Accessibility links

Breaking News

Dangantakar Amurka Da Vietnam Na Ci Gaba Da Bunkasa


Shugaba Joe Biden

Ziyarar mataimakiyar shugaban ƙasa Harris zuwa Vietnam na nuni da cewa Amurka ta himmatu  wajen karfafa Vietnam ta zama kasa mai cin gashin kanta, da kuma samar da walwala, lafiya da jajircewa  a yankin Indo-Pacific.

Tun lokacin da aka daidaita dangantakar diflomasiyya a 1995, alaƙar da ke tsakanin Amurka da Vietnam ta ci gaba karfafa inda har zuwa yanzu ƙasashen biyu ke yin haɗin gwiwa kan batutuwa da yawa, gami da yaƙi da COVID-19, yaƙar rikicin yanayi, da haɓaka damar tattalin arziƙi.

A ziyarar da ta kai Vietnam kwanan nan, Mataimakiyar Shugaban Kasa Kamala Harris ta ba da sanarwar cewa Amurka tana ba da ƙarin allurai miliyan ɗaya na allurar Pfizer na COVID-19, wanda ya kawo jimlar gudummawar da Amurka ta ba Vietnam zuwa sama da allurai miliyan 6.

Hukumar Kula da Ci Gaban Kasashe ta Amurka da Cibiyoyin Kula da Cututtuka suna ba wa Vietnam ƙarin tallafin dala miliyan 23 a cikin taimakon fasaha, wanda zai hanzarta isar da allurar rigakafin COVID-19, ƙarfafa tsarin kiwon lafiya na Vietnam don ba da amsa ga COVID-19, da kuma gina iyawa don ganowa da sa ido kan COVID-19 da barazanar cutar nan gaba.

Yanzu Amurka ita ce babbar abokiyar ciniki ta Vietnam ta biyu kuma babbar kasuwar fitarwa ta duniya. USAID da Cibiyar Kasuwanci da Masana'antu ta Vietnam sun rattaba hannu kan Yarjejeniyar Fahimtar juna, ko MOU, don haɓaka gasa ta Vietnam, faɗaɗa damar kasuwa ga kamfanonin Amurka, da ƙarfafa manufofin muhalli na Vietnam.

Wannan yarjejeniya za ta inganta dorewa da fasahar tsabtataccen hanyoyin samar da makamashi ko Green Technology a kokarin kare muhalli, rage hayaki, da magance matsalar sauyin yanayi.

Gwamnatin Biden-Harris tana ci gaba da sanya haƙƙin ɗan adam a tsakiyar manufofin ta na ƙasashen waje. Yayin da take a Vietnam, Mataimakiyar Shugaban Kasa Harris ta nuna goyon baya ga ƙungiyoyin farar hula na Vietnam kuma ta ba da shawarar 'yancin faɗin ra'ayi, imani, da haɗin gwiwa a Vietnam, lura da cewa Amurka za ta ci gaba da yin magana da Vietnam game da ƙalubalen haƙƙin ɗan adam, ciki har da bayar da shawarar sakin ‘yan Vietnam mutanen da ake tsare da su don gudanar da 'yancinsu cikin lumana.

Mataimakiyar shugaban kasar Harris ta jajirce wa shugabannin gwamnatin Vietnam kudurin Amurka na ci gaba da magance batutuwan gado na yaki. Don haka, Amurka za ta ba da ƙarin dala miliyan 17.5 don bincike da share wasu abubuwan da za su fito.

Ziyarar mataimakiyar shugaban ƙasa Harris zuwa Vietnam na nuni da cewa Amurka ta himmatu wajen karfafa Vietnam ta zama kasa mai cin gashin kanta, da kuma samar da walwala, lafiya da jajircewa a yankin Indo-Pacific.

XS
SM
MD
LG