តទៅនេះ គឺជាបទវិចារណកថាដែលឆ្លុះបញ្ចាំងពីទស្សនៈរបស់រដ្ឋាភិបាលសហរដ្ឋអាមេរិក
សហរដ្ឋអាមេរិកលើកស្ទួយឱ្យមានការទទួលខុសត្រូវដល់ការរំលោភសិទ្ធិមនុស្សធ្វើឡើងដោយរដ្ឋាភិបាលរុស្ស៊ី និងរបបគ្រប់គ្រង Lukashenka ក្នុងប្រទេសបេឡារុស។
សូម្បីតែនៅពេលដែលរុស្ស៊ីកំពុងធ្វើសង្គ្រាមមិនត្រឹមត្រូវប្រឆាំងនឹងប្រទេសអ៊ុយក្រែនក៏ដោយ ក៏រដ្ឋាភិបាលប្រទេសនេះបង្កើនការបង្ក្រាបក្នុងប្រទេស ប្រឆាំងនឹងសេរីភាពនៃការនិយាយស្តី បញ្ចេញមតិ សេរីភាពសារព័ត៌មាន សមាគមនិងការជួបជុំគ្នាដោយសន្តិវិធីដែរ។ នៅក្នុងប្រទេសរុស្ស៊ី អ្នកដែលរាយការណ៍បង្ហាញការពិតអំពីការលុកលុយនេះ ឬរិះគន់លោក Putin ប្រឈមនឹងការចោទប្រកាន់ពីបទព្រហ្មទណ្ឌ។ ស្រដៀងនេះដែរ របបគ្រប់គ្រង Aleksandr Lukashenka ក្នុងប្រទេសបេឡារុសបន្តការបង្ក្រាបយ៉ាងឃោរឃៅរបស់ខ្លួនប្រឆាំងនឹងសង្គមស៊ីវិល ក្រុមបាតុករប្រឆាំងសង្គ្រាម ក្រុមប្រឆាំងគោរពលទ្ធិប្រជាធិបតេយ្យ បណ្តាញព័ត៌មានឯករាជ្យ ឬជនជាតិបេឡារុសសាមញ្ញ។
ជាការឆ្លើយតប ក្រសួងការបរទេសស.រ.អ.បានចុចឈ្មោះលោក Aleksandr Lukashenka និងពួកសមាជិកគ្រួសារផ្ទាល់របស់លោកមិនឱ្យចូលក្នុងស.រ.អ.ដោយសារការទាក់ទិនរបស់លោកក្នុងការរំលោភជាក់ស្តែងលើសិទ្ធិមនុស្ស និងការប្រព្រឹត្តអំពើពុករលួយជាច្រើន។
ក្រសួងការបរទេសស.រ.អ.បានចេញការរឹតត្បិតខាងទិដ្ឋាការថ្មីមួយតាមរយៈច្បាប់អន្តោប្រវេសន៍និងច្បាប់សញ្ជាតិប្រឆាំងនឹងបុគ្គល៣៨នាក់ដើម្បីបង្ហាញសាមគ្គីភាពជាមួយក្រុមជនរងគ្រោះដោយសារការបង្ក្រាបរបស់រុស្ស៊ី។
មន្ត្រីសេវាសន្តិសុខសហព័ន្ធរុស្ស៊ី២នាក់គឺ Artur Shambazov និង Andrey Tishenin ត្រូវបានចុចឈ្មោះរងទណ្ឌកម្មដោយសារការទាក់ទិនរបស់ពួកគេក្នុងការធ្វើទារុណកម្ម។
ក្រសួងការបរទេសក៏បានដាក់កំហិតខាងទិដ្ឋាការលើបុគ្គល៦នាក់ថែមទៀត ដែល បានធ្វើសកម្មភាពក្នុងនាមសហព័ន្ធរុស្ស៊ីដោយបានចូលរួមក្នុងការវាយប្រហារលើក្រុមអ្នកប្រឆាំង Chechen ដែលរស់នៅក្នុងទ្វីបអឺរ៉ុប។ វិធានការនេះត្រូវធ្វើឡើងតាមរយៈ «Khashoggi Ban» ដែលជាការដាក់ទណ្ឌកម្មនិងការរឹតត្បិតខាងទិដ្ឋាការជូនជាកត្តិយសដល់សពលោក Khashoggi។
ស.រ.អ.ក៏បានដាក់កំហិតការរឹតត្បិតទិដ្ឋាការលើបុគ្គល២៥នាក់ដោយសារពួកគេបានបំផ្លាញលទ្ធិប្រជាធិបតេយ្យនៅបេឡារុសដោយធ្វើតាមរយៈសេចក្តីប្រកាសរបស់ប្រធានាធិបតីលេខ៨០១៥។
ក្រសួងការបរទេសក៏បានចុចឈ្មោះមន្ត្រីជាន់ខ្ពស់រុស្ស៊ីខាងការពារជាតិ១១នាក់ដើម្បីដាក់ទណ្ឌកម្មដែលនឹងដាក់ឱ្យមានការបង់ខាតច្រើនដល់ក្រសួងការពារជាតិរុស្ស៊ីនៅពេលប្រទេសនេះលុកលុយដ៏ឃោរឃៅក្នុងប្រទេសអ៊ុយក្រែនដែលនាំឱ្យមានមនុស្សស្លាប់ និងមានការរងទុក្ខវេទនាដោយមិនចាំបាច់ដោយមានរួមទាំងការស្លាប់ក្រុមកុមារផងដែរ។
បន្ថែមលើនេះការិយាល័យត្រួតត្រាធនធានបរទេសនៃក្រសួងហិរញ្ញវត្ថុស.រ.អ. ដាក់ទណ្ឌកម្មលើសាខាក្រសួងកិច្ចការក្នុងប្រទេសនៃសហព័ន្ធរុស្ស៊ីនៃសាធារណរដ្ឋ Chechen មន្ត្រី២នាក់នៃសាខានេះ រដ្ឋអាជ្ញាម្នាក់នៃស្រុក Kurchaloi ចៅក្រមម្នាក់នៃតុលាការសង្កាត់ក្នុងក្រុងមូស្គូ តាមរយៈច្បាប់ទទួលខុសត្រូវខ្ពស់តាមនីតិរដ្ឋដែលមានដាក់ឈ្មោះលោក Sergei Magnitsky កាលពីឆ្នាំ២០១២។
ស.រ.អ.នឹងបន្តលើកស្ទួយឱ្យមានការទទួលខុសត្រូវខ្ពស់ដល់ជនទាំងឡាយណាដែលគាំទ្រ ធ្វើឱ្យមាន និងប្រព្រឹត្តការរំលោភលើសិទ្ធិមនុស្សក្នុងប្រទេសរុស្ស៊ី អ៊ុយក្រែន បេឡារុស និងកន្លែងឯទៀត៕