Amerika Qo'shma Shtatlari AQSh fuqarolari va boshqa ko'ngillilarni afg'onistonliklarni AQShga ko'chirish va joylashtirish ishlarida ko’rsatayotgan yordami uchun olqishlaydi. Ayniqsa, Davlat kotibi Entoni Blinken #AfghanEvac koalitsiyasi Davlat departamenti bilan hamkorlikda erishgan yutuqlarni e’tirof etdi.
#AfghanEvac koalitsiyasi minglab koʻngillilar, jumladan faxriylar, AQShda yashovchi afgʻonlar va Afgʻonistonga umrida qadam bosmagan koʻplab AQSh fuqarolaridan iborat tashkilotdir. Davlat departamentining Janubiy va Markaziy Osiyo boʻyicha byurosi #AfghanEvac koalitsiyasi bilan yaqindan hamkorlik qilib, AQSh bilan ishlagan afg’onistonliklarni Qoʻshma Shtatlarga qayta joylashtirish jarayonida yordam beradi.
#AfghanEvac koalitsiyasi "davlat-xususiy sheriklik qanday bo'lishi kerakligi haqida namunadir, - dedi Blinken. - Biz bunga umumiy maqsad yo’lida, umumiy maqsad va harakatni ko’zlagan jamiyat bilan birga ishlaganimiz uchun erishdik".
SEE ALSO: AQSh: Afg'oniston xalqiga sarmoya kiritamiz“Vatandoshlarimizning saxiyligi tufayli biz 2021-yil sentabrdan beri 24 mingdan ortiq afg‘onni Qo‘shma Shtatlar va uchinchi davlatlarga ko‘chirdik. Umuman olganda, biz jami 97 mingdan ortiq afg'onistonlikni AQShga ko'chirdik”, - dedi Blinken.
Bu muvaffaqiyatlarga qaramay, "bu ish hali tugatilmagan", dedi kotib Blinken. Davlat departamenti #AfghanEvac koalitsiyasi bilan hamkorlikni davom ettirish uchun oʻzaro anglashuv memorandumini e’lon qildi.
“Yaqinda imzolanadigan anglashuv memorandumi bizga bir-birimiz bilan maʼlumot almashishni davom ettirish, fuqarolik jamiyatining qoʻshimcha hamkorlari bilan muloqotimizni muvofiqlashtirish, afgʻon hamkorlarimizga xizmat koʻrsatishning koʻproq va yaxshiroq yoʻllarini topish boʻyicha davom etayotgan saʼy-harakatlarimizni muvofiqlashtirish imkonini beradi", - dedi AQSh davlat kotibi.
SEE ALSO: Blinken: Afg'oniston bo'yicha hamkorlarimiz bilan siyosatimiz bir xil bo'lishi muhim#AfghanEvac koalitsiyasi koʻngillilarining mashaqqatli mehnati, dedi Blinken, Amerikaning kim ekanligini koʻrsatadi.
“Bu shuni anglatadiki, AQSh rahm-shafqatli mamlakat, turli xil kelib chiqish, turli e'tiqoddagi katta qalbli odamlarga to'la; ammo barchasi hamma narsani tashlab, birgalikda ishlashga, bir jamoa bo'lib boshqalarga yordam berishga tayyor”, - dedi AQSh Davlat kotibi.