តទៅនេះ គឺជាបទវិចារណកថាដែលឆ្លុះបញ្ចាំងពីទស្សនៈរបស់រដ្ឋាភិបាលសហរដ្ឋអាមេរិក
កាលពីខែមេសា ឆ្នាំ២០២២ ក្នុងរយៈពេល៨ឆ្នាំក្នុងសង្គ្រាមស៊ីវិលនៃប្រទេសយេម៉ែន អ.ស.ប. បានរៀបចំឱ្យមានកិច្ចឈប់បាញ់គ្នាមួយរវាងពួកភាគីច្បាំងគ្នា គឺក្រុមឧទ្ទាម Houthi គាំទ្រដោយអ៊ីរ៉ង់និងរដ្ឋាភិបាលនៃប្រទេសយេម៉ែនត្រូវទទួលស្គាល់ជាអន្តរជាតិនិងគាំទ្រដោយក្រុមចម្រុះមួយដឹកនាំដោយប្រទេសអារ៉ាប៊ីសាអ៊ូឌីត និងប្រទេសអេមីរ៉ាតអារ៉ាប់រួម។ ការឈប់បាញ់គ្នានេះបានបញ្ឈប់អំពើហិង្សាភាគច្រើននិងបានបើកទ្វារឱ្យមានដំណោះស្រាយជម្លោះនេះ។
នៅពេលជាមួយគ្នានេះ សង្គ្រាមស៊ីវីលនេះបានបង្កើតឱ្យមានវិបត្តិមនុស្សធម៌មួយក្នុងបណ្តាវិបត្តិមនុស្សធម៌អាក្រក់បំផុតក្នងពិភពលោក ដែលទោះជាមានកិច្ចឈប់បាញ់គ្នាក៏ដោយ ក៏នៅតែមានតទៅទៀតនៅពេលនេះ។ តែនៅពេលដែលស្ថានភាពចាប់ផ្តើមល្អជាងមុន សកម្មភាពពួកហ៊ូធីមានរួមសេចក្តីសម្រេចរបស់ពួកគេក្នុងការវាយប្រហារនាវាបើកការត់សមុទ្រក្រហម បាននាំឱ្យមានការសង្ស័យអំពីសមិទ្ធផលទាំងអស់ត្រូវបានធ្វើឱ្យមានកាលពីពីរឆ្នាំមុននេះ។
លោក Robert Wood អ្នកតំណាងបម្រុងរបស់សហរដ្ឋអាមេរិកប្រចាំអ.ស.ប.បាននិយាយថា «ពួកហ៊ូធីកំពុងព្យាយាមរាំងខ្ទប់នាវាចរណ៍សាកលតាមសមុទ្រក្រហម។ ជាលទ្ធផល មនុស្សនៅទូទាំងពិភពលោកប្រឈមនឹងកំណើនសោហ៊ុយសម្រាប់ទំនិញនិងការផ្គត់ផ្គង់»។
លោកបានថ្លែងថា «ការបង្វែរកប៉ាល់មួយគ្រឿងឱ្យបើកជុំវិញទ្វីបអាហ្វ្រិកត្រូវថែមរយៈពេលប្រមាណ១០ថ្ងៃ និងត្រូវបង់សោហ៊ុយបន្ថែម១លានដុល្លារសម្រាប់ប្រេងឥន្ធនៈក្នុងការធ្វើដំណើរមួយជើងសម្រាប់ទៅ ឬមករវាងអាស៊ីនិងអឺរ៉ុប។ ពួក Houthis ក៏បានបន្តឡោមព័ទ្ធទីក្រុងនានានៅយេម៉ែននិងរារាំងការផ្ទេរស្បៀងអាហារ ទឹក និងជំនួយមនុស្សធម៌ដល់ប្រជារាស្ត្រស៊ីវិល»។
លោកឯកអគ្គរដ្ឋទូត Wood បានពោលថា «សហរដ្ឋអាមេរិកមិនចង់ឱ្យមានសង្គ្រាមថែមទៀតក្នុងតំបន់នោះទេ»។ តែយ៉ាងណាក៏ដោយ ក៏យើងមិនអាចឈរមើលនៅពេលក្រុមហ៊ូធីវាយប្រហារកប៉ាល់ដោយនិទណ្ឌភាពបានឡើយ។
លោកបាននិយាយថា «ជាការឆ្លើយរបនឹងការវាយប្រហារលើនាវាចម្បាំងសហរដ្ឋអាមេរិក សហរដ្ឋអាមេរិកបានចាត់វិធានការចាំបាច់និងដោយសមាមាត្រក្នុងការប្រើសិទ្ធិការពារខ្លួន ដោយដែលមានពណ៌នានៅក្នុងលិខិតផ្ញើជូនក្រុមប្រឹក្សាសន្តិសុខអ.ស.ប. កាលពីថ្ងៃទី១២ មករា ទី២៦ មករា និងថ្ងៃទី៦ កុម្ភៈ។ ការវាយប្រហារទាំងនេះក្នុងការការពារខ្លួន មានគោលដៅបង្អាក់និងបន្ថយសមត្ថភាពរបស់ពួកហ៊ូធីក្នុងការបន្តការវាយប្រហាររបស់ពួកគេប្រឆាំងនឹងកប៉ាល់និងនាវាចរណ៍ក្នុងសមុទ្រក្រហម ច្រកសមុទ្រ Bab al-Mandeb និងឈូងសមុទ្រ Aden»។
លោកឯកអគ្គរដ្ឋទូត Wood បានថ្លែងថា បន្ថែមលើនេះ«កាលពីខែមករា សហរដ្ឋអាមេ រិកបានចាត់ទុកក្រុម Ansarallah ដែលគេស្គាល់ទូទៅថាជាពួកហ៊ូធីថាជាក្រុមភេរវជនសាកលត្រូវចាត់ទុកជាពិសេសចាប់តាំងពីថ្ងៃទី១៦កុម្ភៈទៅ»។
លោកបានពោលដែរថា «សហរដ្ឋអាមេរិកវាយប្រហារតែលើសកម្មភាពភេរវកម្មរបស់ពួកហ៊ូធីនៅពេលសម្រាលការមានគ្រោះថ្នាក់ដល់ប្រជារាស្ត្រយេម៉ែនដែលសក្តិសមមានឱកាសសម្រាប់អនាគតល្អប្រសើរជាងមុន»។
លោកឯកអគ្គរដ្ឋទូត Wood បានមានប្រសាសន៍ថា «ជាការមានសារៈសំខាន់ដែលក្របខណ្ឌសន្តិភាពណាមួយរវាងបក្ខពួកយេម៉ែន...ត្រូវមានរួមការប្រឡូកទូលំទូលាយជាមួយសង្គមស៊ីវីលយេម៉ែននិងក្រុមមានចំណែកឯទៀតៗ។ ការអំពាវនាវរបស់ពួកគេឱ្យមានយុត្តិធម៌ ការទទួលខុសត្រូវខ្ពស់និងការកែកំហុសខាងការរំលោភលើសិទ្ធិមនុស្សនិងការរំលោភឯទៀតៗមិនមែនគ្រាន់តែសម្រាប់ឮប៉ុណ្ណោះទេ តែក៏ត្រូវតែដោះស្រាយដែរ»៕
