តទៅនេះ គឺជាបទវិចារណកថាដែលឆ្លុះបញ្ចាំងពីទស្សនៈរបស់រដ្ឋាភិបាលសហរដ្ឋអាមេរិក
លោកស្រី Molly Phea ឧបការីរដ្ឋមន្ត្រីការបរទេសសហរដ្ឋអាមេរិកសម្រាប់កិច្ចការអាហ្វ្រិកបាននិយាយថា សហរដ្ឋអាមេរិក«ទទួលស្គាល់ទ្វីបអាហ្វ្រិកថាជាដៃគូមួយអំពីគុណធម៌និងផលប្រយោជន៍ដូចគ្នា»។
រដ្ឋប្រហារមួយចំនួនកាលពីពេលថ្មីៗនេះក្នុងតំបន់ Sahel អាចបណ្តាលមកពីឧបសគ្គធំៗដែលតំបន់នោះប្រឈម មានរួមប្រពៃណីនៃអភិបាលកិច្ចបែបប្រជាធិបតេយ្យខ្សោយ ការគំរាមកំហែងធ្ងន់ធ្ងរនៃភេរវកម្មនិងឱកាសមិនគ្រប់គ្រាន់ខាងសេដ្ឋកិច្ច និងខាងការសិក្សាអប់រំសម្រាប់ក្រុមយុវជនក្នុងតំបន់នោះ។
លោកស្រីឧបការីរដ្ឋមន្ត្រីបានពន្យល់ថា៖ «យើងសម្របសម្រួលការឆ្លើយតបរបស់យើងនឹងរដ្ឋប្រហារទាំងនេះដើម្បីឧបត្ថម្ភអភិបាលកិច្ចល្អដោយធ្វើឱ្យប្រាកដថាមានការដោះស្រាយកង្វល់របស់ប្រជារាស្ត្រដោយសមធម៌និងយុត្តិធម៌»។
លោកស្រីបានថ្លែងថា៖ «ជាឧទាហរណ៍ ក្រោយពីរដ្ឋប្រហារយោធាកាលពីខែកក្កដានៅក្នុងប្រទេសនីហ្សេ យើងបានផ្អាកកម្មវិធីជំនួយសន្តិសុខជាង៣០០លានដុល្លារនៅក្នុងកម្មវិធីកិច្ចសហការប្រឆាំងឧបសគ្គក្នុងសហសវត្សរ៍ MCC របស់យើងនីងកិច្ចសហប្រតិបត្តិការសន្តិសុខរបស់យើង។ ដើម្បីពង្រឹងអង្គការតំបន់ក្នុងអាហ្វ្រិកហៅ ECOWAS ដែលមានការបារម្ភដូចយើងអំពីការរាលដាលរដ្ឋប្រហារ យើងគាំទ្រយ៉ាងសកម្មក្នុងការចរចារបស់ពួកគេជាមួយក្រុមប្រឹក្សាយោធានៅប្រទេសនីហ្សេដោយអាចឱ្យពួកគេប្រើឥទ្ធិពលនៃជំនួយរបស់យើងដើម្បីចាត់ចែងឱ្យមានពេលវេលានៃអន្តរកាលប្រជាធិបតេយ្យ និងសម្រាប់ការដោះលែងអតីតប្រធានាធិបតីលោក Bazoum»។
សហរដ្ឋអាមេរិកនៅតែគាំទ្រគ្មានងាករេដល់ប្រជារាស្ត្រប្រទេសនីហ្សេដោយរក្សាទុកកម្មវិធីចាំបាច់ខាងសុខភាពនិងស្បៀងអាហារ។
លោកស្រីឧបការីរដ្ឋមន្ត្រីការបរទេស Phee បានថ្លែងថា ការមានលទ្ធិប្រជាធិបតេយ្យឡើងវិញនៅនីហ្សេមានតិចតួច ពីព្រោះរដ្ឋាភិបាលអន្តរកាលគាំទ្រដោយពួក Wagner បានពន្យារពេលការបោះឆ្នោត ហើយប្រឹងប្រែងដាក់ឱ្យមានការគ្រប់គ្រងក្នុងផ្នែកខាងជើងនៃប្រទេសម៉ាលី។
លោកស្រីបាននិយាយថា៖ «ការចុះថមថយសន្តិសុខ កំណើនការស្លាប់នៃជនស៊ីវីលនិងការទាញយកប្រយោជន៍ពីប្រភពធនធានធម្មជាតិរបស់ប្រទេសនេះបង្ហាញឱ្យឃើញគ្រោះថ្នាក់នៃមុខនាទីរបស់ក្រុម Wagner»។
លោកស្រីឧបការីរដ្ឋមន្ត្រី Phee បានថ្លែងថា ប្រទេសបួគីណាហ្វាសូកំពុងប្រឈមនឹងវិបត្តិធ្ងន់ធ្ងរខាងសន្តិសុខនិងសិទ្ធិមនុស្ស។
លោកស្រីបានថ្លែងថា៖ «យើងសុំដល់ជនជាតិបួគីណាហ្វាសូឱ្យប្រើយុទ្ធសាស្ត្រប្រឆាំងភេរវកម្មដែលផ្តល់អាទិភាពដល់ស្ថាប័នសន្តិសុខ។ យើងដឹងថា របៀបដោះស្រាយបែបយោធាប្រឆាំងនឹងភេរវកម្មដូចការដោះស្រាយមួយនៅម៉ាលីប្រាកដជាគ្មានជោគជ័យទេ។ ដើម្បីដោះស្រាយអស្ថិរភាពនយោបាយកំពុងមាននៅបួគីណាហ្វាសូ យើងជំរុញឱ្យមានអន្តរកាលប្រជាធិបតេយ្យតាមពេលវេលាមួយដែលត្រូវបានប្រកាសជាសាធារណៈហើយនោះ»។
លោកស្រីឧបការីរដ្ឋមន្ត្រី Phee បានពោលថា៖ «នៅពេលយើងគាំទ្រពួកដៃគូអាហ្វ្រិករបស់យើងក្នុងការទប់ទល់នឹងឧបសគ្គទាំងនេះ យើងមានជំនឿថា ការដឹកនាំជាមួយគុណតម្លៃរបស់យើងនឹងគាំទ្រល្អបំផុតដល់យុទ្ធសាស្ត្រសន្តិសុខជាតិរបស់យើង»៕
