროებითი პორტის ასაშენებლად, რომელიც დახმარების მიწოდების საქმეში, კიდევ ერთი არხი იქნება. ჩვენ ასევე ვაგრძელებთ ღაზაში ჰუმანიტარული ტვირთის ჰაერიდან ჩაწოდებას“.

ვუდის თქმით, ”ეს საზღვაო დერეფანი და საჰაერო ჩაწოდება არის დამატებითი, და არა შემცვლელი გზა იმ აუცილებელ სახმელეთო მიწოდებასთან ერთად, რომელიც საჭიროა ღაზის სექტორის მთელ ტერიტორიაზე, რათა გარდაუვალ შიმშილობაზე შესაბამისი რეაგირება მოხდეს“.

გაეროში ამერიკის წარმომადგენლის თქმით, ანერუჯა ასევე აგრძელებს კონსულტაციებს ისრაელის მთავრობასთან და ურჩევს მათ, არ გაზარდონ რაფაში მიმდინარე სახმელეთო ოპერაციის მასშტაბები. „ეს კიდევ უფრო ბევრი მშვიდობიანი მოქალაქის მოკვლის რისკებს ქმნის, მეტი ქაოსის გამოწვევას უწყობს ხელს და ჰუმანიტარული დახმარების მიწოდების შეფერხებით, კიდევ უფრო დიდ ზარალს გამოიწვევს“.

„საბოლოოდ, ჩვენ კიდევ ერთხელ ვიმეორებთ, რომ მხარს ვუჭერთ გრძელვადიან მშვიდობას და უსაფრთხოებას ისრაელში და ღაზაში“ - აღნიშნავს ვუდი.

როგორც ამერიკის სახელმწიფო მდივანმა, ენტონი ბლინკენმა თქვა, „არ შეიძლება, რომ ღაზა ტერორიზმის პლატფორმად იქნას გამოყენებული; არ შეიძლება მოხდეს მისი მოსახლეობის იძულებითი გადაადგილება; არ შეიძლება, მისი ტერიტორიის შემცირება ან რეოკუპაცია ისრაელის მიერ. და ჩვენ ვთანხმდებით იმაზე, რომ ეს მოითხოვს ორი სახელმწიფოს გამოსავლისკენ მიმავალ გზამკვლევს, რომელიც ისრაელის უსაფრთხოების რეალურ გარანტიებსაც შეიცავს“.

თუმცა, ვუდის თქმით, „ეს ასევე მოითხოვს რეალურ რეფორმას პალესტინურ ხელისუფლებაში. მიუხედავად იმისა, რომ ჩვენ ვიხილეთ ამ მიმართულებით გადადგმული რამდენიმე საწყისი ნაბიჯი, გაცილებით მეტია საჭირო. პალესტინელებს უკეთესი, უფრო წარმომადგენლობითი მთავრობა ესაჭიროებათ, სადაც შევლენ ღაზელი პალესტინელებიც. ეს კრიტიკულად მნიშვნელოვანია მდინარე იორდანეს დასავლეთ სანაპიროსთან ერთად, ღაზელი პალესტინელების მონაწილეობით, ერთიანი ღაზის ხედვის შემუშავების საქმისთვის“.

Load more

XS
SM
MD
LG