Accessibility links

Breaking News

បទវិចារណកថា៖ ការសម្គាល់​បណ្តា​ប្រទេស​រំលោភ​សេរីភាព​សាសនា


រូបឯកសារ៖ វិហារ​សាសនា​គ្រិស្ត បាន​រង​ការវាយ​កម្ទេច នៅ​ក្នុង​ទីក្រុង Zhengzhou ក្នុង​ខេត្ត Henan ភាគ​កណ្តាល​ប្រទេស​ចិន។

តទៅនេះ គឺជា​បទវិចារណកថា​ដែល​ឆ្លុះ​បញ្ចាំង​ពី​ទស្សនៈ​របស់​រដ្ឋាភិបាល​សហរដ្ឋ​អាមេរិក

ស.រ.អ.​នៅ​តែ​ប្តេជ្ញាយ៉ាង​ម៉ឺង​ម៉ាត់ដល់​សេរីភាព ឬ​ជំនឿ​សាសនា។​ រដ្ឋមន្ត្រីការបរទេស​ស.រ.អ. លោក Antony Blinken បាន​មានប្រសាសន៍​ថា «នៅ​ក្នុង​ប្រទេសជា​ច្រើនទូទាំង​ពិភពលោក ​យើង​នៅ​តែឃើញរដ្ឋាភិបាល យាយី ចាប់​ខ្លួន​ គំរាម​កំហែង​ ដាក់​គុក និង​សម្លាប់​បុគ្គល​ដែល​គ្រាន់​តែចង់​រស់​នៅ​តាមជំនឿ​របស់ពួក​គេ»។

រដ្ឋបាល​លោក​ Biden និង​អ្នកស្រី Harris ប្តេជ្ញាគាំទ្រ​សិទ្ធិរបស់​បុគ្គល​គ្រប់​គ្នា​ក្នុងការ​មានសេរីភាពខាង​សាសនា​ ឬ​ខាង​ជំនឿ ដោយ​មាន​រួម​បញ្ចូល​ដោយ​ប្រឆាំង​ ​និងប្រយុទ្ធ​នឹ​ង​ការ​រំលោភនៃ​សិទ្ធិ​មនុស្ស​នេះ។

ជា​រៀង​រាល់​ឆ្នាំ​ រដ្ឋមន្ត្រីការបរទេស មានភារកិច្ច​រក​រដ្ឋាភិបាល ​និង​ពួក​តួអង្គ​មិន​មែន​ជារដ្ឋ ដែល​ដោយសារ​ការរំលោភរបស់​ពួក​គេលើ​សេរីភាព​សាសនា​ ស័ក្តិ​សម​ត្រូវ​សម្គាល់​ឈ្មោះតាម​រយៈច្បាប់​សេរីភាព​សាសនាអន្តរជាតិ។ នៅ​ឆ្នាំ​នេះ លោករដ្ឋមន្ត្រី​ Blinken បាន​ប្រកាស​ថា ​លោក​បានសម្គាល់ប្រទេស​ភូមា សាធារណរដ្ឋ​ប្រជាមានិត​ចិន​ ប្រទេស​អេរីត្រេ អ៊ីរ៉ង់ កូរ៉េខាង​ជើង​ ប៉ាគីស្ថាន រុស្ស៊ី អារ៉ាប៊ី​សាអ៊ូឌីត តាហី្ស​គីស្ថាន ​និង​ប្រទេស​តួកម៉េនីស្ថាន ជា​ប្រទេ​សនាំ​ឱ្យមាន​កង្វល់​ជា​ពិសេសដោយសារប្រទេស​ទាំង​នេះ​ បាន​ធ្វើ ​ឬ​អត់ឱន​«ការរំលោភជា​ប្រព័ន្ធ​ មានធ្វើត​ទៅ​ទៀត​ និង​បំពាន​លើ​សេរីភាព​សាសនា»។

សម្រាប់ប្រទេស​ប៉ាគីស្ថាន​ អារ៉ាប៊ី​សាអូឌីត តាហ្សី​គីស្ថាន និងប្រទេស​តួកម៉េនីស្ថាន​ លោក​រដ្ឋមន្ត្រី បានចេញការលើកលែង​លើ​ការ​តម្រូវតាម​សកម្មភាព​ប្រធានាធិបតី​ ដោយ​កំណត់​ថា​ «​ផលប្រយោជន៍​ជាតិ​សំខាន់​របស់​ស.រ.អ. តម្រូវឱ្យមានការ​ប្រើការ​លើកលែង​នេះ»​តាម​រយៈ​ការ​អនុញ្ញាត​ដោយ​ច្បាប់សេរីភាព​សាសនាអន្តរជាតិ។

លោក​រដ្ឋមន្ត្រី Blinken ​ក៏​បានដាក់ប្រទេស​អាល់​ហ្សេរី ​គុយបា និងប្រទេសនីការ៉ាហ្គាលើ​បញ្ជីឃ្លាំមើល​មួយ​សម្រាប់​រដ្ឋាភិបាល​ដែល​បានធ្វើ​ ឬ​អត់ឱន​ដល់«ការរំលោភ​ធ្ងន់ធ្ងរ​លើ​សេរីភាព​សាសនា»។ ជា​ទី​បញ្ចប់ លោកបានចាត់​ទុក​ពួក al-Shabab, Boko Haram, Hayat Tahrir al-Sham, ក្រុម Ansarallah ដែល​ជួន​កាល​គេស្គាល់​ថា ​ជា​ក្រុម Houthis, ពួក ISIS, ក្រុម ISIS នៃ​មហា​តំបន់​សាហារ៉ា,ពួក ISIS នៃ​ផ្នែក​ខាង​លិច​ទ្វីប​អាហ្វ្រិក, ក្រុម​ Jamaat Nasr al-Islam wal-Muslimin និងពួក​តាលីបង់​ថា​ ជាអង្គភាពនាំ​ឱ្យ​មានកង្វល់​ជា​ពិសេស។

លោក​រដ្ឋមន្ត្រី​ Blinken បានព្រមានថា «ឧបសគ្គនៃសេរីភាព​សាសនា​នៅពេល​សព្វថ្ងៃ​នេះ​ មានជា​ទម្រង់ ជា​ប្រព័ន្ធ​ និង​ចាក់​ឫស​ជ្រៅ​។ ឧបសគ្គទាំង​នេះ​ មាន​នៅ​គ្រប់​ប្រទេស។ ការណ៍ទាំង​នេះ​ ​តម្រូវ​ឱ្យ​មាន​ការ​ប្តេជ្ញា​ជា​សាកល​ពី​ក្រុម​ជន​ទាំង​អស់​ដែល​មិន​ចង់​ទទួល​យក​សម្អប់ ការ​មិន​អត់ឱន​ និង​ការ​ធ្វើទុក្ខបុក​ម្នេញថា ​ជាស្ថានភាព​នៅ​ដដែល។ ឧបសគ្គទាំង​នេះ​ តម្រូវឱ្យ​មាន​ការ​យក​ចិត្តទុកដាក់​ជាបន្ទាន់របស់​សហគមន៍អន្តរជាតិ»។

ស.រ.អ.​ នឹងបន្តជំរុញ​រដ្ឋាភិបាលទាំង​អស់​ឱ្យ​ក្រុម​ជន​ដែលធ្វើការរំលោភ​ទាំង​នេះ​ មាន​ការ​ទទួល​ខុស​ត្រូវ។ ស.រ.អ. នៅ​តែ​ប្តេជ្ញាធ្វើការ​ជា​មួយ​រដ្ឋាភិបាល សង្គមស៊ីវិល អង្គការ ​និងសមាជិក​នៃសហគមន៍សាសនាដើម្បី​ជំរុញសេរីភាព​សាសនា​នៅទូទាំង​ពិភពលោក និង​ដោះស្រាយស្ថានភាពមិន​ល្អ​នៃក្រុម​បុគ្គល​និង​សហគមន៍​ដែល​ប្រឈម​ និង​ការរំលោភ ការយាយី ​និង​ការ​រើសអើង​ដោយសារ​អ្វី​ដែល​ពួក​គេ​ជឿ​ ឬ​អ្វី​ដែល​ពួក​គេ​មិន​ជឿ៕

XS
SM
MD
LG