បទវិចារណកថា៖ ការផ្តល់​រង្វាន់​ធំ​ដល់​ជនទាំង​ឡាយ​ណា​ដែល​ផ្តល់​ព័ត៌មាន​អំពី​អ្នកផ្តល់​ប្រាក់កាស​ឱ្យ​ពួកហាម៉ាស់

តទៅនេះ​ គឺ​ជា​បទ​វិចារណកថា​ដែល​ឆ្លុះ​បញ្ចាំង​ពី​ទស្សនៈ​របស់​រដ្ឋាភិបាល​សហរដ្ឋ​អាមេរិក

កាលពី​ថ្ងៃទី៧​ ខែតុលា ឆ្នាំ២០២៣ ក្រុម​ហាម៉ាស់បានចាប់ផ្តើម​ជម្លោះដ៏ប្រល័យមួយជាមួយការវាយ​ប្រហារ​ភេរវកម្ម​លើ​ជនស៊ីវីល​អ៊ីស្រាអែល។ វា​ជាសកម្មភាពសាហាវ​យង់ឃ្នង​និង​កំសាក​មួយត្រូវ​បាន​ថ្កោលទោសដោយ​ពិភពលោក​ទាំង​មូល។ ពួកហាម៉ាស់​មាន​ប្រវត្តិប្រកប​ដោយ​អំពើហិង្សាបី​ទសវត្សរ៍​មកហើយ។ រដ្ឋាភិបាល​មួយ​ចំនួន​មានរួម​ទាំង​សហរដ្ឋ​អាមេរិក​ផង​បាន​ចាត់ទុកក្រុម​ហាម៉ាស់​ថា ​ជា​អង្គការភេវកម្មមួយ។

ដើម្បីជួយបង្អាក់​សមត្ថភាព​របស់ក្រុម​ហាម៉ាស់​ក្នុង​ការធ្វើ​ប្រតិបត្តិការ សហរដ្ឋ​អាមេរិកផ្តោត​លើលំហូរហិរញ្ញវត្ថុរបស់​ក្រុម​នេះ។ ក្នុង​ខែមករា ក្រសួង​ការបរទេស​អាមេរិកបាន​ប្រកាសអំពី​ការផ្តល់​រង្វាន់រហូត​ដល់១០លាន​ដុល្លារសម្រាប់​ព័ត៌មានអំពី​អ្នកសម្រួលខាងហិរញ្ញវត្ថុ​សម្រាប់​ក្រុម​ហាម៉ាស់គឺ​មាន​ឈ្មោះ​ថា៖ Abdelbasit Hamza Elhassan Khair, Amer Kamal Sharif Alshawa, Ahmed Sadu Jahleb, Walid Mohammed Mustafa Jadallah និង Muhammad Ahmad ‘Abd Al-Dayim Nasrall។

ឈ្មោះ Khair ដែលមានឈ្មោះ​ថា «Hamza» ដែរ ជា​អ្នក​រកប្រាក់មាន​មូលដ្ឋាន​នៅ​ក្នុង​ប្រទេស​ស៊ូដង់​ឱ្យ​ពួក​ហាម៉ាស់​ដែល​ចាត់ចែង​កិច្ចការ​ក្រុមហ៊ុន​មួយ​ចំនួន​នៅក្នុង​វិនិយោគរបស់​ក្រុម​ហាម៉ាស់ ​ហើយ​មាន​ទាក់ទិន​នឹងការផ្ទេរ​លុយ​ច្រើន​ទៅឱ្យ​ក្រុម​ហាម៉ាស់។

ឈ្មោះ Alshawa, Jahleb និង​ឈ្មោះ Jadallah ជាផ្នែក​នៃបណ្តាញបណ្តាក់ទុនរបស់​ពួក​ហាម៉ាស់​នៅ​តួកគី។

Alshawa ជា​ប្រធាន​ប្រតិបត្តិនៃក្រុមហ៊ុន Trend GYO ហើយបម្រើការជា​សមាជិក​ម្នាក់នៃ​ក្រុមប្រឹក្សា​ភិបាល​របស់​ក្រុមហ៊ុន​វិនិយោគ​មួយចំនួនរបស់​ពួក​ហាម៉ាស់​ផង​ដែរ។

Jahleb ជា​លេខាធិការ​ខាង​វិនិយោគរបស់​ក្រុម​ហាម៉ាស់។ ជន​នេះ​សម្រប​សម្រួលសកម្មភាព​ផ្សេងៗសម្រាប់​ក្រុមហ៊ុននិងពួក​មន្ត្រីគ្រប់គ្រង​ដោយ​ក្រុមហាម៉ាស់។ ចំណែកឯឈ្មោះ Jadallah វិញ​បម្រើការ​ក្នុងក្រុម​ប្រឹក្សាភិបាល​នៃ​ក្រុមហ៊ុន​វិនិយោគ​មួយចំនួន។

Nasrallah មាន​ទាក់ទិននឹង​ការផ្ទេរ​ប្រាក់​រាប់​សិប​លាន​ដុល្លារ​ទៅឱ្យ​ក្រុម​ហាម៉ាស់។

កាលពី​ឆ្នាំ​ទៅ បុរស​ទាំង​ប្រាំ​នាក់​នេះត្រូវបាន​ចុច​ឈ្មោះជាភេរវជន​សាកល​ដោយ​ក្រសួងហិរញ្ញវត្ថុសហរដ្ឋ​អាមេរិកតាម​រយៈបទបញ្ជា​នីតិប្រតិបត្តិ​លេខ១៣២២៤។​

បើលោក​អ្នក ឬនរណាដែល​លោកអ្នកស្គាល់មានព័ត៌មានអំពី​ឈ្មោះ Khair, Alshawa, Jahleh ឬ Nasrallah ឬកិច្ចប្រតិបត្តិការហិរញ្ញវត្ថុ​របស់ជន​ទាំង​នេះ សូម​ទាក់ទង​នឹងកម្មវិធីរង្វាន់ដើម្បីយុត្តិធម៌តាមរយៈ Signal, Telegram ឬ WhatsApp តាមទូរស័ព្ទ​លេខ +1-202-702-7843 នៅ​ទូទាំង​ពិភពលោក។ ព័ត៌មានទាំង​អស់នឹងត្រូវរក្សាទុកជា​ការសម្ងាត់​បំផុត។ ព័ត៌មាន​ថែមទៀតអំពីការផ្តល់រង្វាន់​អាចរក​ឃើញ​ក្នុង​គេហទំព័រ Rewards for Justice តាម​អាសយដ្ឋាន www.rewardsforjustice.net។

របាយការណ៍គួរ​ជឿទុកចិត្តបានទាំងអស់នឹង​ត្រូវស៊ើបអង្កេត​ហើយ​អត្តសញ្ញាណរបស់​អ្នកផ្តល់​ព័ត៌មានទាំងអស់នឹងត្រូវរក្សាទុក​ជាការ​សម្ងាត់៕