Yaqinda AQSh Xalqaro Taraqqiyot Agentligi demokratik boshqaruvning qariyb yigirma yillik orqaga qaytishini hisobga olgan holda, demokratik boshqaruvning global yangilanishini qanday targ'ib qilish bo'yicha yangi siyosatni e'lon qildi.
Tashkilot rahbarining Demokratiya, inson huquqlari va boshqaruv byurosi bo’yicha yordamchisi Shennon Grin yangi siyosatni tushuntiradi:
“Bu bizga [demokratiya, huquqlar va boshqaruv] uchun yangi va rivojlanayotgan tahdidlarni qarshi olish rejasini taqdim etadi, shu bilan birga demokratiya uchun juda muhim bo'lgan investitsiyalar, institutlar va ishtirokchilarga e’tiborni yanada kuchaytiradi”.
Demokratiyaning pasayishi muqarrar emas, dedi USAID ma'muri Samanta Pauer yaqinda e'lon qilingan yangi siyosat haqida.
Your browser doesn’t support HTML5
AQSh: Demokratiyani himoya qilish umumiy maqsadimiz
"Biz buni odamlarning o'z taqdirlarini shakllantirishga bo'lgan asosiy intilishlarida ko'ramiz. Ammo o'z hayotini o'zi belgilash, adolatsizlik yoki zulmga qarshi turish, hurmat va qadr-qimmat bilan yashash istagi butun dunyoda mavjud. Eng avvalo, farzandlaringizning ham shunday imkoniyatga ega bo'lishi juda muhim. Bu juda qudratli kuchlar bo'lib, ularni mensimaslikka urinayotgan repressiv kuchlar bu bilan o’ziga choh qazimoqda", - dedi Pauer.
Demokratiya, Huquqlar va Boshqaruv siyosati butun dunyo boʻylab demokratiya himoyachilari uchun davom etayotgan yordamini modernizatsiya qiladi, deya qo’shimcha qildi Pauer. Shuningdek, u raqamli repressiyaning kuchayishiga qarshi sa'y-harakatlarga ham alohida e’tibor qaratadi.
“Biz texnologiyalardan foydalanish bo'yicha milliy strategiya va standartlarni ishlab chiqish uchun advokatlar, sudyalar, qonun chiqaruvchi organlar va boshqa nazorat tashkilotlari bilan ishlayapmiz. Biz saylangan rahbarlarning texnologiyadan foydalanishi va ularning shaxsiy ma’lumotlardan foydalanishi borasida shaffoflikni oshirishga qaratilgan tashabbuslarni qo‘llab-quvvatlaymiz”, - dedi u.
Yangi siyosatning katta qismi demokratik me'yorlarni hurmat qiladigan siyosiy madaniyatni rivojlantiruvchi tashabbuslarni yaratish bo'ladi, dedi USAID rahbari
“Faqat halollik, adolat va mas'uliyat madaniyati bilan bizning ishimizni mustahkamlovchi institutlarimiz o'zining uzoq muddatli samarasini beradi. Agar sudyalar xolis bo‘lsa, odil sudlov tizimi qonun ustuvorligini ta’minlaydi. Amaldagi prezidentlar haqiqiy raqobatga yo‘l qo‘ysa va albatta, xalqning xohish-irodasini qabul qilsagina, saylovlar oxir-oqibat erkin va adolatli bo‘ladi”, - dedi u.
USAID demokratik boshqaruvni yana bir bor kengaytirish maqsadida axborotga va faktlarga asoslangan hamda tinch muloqotni ilgari surish bo‘yicha faoliyat yurituvchi tashkilotlar bilan hamkorlik qilishga sodiqdir.