Accessibility links

Breaking News

បទវិចារណកថា៖ រដ្ឋមន្ត្រី​ការបរទេស​សហរដ្ឋ​អាមេរិក​លោក Antony Blinken បញ្ជាក់​អំពី​គោលនយោបាយ​អាមេរិក​​ចំពោះ​​ចិន


លោក Antony Blinken ថ្លែង​នៅ​សកល​វិទ្យាល័យ George Washington ក្នុង​រដ្ឋធានី​វ៉ាស៊ីនតោន​ដោយ​រៀបរាប់​ពី​គោលនយោបាយ​របស់​រដ្ឋបាល​លោក Joe Biden ចំពោះ​ប្រទេស​ចិន កាលពី​ថ្ងៃទី២៦ ខែ​ឧសភា ឆ្នាំ២០២២។
លោក Antony Blinken ថ្លែង​នៅ​សកល​វិទ្យាល័យ George Washington ក្នុង​រដ្ឋធានី​វ៉ាស៊ីនតោន​ដោយ​រៀបរាប់​ពី​គោលនយោបាយ​របស់​រដ្ឋបាល​លោក Joe Biden ចំពោះ​ប្រទេស​ចិន កាលពី​ថ្ងៃទី២៦ ខែ​ឧសភា ឆ្នាំ២០២២។

រដ្ឋមន្ត្រី​​ការ​បរទេស​​សហរដ្ឋ​អាមេរិកលោក Antony Blinken បាន​មាន​ប្រសាសន៍​ថា​ សហរដ្ឋ​អាមេរិកនៅ​តែ​ផ្តោត​ការ​យក​ចិត្ត​​ទុកដាក់​លើ​​​​​​​​ឧបសគ្គ​​​​ធ្ងន់ធ្ងរ​ក្នុង​រយៈពេល​យូរ​​ប្រឈម​នឹង​​សណ្តាប់​ធ្នាប់​​​អន្តរជាតិ​ គឺ​សាធារណរដ្ឋប្រជាមា​និត​ចិន​។

តទៅ​នេះ​ ជា​បទវិចារណកថា​ដែល​ឆ្លុះ​បញ្ចាំង​អំពី​ទស្សនៈ​របស់​រដ្ឋាភិបាល​សហរដ្ឋ​អាមេរិក

រដ្ឋមន្ត្រីការ​បរទេសសហរដ្ឋ​អាមេរិកលោក Antony Blinken បាន​មាន​ប្រសាសន៍​ថា​ សហរដ្ឋ​អាមេរិកនៅ​តែ​ផ្តោត​ការ​យក​ចិត្តទុកដាក់​លើ​ឧបសគ្គធ្ងន់ធ្ងរ​ក្នុង​រយៈពេល​យូរប្រឈម​នឹងសណ្តាប់​ធ្នាប់​អន្តរជាតិ​ គឺ​សាធារណរដ្ឋប្រជាមា​និត​ចិន​។

នៅ​ក្រោម​ការ​គ្រប់គ្រង​របស់ប្រធានាធិបតី Xi គណបក្សកុម្មុយនិស្ត​គ្រប់គ្រង​ប្រទេស​ចិន​សង្កត់​សង្កិនជាង​មុននៅក្នុងប្រទេស​និង​គឃ្លើន​ជាងមុននៅ​ក្រៅ​ប្រទេស។

សហរដ្ឋ​អាមេរិកមិន​អាចរំពឹង​ថា​ សាធារណរដ្ឋប្រជាមានិត​ចិននឹង​កែប្រែគោលនយោបាយរបស់​ខ្លួន​ទេ​ តែ​រដ្ឋបាលលោក Biden ​បាន​អភិវឌ្ឍយុទ្ធសាស្ត្រមួយ​ដែល​អាច​ត្រូវសង្ខេប​ដោយ​ពាក្យ​បី​ម៉ាត់ថា «បណ្តាក់​ទុន សម្រប​តាម​ ប្រកួត​ប្រជែង‍»។

រដ្ឋបាលរបស់លោក​ Biden បាន​វិនិយោគ​ក្នុង​យុទ្ធសាស្ត្រ​ឧស្សាហកម្ម​ដែល​មាន​ចីរ​ភាព​និង​ពង្រីក​ឥទ្ធិពលសេដ្ឋកិច្ចនិង​បច្ចេកវិទ្យា​សហរដ្ឋ​អាមេរិកដើម្បី​ធ្វើឱ្យ​សេដ្ឋ​កិច្ចសហរដ្ឋ​អាមេរិកនិង​សង្វាក់ផ្គត់ផ្គង់​មានភាព​ធុន​ និង​មានការ​ប្រកួត​ប្រ​ជែង​ជាង​មុន​។

ផ្នែក​ទី​ពីរ​នៃ​យុទ្ធសាស្ត្រ​នេះ​គឺ​ធ្វើឱ្យ​បណ្តាញសម្ព័ន្ធភាព​របស់​អាមេរិក​មាន​ថាម​ពល​ជាង​មុន​ និង​ធ្វើការ​ទាក់ទង​ជា​ថ្មី​ជា​មួយ​ស្ថាប័នអន្តរជាតិ។

លោក​រដ្ឋមន្ត្រី​ Blinken បានមានប្រសាសន៍ទៀត​ថា«ផ្នែកមួយ​ទៀត​នៃ​ការ​សម្រប​តាមដែល​យើង​មានជាមួយពួក​សម្ព័ន្ធ​មិត្តនិង​ដៃគូ​យើង​ គឺ​សិទ្ធិមនុស្ស‍»។​

លោក Blinken បាន​មានប្រសាសន៍​ថា៖ «សហរដ្ឋ​អាមេរិកឈរ​ជា​មួយ​ពួក​ប្រ​ទេស​និង​ប្រជារាស្ត្រ​នៅទូទាំង​ពិភពលោកប្រឆាំង​នឹងការ​ប្រល័យ​ពូជសាសន៍និង​ឧក្រិដ្ឋ​កម្ម​ប្រឆាំង​មនុស្សជាតិដែលកើត​មាននៅ​ក្នុង​តំបន់ Xinjiang​ យើង​ឈរ​ជា​មួយ​គ្នាអំពីដែនដី​ទីបេតិ៍ ដែលនៅ​ទី​នោះ​អាជ្ញាធរបន្ត​យុទ្ធនាការ​ឃោរឃៅប្រឆាំង​ជនជាតិ​ទីបេតិ៍និង​វប្បធម៌ ភាសា និង​ប្រពៃណី​សាសនា​ពួក​គេ ហើយ​នៅ​ហុង​កុង​ដែល​នៅ​ទី​នោះ​គណបក្ស​កុម្មុយនិស្តចិនបានដាក់កំហិត​វិធានការ​ប្រឆាំង​នឹង​លទ្ធិ​ប្រជាធិបតេយ្យ​ដ៏​តឹង​រ៉ឹងដោយ​បន្លំ​ថា ជា​បញ្ហា​សន្តិសុខ​ជាតិ‍»។

ការណ៍​នេះ​នាំយើង​ទៅ​កាន់​ផ្នែក​ទី​បី​នៃ​យុទ្ធ​សាស្ត្រ​របស់យើង​ ដែលជា​ការប្រកួត​ប្រជែង​ឱ្យ​ឈ្នះ​ចិនក្នុងវិស័យ​សំខាន់ៗ។

លោក Blinken បាននិយាយ​ថា៖ ​«រដ្ឋាភិបាល​ក្រុង​ប៉េកាំង​កំពុង​យក​ប្រៀប​ពី​ការ​បើក​ចំហ​សេដ្ឋកិច្ច​យើងដើម្បី​ធ្វើ​ចារកម្ម​ លួច​ចូល​ក្នុង​ប្រព័ន្ធ​កុម​ព្យូទ័រ​ លួច​បច្ចេកវិទ្យានិង​ចំណេះ​ដឹង​ដើម្បី​ជំរុញ​ការ​បញ្ចូលរបៀប​ថ្មី​ខាង​យោធា​របស់​ខ្លួន​និង​ពង្រឹង​ការ​តាម​ឃ្លាំ​មើលរបស់ខ្លួនផង​ដែរ។ ដូច្នេះ​ យើង​ធ្វើឱ្យ​ប្រាកដ​ថា​ រលក​ថ្មី​នៃ​ការ​បញ្ចូល​របៀបថ្មីៗ​ដោយ​សហរដ្ឋ​អាមេរិកនិង​ពួកសម្ព័ន្ធមិត្ត​និង​ក្រុម​ដៃ​គូ​យើង​ យើង​ក៏នឹងការពារ​ខ្លួន​យើងប្រឆាំង​នឹង​ការប្រឹងប្រែង​ដើម្បីបង្ហូរ​ចេញ​វិស្វកម្មភាព​របស់​យើង​ ឬ​ធ្វើឱ្យ​ខូចខាត​ដល់​សន្តិសុ​ខ​ជាតិ​យើង‍»។

លោក​រដ្ឋមន្ត្រី Blinken បាន​ថ្លែងស្តីពី​កោះតៃវ៉ាន់ថា​ សហរដ្ឋ​អាមេរិកនៅ​តែប្តេជ្ញា​ធ្វើ​តាម​គោលនយោបាយ​«ប្រទេស​ចិន​តែ​មួយ‍»របស់​ខ្លួន ដែល​ត្រូវ​បានណែនាំ​ដោយច្បាប់ស្តី​ពី​ទំនាក់ទំនង​ជា​មួយ​តៃវ៉ាន់ សេចក្តី​ថ្លែងការណ៍​រួម​បី ការធានារ៉ាប់​រង​ប្រាំមួយ។ យើង​ជំទាស់​នឹង​ការ​កែប្រែ​ជា​ឯកតោភាគីដល់​ភាពនៅ​ដូច​ដើម​ពីភាគី​ណា​មួយ យើងមិនគាំទ្រដល់​ឯករាជ្យ​តៃវ៉ាន់ទេ ហើយ​យើង​រំពឹង​ថា ការ​ខ្វែង​គំនិត​គ្នា​ឆ្លង​កាត់​ច្រកសមុទ្រ​តៃវ៉ាន់​នឹង​ត្រូវ​ដោះស្រាយ​ដោយ​សន្តិវិធី‍»។

លោក​រដ្ឋមន្ត្រី Blinken បានប្រកាស​ថា៖ «យើង​ប្រកួត​ប្រជែង​ដោយ​មានទំនុកចិត្តយើង​ធ្វើ​សហការ​ជា​មួយ​ប្រទេស​ចិន​នៅកន្លែង​ណា​ដែល​យើង​អាច​ធ្វើ​បាន យើងប្រកួត​ប្រជែង​នៅទី​ណាយើង​ត្រូវ​ធ្វើ។ គ្មានហេតុផល​ដែល​មហា​ប្រទេស​ជាតិ​យើងមិន​អាច​រួម​រស់​ជា​មួយ​គ្នាដោយ​សន្តិវិធី​បាន ហើយ​បែងចែក​និង​ធ្វើវិភាគទាន​ដល់​ការ​ជឿន​លឿន​របស់មនុស្ស​រួម​គ្នា‍»៕

XS
SM
MD
LG