Accessibility links

Breaking News

აშშ-ის მთავრობის პოზიცია

თეთრი სახლის ვარდების ბაღიდან აშშ-ის პრეზიდენტი ჯო ბაიდენი ერს მიმართავს და 2024 წლის არჩევნების შედეგებზე საუბრობს.
თეთრი სახლის ვარდების ბაღიდან აშშ-ის პრეზიდენტი ჯო ბაიდენი ერს მიმართავს და 2024 წლის არჩევნების შედეგებზე საუბრობს.

5 ნოემბრის საყოველთაო არჩევნების შემდეგ, შეერთებული შტატების პრეზიდენტმა ჯო ბაიდენმა ერს სიტყვით მიმართა. ამერიკელმა ხალხმა ხმა ყოფილი პრეზიდენტის, დონალდ ტრამპის თეთრ სახლში დაბრუნებას მისცა, ადამიანის, რომელიც ბაიდენმა 4 წლით ადრე, 2020-ში დაამარცხა.

“200 წელზე მეტია, ამერიკა მსოფლიო ისტორიაში თვითმმართველობის უდიდეს ექსპერიმენტს ატარებს. ეს გადაჭარბება არ გახლავთ, ეს ფაქტიაჩვენ, ხალხმა მივეცით ხმა და ავირჩიეთ ჩვენი ლიდერები. ეს მშვიდობიანად მოხდა. ასე მუშაობს დემოკრატია, ეს არის ხალხის ნება, რომელიც უზენაესია”, - განაცხადა პრეზიდენტმა.

გამოსვლაში ბაიდენმა აღნიშნა, რომ მან დაურეკა ახლადარჩეულ პრეზიდენტ ტრამპს და მას არჩევნებში გამარჯვება მიულოცა:

“მე ვესაუბრე არჩეულ პრეზიდენტ ტრამპს და გამარჯვება მივულოცე. დავარწმუნე იმაში, რომ ჩემს ადმინისტრაციას დავავალე, იმუშაონ მის გუნდთან ერთად, რათა ძალაუფლების გადაცემა მშვიდობიანად და წესების მიხედვით მოხდეს. ამერიკელი ხალხი ამას იმსახურებს”.

ტრამპთან რთული ბრძოლაში დაპირისპირებისას ნაწვნევი დამარცხების ფონზე, პრეზიდენტმა მადლობა გადაუხადა ვიცე-პრეზიდენტ კამალა ჰარისს და მას თეთრი სახლისთვის ბრძოლაში შემართება შეუქო.

ძლიერი ხერხემლით და დიდი, ნამდვილი ხასიათით ამ ბრძოლაში მთელი გული და სული ჩადო, და მცდელობა არ დააკლო კამპანიას. მთელი მისი გუნდი უნდა ამაყობდეს იმ კამპანიით, რომელიც მათ აწარმოეს”,- განაცხადა ბაიდენმა.

მათ, ვინც ხმა ვიცე-პრეზიდენტ ჰარისს მისცა, პრეზიდენტმა მოუწოდა, “შეინარჩუნონ ჩართულობა” და “არ დაკარგონ რწმენა”. ბაიდენის თქმით, პოლიტიკური საარჩევნო კამპანიები ერთგვარ “კონკურენტულ ხედვათა შეჯიბრს” წარმოადგენს.

“ქვეყანა ირჩევს ერთს ან მეორეს. ჩვენთვის მისაღებია ქვეყნის მიერ გაკეთებული არჩევანი. არაერთხელ მითქვამს, რომ ქვეყანა მხოლოდ გამარჯვების დროს არ უნდა გიყვარდეს, შეუძლებელია მოყვასის სიყვარული მხოლოდ მაშინ, როცა მას ეთანხმები. ვიმედოვნებ, ჩვენ ამას შევძლებთ. მნიშვნელობა არ აქვს იმას, თუ ვის მიეცით ხმა, ჩვენ ერთმანეთს არა როგორც მოწინააღმდეგეებს, არამედ როგორც ამერიკელებს ვუყურებთ. დაუწიეთ დუღილის ტემპერატურას”, - განაცხადა ბაიდენმა და დასძინა:

მე შევასრულებ პრეზიდენტის მოვალეობას… მე დავიცავ ჩემ მიერ დადებულ ფიცს და პატივს ვცემ კონსტიტუციას. 20 იანვარს ჩვენ გვექნება ძალაუფლების მშვიდობიანი გადაცემა აქ, ამერიკაში”.

ოქტომბერში, თეთრმა სახლმა განცხადება ისტორიული გადაწყვეტილების თაობაზე გააკეთა. განცხადების მიხედვით, დიდი შვიდეულის (მოწინავე ეკონომიკის მქონე დემოკრატიულ სახელმწიფოთა ჯგუფის) სხვა წევრებთან ერთად, შეერთებული შტატები უკრაინას სესხის სახით, $50 მილიარდს გამოუყოფს. თანხას მოკავშირეები რუსეთისთვის ჩამორთმეული აქტივებიდან მიღებული მოგებით დააფინანსებენ.

მას შემდეგ, რაც 2022 წელს, რუსეთი მეზობელ უკრაინაში შეიჭრა და იქ სრულმასშტაბიანი ომი გააჩაღა, ამერიკამ და მისმა მოკავშირეებმა რუსეთს დაახლოებით $260 მილიარდი დოლარის აქტივები გაუყინეს. ისინი ამ ჩამორთმეული აქტივებიდან მიღებულ მოგებას, უკრაინისთვის გაცემული კრედიტის დასაზღვევად გამოიყენებენ.

დალიპ სინგჰმა, ეროვნული უსაფრთხოების საკითხებში თეთრი სახლის მრჩევლის მოადგილემ, რომელიც საერთაშორისო ეკონომიკურ მიმართულებას კურირებს, ჟურნალისტებთან გამართულ ბრიფინგზე შემდეგი განცხადება გააკეთა: „ახლა, როცა უკრაინა ომის მესამე ზამთრისთვის ემზადება, ის მიიღებს სასიცოცხლოდ მნიშვნელოვან ეკონომიკურ დახმარებას. დიდი შვიდეულის შეთანხმება სწრაფ სარგებელს მოუტანს უკრაინას, რათა მან ბოლო საბიუჯეტო დანაკლისი შეავსოს, შეინარჩუნოს საერთაშორისო სავალუტო ფონდის პროგრამა და დააფინანსოს საკუთარი თავდაცვა”.

სინგჰის თქმით, “ეს ნაბიჯი იმის დემონსტრაციაა, თუ როგორ ერთიორად აძლიერებს მულტილატერალიზმი საგარეო პოლიტიკაში წარმოდგენილ ძალებს. ვერცერთი ქვეყანა ვერ შეძლებდა ამ გარიგების დამოუკიდებლად დასრულებას. ახლა კი, დიდი შვიდეულის ყველა ქვეყანა მონაწილეობს ამ სესხის გაცემაში. ყველა ერთად ვაგზავნით ერთობლივ სიგნალს, რომ მსოფლიოს წამყვანი დემოკრატიული ქვეყნები არ დაიღლებიან უკრაინის თავისუფლებისთვის ბრძოლის საქმეში, მისთვის ზურგის გამაგრებით”.

აღნიშნული შეთანხმება რუსეთის პრეზიდენტის, ვლადიმირ “პუტინისთვისაც უტყუარი სიგნალია” იმისა, რომ “დრო მის სასარგებლოდ არ მუშაობს”, - აღნიშნავს თეთრი სახლის ეროვნული უსაფრთხოების მრჩევლის მოადგილე.

„ერთ-ერთი მიზეზი, რის გამოც შეერთებულმა შტატებმა დიდ შვიდეულს რუსეთის ცენტრალური ბანკის აქტივების გაყინვისკენ უბიძგა, რაც 2022 წელს, პუტინის მიერ ომის დაწყებიდან, სულ რაღაც ორ დღეში მოხდა, იყო მოულოდნელობით განპირობებული ქმედების სიმწვავე და ერთიანობიდან გამომდინარე, მისი სიმძიმე, რაც ჩვენ კარგად მოგვეხსენებოდა. ჩვენ გვწამდა, რომ ჩვენს კოლექტიურ გადაწყვეტილებას შეიძლება შეეცვალა პუტინის გაანგარიშება, ამ უაზრო ომის გაგრძელების ხარჯებთან დაკავშირებით. გასულ კვირას გამოცხადებული გარიგება, რომლის საფუძველზეც, ჩვენ მიერ, ორი წლის წინ გაყინული რუსეთის აქტივებიდან $50 მილიარდი დოლარი გამოთავისუფლდება, იმის დემონსტრაციაა, რომ ეს ხარჯები გაგრძელდება მანამ, სანამ ომი მიმდინარეობს”, - აცხადებს დალიპ სინგჰი.

შეერთებული შტატების წილი აღნიშნულ სესხში $20 მილიარდს შეადგენს. უკრაინა დამატებით $30 მილიარდს სხვა ქვეყნებისგან, მათ შორის ევროკავშირიდან, ბრიტანეთიდან, კანადიდან და იაპონიიდან მიიღებს.

შეერთებული შტატების პრეზიდენტის, ჯო ბაიდენის განცხადება ამბობს: „ეს სესხები უკრაინელი ხალხის მხარდასაჭერადაა, რომელიც საკუთარ ქვეყანას იცავს და აღადგენს. ჩვენი ძალისხმევა ცხადყოფს: ტირანები პასუხს აგებენ მათ მიერ მიყენებულ ზარალზე”.

Load more

XS
SM
MD
LG