Accessibility links

Breaking News

បទវិចារណកថា៖ ផលប៉ះពាល់​នៃ​សង្គ្រាម​ឥតន័យ​របស់​លោក Putin នៅ​ប្រទេស​អ៊ុយក្រែន


រូបឯកសារ៖ ទាហាន​រុស្ស៊ី​រៀបចំ UAV សម្រាប់​បាញ់​បង្ហោះ​នៅ​អ៊ុយក្រែន។
រូបឯកសារ៖ ទាហាន​រុស្ស៊ី​រៀបចំ UAV សម្រាប់​បាញ់​បង្ហោះ​នៅ​អ៊ុយក្រែន។

តទៅនេះ​ គឺ​ជា​បទ​វិចារណកថា​ដែល​ឆ្លុះ​បញ្ចាំង​ពី​ទស្សនៈ​របស់​រដ្ឋាភិបាល​សហរដ្ឋ​អាមេរិក

ឯកអគ្គរដ្ឋទូតស.រ.អ​.​ប្រចាំ​អ.ស.ប.​លោក​ស្រី​ Linda Thomas-Greenfield ​បានមានប្រសាសន៍​ថា នៅពេល​សព្វថ្ងៃ​នេះ​ ពិភពលោកកំពុង​ជួបប្រទះ​ផលប៉ះពាល់​ដោយ​ផ្ទាល់​ និង​ដោយប្រយោលនៃ​សង្គ្រាមឥត​ន័យ​របស់​លោក ​Putin នៅ​ក្នុងប្រទេស​អ៊ុយក្រែន។​ លោកស្រី​បាន​និយាយថា សង្គ្រាម​របស់រុស្ស៊ីប្រឆាំ​ងនឹងប្រទេស​អ៊ុយក្រែន​បានបង្កើន​វិបត្តិ​ស្បៀងសាកល។

តែការ​ផ្តើមគំនិត​អំពី​គ្រាប់ធញ្ញជាតិសមុទ្រ​ខ្មៅ ​ដែល​មាន​សារៈសំខាន់​សម្រាប់ចិញ្ចឹម​ក្រុម​ជនស្រេកឃ្លានក្នុង​ពិភពលោក ​មិន​មាន​ល្បឿនតាម​ឱ្យ​ទាន់​សេចក្តី​ត្រូវការ​សាកលនូវ​គ្រាប់ធញ្ញជាតិ​ត្រូវ​ដឹកជញ្ជូន​ចេញ​ពី​សមុទ្រ​ខ្មៅ​ទេ។ លោកស្រី​ឯកអគ្គរដ្ឋទូត​ Thomas-Greenfield ​បាន​ថ្លែង​ថា​ ដោយសារ​ការធ្វើឱ្យ​យឺតយូរដោយ​ចេតនា​លើ​អធិការកិច្ច​ដោយ​រុស្ស៊ី​ នាវា​រាប់​សិបគ្រឿង​កំពុង​រង់ចាំចាក​ចេញ​ពី​កំពង់ផែ។

លោកស្រី​ Thomas-Greenfield ​បាន​មាន​ប្រសាសន៍ថា៖ «ការផ្តើមគំនិត​នេះគួរ​មាន​ដំណើរការតាម​ការ​គ្រោងទុក ​ដោយ​ដឹកជញ្ជូន​ស្បៀង​៥​លាន​តោនក្នុង​មួយ​ខែ។ ក្រុមជនស្រេកឃ្លាននៅក្នុង​ពិភពលោក​មិនស័ក្តិសមទទួល​អ្វី​តិច​ជាង​នេះ​ទេ...។ ​ខ្ញុំ​សុំ​ឱ្យ​សមាជិក​ក្រុមប្រឹក្សាសន្តិសុខ​អ.ស.ប.​រួម​ជាមួយ​យើងក្នុង​ការ​សុំ​ឱ្យ​រុស្ស៊ី​បង្កើនកិច្ច​សហប្រតិបត្តិការ​ជា​បន្ទាន់‍»។

លោកស្រី​ឯកអគ្គរដ្ឋទូត​ Thomas-Greenfield ក៏​បាន​អំពាវនាវ​ឱ្យ​មាន​ការយក​ចិត្តទុក​ដាក់ដល់​ករណីមាន​ឯកសារ​គ្រប់គ្រាន់​នៅ​ក្នុង​ប្រទេស​អ៊ុយក្រែន​អំពីអំពើហិង្សា​ខាង​ផ្លូវ​ភេទ​ប្រព្រឹត្ត​ដោយ​កង​កម្លាំ​ង​រុស្ស៊ី​ប្រឆាំង​នឹងក្រុម​ស្ត្រី បុរស ​និង​កុមារ។

កាលពី​ប៉ុន្មាន​ខែថ្មី​ៗ​នេះ​ សង្គ្រាម​នេះ​ត្រូវ​បាន​បង្កើន​ដោយអ៊ីរ៉ង់​និងសាធារណរដ្ឋ​ប្រជាធិ​បតេយ្យ​ប្រជាមានិត​កូរ៉េដែល​បានផ្ទេរសម្ភារៈ​ត្រូវ​ហាមប្រាមទៅ​ឱ្យ​រុស្ស៊ី។ តាំង​ពី​ខែ​សីហា​មក​ អ៊ីរ៉ង់បាន​ផ្ទេរ​យន្តហោះគ្មាន​មនុស្ស​បើករាប់រយ​គ្រឿងទៅ​ឱ្យ​រុស្ស៊ី ហើយ​ប្រហែល​ពិចារណា​អំពីការផ្ទេរ​កាំជ្រួចផ្លោង​ទៅ​ឱ្យ​រុស្ស៊ី​ផង​ដែរ។

លោកស្រី​ឯកអគ្គរដ្ឋទូត​ Thomas-Greenfield បាន​កត់សម្គាល់​ថា៖ «យើងជឿ​ថា ​នៅ​ពេល​នេះ​អ៊ីរ៉ង់​កំពុង​ពិចារណា​អំពី​ការលក់​កាំជ្រួចផ្លោងរាប់រយ​គ្រាប់​ឱ្យ​រុស្ស៊ី..​ដោយ​រំលោភ​លើសេចក្តី​សម្រេចចិត្ត​របស់​ក្រុមប្រឹក្សា​សន្តិសុខ។ យើងសុំឱ្យ​អ៊ីរ៉ង់កែប្រែវិធានការ​នេះ​...ហើយ​យើង​សុំដល់​អ្នក​គ្រប់គ្នា​ដែល​គាំទ្រ​សន្តិភាព​ឱ្យ​សុំ​អ៊ីរ៉ង់​ធ្វើតាមដែរ‍»។

កាលពី​ខែវិច្ឆិកា​ ២០២២ ​សាធារណរដ្ឋ​ប្រជាធិ​បតេយ្យ​ប្រជាមានិត​កូរ៉េ​ (DPRK) បាន​ប្រគល់​រ៉ុក្កែតសម្រាប់​ពួក​ទាហាន​ថ្មើរជើងនិងមីស៊ីលទៅ​ក្នុង​ប្រទេស​រុស្ស៊ីសម្រាប់​ការប្រើប្រាស់​ដោយក្រុមទាហាន​ Wagner ​ដែល​គាំទ្រ​ដោយ​សហព័ន្ធ​រុស្ស៊ី​ដោយ​រំលោភ​លើសេចក្តី​សម្រេច​ដាក់​ទណ្ឌកម្មរបស់​ក្រុមប្រឹក្សា​សន្តិសុខ​អ.ស.ប.។ ស.រ.អ.​ថ្កោលទោសសកម្មភាព​ទាំ​ងនេះ​របស់​សាធារណរដ្ឋ ​DPRK និង​ប្រទេស​រុស្ស៊ី​ហើយ​សុំឱ្យ​សាធារណរដ្ឋ ​DPRK ​បញ្ឈប់ការប្រគល់​យុទ្ធោបរណ៍​ទាំង​នេះ​ ដែល​ជាការរំលោភជាក់ស្តែង​លើ​សេចក្តី​សម្រេច​ចិត្ត​របស់​ក្រុមប្រឹក្សា​សន្តិសុខ​ ហើយបង្កើនថែមទៀត​អំពើ​ឈ្លានពាន​និង​សង្គ្រាមរបស់​រុស្ស៊ីប្រឆាំង​នឹង​ប្រទេស​អ៊ុយក្រែន។

ប្រជារាស្ត្រ​អ៊ុយក្រែន​និង​ប្រជារាស្ត្រ​ទូទាំង​ពិភពលោក​បាន​រង​ទុក្ខ​វេទនាខ្លាំង។​ ប្រជារាស្ត្រ​អ៊ុយក្រែន​ចង់​វិល​ត្រឡប់​ទៅ​កាន់​ជីវភាព​ធម្មតា​វិញ។ ប្រជារាស្ត្រនៅគ្រប់​ទី​កន្លែងចង់ដោះស្រាយបញ្ហា​សន្តិសុខស្បៀង​និង​ឧបសគ្គ​សាកល​ឯទៀតៗ ​មិនមែន​ចង់​ឱ្យ​បញ្ហា​ទាំងនេះ​អាក្រក់​ជាងមុន​ទេ។ នៅ​ពេល​នេះ វា​ជា​ពេលវេលា​ដែល​ប្រទេស​ទាំងអស់​ឈរ​ជាមួយ​គ្នា ហើយ​ទាមទារឱ្យ​រុស្ស៊ីបញ្ឈប់​សង្គ្រាម​គ្មានន័យ​នេះ៕

XS
SM
MD
LG